Kolɔsfuɛ Mun 1:7 - Nyanmien nde Ufle

⁷ É swran kpa Épaphras b'o ti é wiéngu dyunman difue'n ye o kléé amuon. O dyran é dya nun di Christ dyunman'n kpa.

NYANMIƐN NDƐ'N 1998

⁷ E sran kpa Epafras b'ɔ ti e wiengu junman difuɛ'n yɛ ɔ kleli amun-ɔn. Ɔ jran é ja nun di Krist junman'n kpa.

Kolɔsfuɛ Mun 1:7 ပူးပေါင်းရင်းမြစ်များ

Matthieu 18:29

I wiéngu'n kôtô i bô, o séé i ke: Yatyi, guo o ya asé, man n tutu kale so'n.

Matthieu 24:45

?Swran kpa nanwlefue b'o si ngwlele'n bo i min'n fe sié i swran'm bé su ke o man bé alie ble ng'o ti i nuan su'n i su'n, yele wan?

Matthieu 25:21

I min'n sé i ke: O ti kpa. A ti swran kpa, a ti nanwlefue, liké kaan nga n fa mannin wo'n, a yôli i kpa, i so'n ti, n kusu nh foh o sié liké dan su. Bla man é ablé.

1 Korɛntfuɛ Mun 4:17

I ti ye man n sunmaan n swran kpa Timothée b'o ti Christfue kpa'n amun wun lo nion. I ye o wa bô wafa nga n fa fa Christ nde'n su'n bo n kléé asonun'n kwlaa nun'n su klé amun ékuon.

1 Korɛntfuɛ Mun 4:2

Kusu sa ng'o ti tyinndyin'n yele ke swran ng'o nian ninngé su'n, o yô swran kpa.

1 Korɛntfuɛ Mun 7:25

Bla nga bé nian dya'a bian'n, bé lie'n, é Min'n wa ma'an min bé wun nde, sannge Nyanmien i aunnvue b'o si min b'o min swran'm bé kwla fa bé wla gua n su'n ti, nh kanh n lie ng'o ô n klun'n.

2 Korɛntfuɛ Mun 11:23

Se bé ti Christ dyunman difue'n, n kusu n ti i dyunman difue wié dan, n ken ke man dyinmin sa, n di dyunman tra bé, bé wla m bisua tra bé, bé bô min tra su. Tyen kwlaa n wô wié'n nuan,

Efɛzfuɛ Mun 5:21

Ke amun nyin yi Christ'n ti, anh bu amun wiéngu swran.

Filipfuɛ Mun 2:25

N wun i ke, se n sunman Épaphrodite b'o ti n wiéngu dyunman difue bo min nin i é fe'n amun wun lo'n, o ti kpa. Bian so'n amun bobo ye an sunmeen ke o fa liké nga n sa mien i wun'n ble mion.

Kolɔsfuɛ Mun 4:12

Épaphras b'o ti amun nun kun'n i waan oh yôh amun liké. Christ-Jésus i dyunman difue so'n o mien i nyin sre Nyanmien ke an yô swran an wun sa ng'o ti klun sa'n i wle kpa, nan an dyran kéklé.

Kolɔsfuɛ Mun 4:7

É niaan Tychique b'o ti é swran kpa'n, b'o ti n wiéngu dyunman difue kpa é Min'n i dyunman'n nun'n, o wa kan sa kwlaa ng'o ô n su'n klé amun.

Kolɔsfuɛ Mun 4:9

N sunmen nin é niaan Onésime b'o ti amun nun kun, b'o ti é swran kpa bo é kwla fa é wla gue i su'n. Bé wa kan sa kwlaa ng'o ô wa'n klé amun.

1 Timote 4:6

Se a ken i so klé aniaan mun'n, bo a fa Nyanmien i sulafile nde'n nin liké kpa nga bé kléé wo bo a fali su'n katyi ke wo alie sa'n, ah yôh Christ-Jésus i dyunman difue kpa.

2 Timote 2:2

Nde nga a ti i ke n keen swran kpanngban bé nyrun'n, kan nde so'n, fa yatyii bé nga a lafi bé su bo bé kusu bé kwla kan klé swran ufle'n bé sa nun.

Filemɔn 1:23

Épaphras b'o ti n wiéngu bisuafue Christ ti'n, oh yôh o liké.

Hébreu 2:17

Ke o yô nan wa yô Nyanmien nyrun dyranfue dan, wa si i niaan'm bé aunnvue, wa si Nyanmien dyunman'n di kpa, nan wa kwla yatyi swran'm bé wun sa'n wa tye bé'n, san oh katyih i wun ke bé sa.

Hébreu 3:2

Dyunman nga Nyanmien fe siéé su'n, o nian nun di i kpa men, ke Moïse kusu yô i so Nyanmien awlô wunmuan'n nun'n sa.