Kolɔsfuɛ Mun 1:5 - Nyanmien nde Ufle

⁵ Ke an tii dyasin fe'n b'o ti nanwle'n klikli'n, bé kan liké nga bé siéé nyanmien su lo sié amun'n i nde kléé amun. Amun wla b'o ô su'n ti ye an lafi su, ye an klô Nyanmien swran muon.

NYANMIƐN NDƐ'N 1998

⁵ Jasin fɛ'n b'ɔ ti nanwlɛ'n, kɛ an ´ti i klikli'n, be kannin like nga be sieli i nyanmiɛn su lɔ sieli amun'n i ndɛ kleli amun. Amún wla b'ɔ o su'n ti yɛ an lafi su yɛ an klo Nyanmiɛn sran mun-ɔn.

Kolɔsfuɛ Mun 1:5 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 12:33

Anh yô amun ninngé'm bé ate, anh fe i sika'n tye yalefue mun. Anh kpe betro b'o yôman nvuen bo liké wié'a nun'n, anh sié nyanmien su lo, lo lie'n, awiéfue ko'a lo, nvole di'a liké lo.

Sa nga bé yôli'n 10:36

O fe i nde'n blee Israël mma mun, ye o kan aladyé bo bé wa nyen Jésus-Christ b'o ti swran'n kwlaa bé Min'n i ti'n i nde kléé bé.

Sa nga bé yôli'n 13:26

Nnya mun, amun bo an ti Abraham anunman'n, o nin amun nga an srô Nyanmien'n, é ye bé fa ti déle nde nga blee yéo.

Sa nga bé yôli'n 23:6

Ke Paul si ke bé bo bé yiaa le'n bé ti akpasua nnyon'n, akpasua kun ti Pharisifue (*f4*), ye kun ékun ti Sadducéfue'n (*f5*), o kpan dyole difue'm bé nyrun le ke: Nnya mun, n ti Pharisifue, Pharisifue'm bé wa yele min, n wla bo n fa gua swran nga bé wu'n bé tyenle nde'n su'n, i ti ye bé sanmaan mion.

Sa nga bé yôli'n 24:15

N lafi Nyanmien su ke swran kpa ô, swran te ô, béh tyenh, ye bé kusu bé lafi i so'n su wié.

Rɔmfuɛ Mun 10:8

?O sé se? O sé ke: «Nyanmien nde'n wô o wun kôkô le, o ô o klun ye a kaan.» Nde so'n yele Nyanmien sulafile nde bo é kan'n.

1 Korɛntfuɛ Mun 13:13

Sien'n, liké nsan ng'o ka le'n bé ye, Nyanmien su lafile, é wla bo é fa gue Nyanmien su'n, nin klôle bo é fa klô Nyanmien nin swran'n, sannge bé nun dan'n yele Nyanmien nin swran bé klôle.

1 Korɛntfuɛ Mun 15:19

Se ble nga é ô nun ye'n ngunmin ye é wla ô Christ su, bo ke é kô wu'n, wuun wa wié'n, é nyrennen lie'n tra swran'n kwlaa.

2 Korɛntfuɛ Mun 5:19

Nyanmien nin Christ bé swran kun bo bé ti'n ti, wa nia'an sa nga swran'm bé yôli'n ti, o yôli man menmenfue'n kwlaa bé nin i bé afien a se. Ye o fa afien siésiéle nde so'n wlaa é sa nun.

2 Korɛntfuɛ Mun 6:7

é kan nde b'o ti nanwle, sa nga é yô'n é yôé Nyanmien fanngan nun. Nanwle dile'n ye o ti é ale liké bo é fa kun ale ye é fa kpli é tio.

Galasifuɛ Mun 2:14

Ke n wuun bé sa nga bé yô'n ke o nin dyasin fe'n b'o ti nanwle'n bé seman'n, n wusaa Céphas bé kwlaa bé nyrun le ke: ?O bo a ti Juif'n bo a yatyi Juif'm bé nzuen'n a yô ke bé nga bé ti'a Juif'n bé sa'n, o yô se ye a mian bé ke bé yô ke Juif'm bé sa nion?

Galasifuɛ Mun 2:5

Ke o ko yô nan dyasin fe'n b'o ti nanwle'n wa tran amun klun'n, ba nya'an é dyranwle bo kaan sa.

Galasifuɛ Mun 5:5

É lie'n, é wla ô Nyanmien su kpa ke oh buh é swran kpa i su bo i Wawe'n man é lafi'n ti, é minnde ke o yô é so.

Efɛzfuɛ Mun 1:13

Amun kusu, ke an tii dyasin fe'n b'o ti nanwle'n, b'o man amun kwla nyan amun ti'n, an lafii Christ su. Ke amun nin i amuan katyi swran wunmuan'n ti, Nyanmien fe i Wawe'n b'o ken i nde'n maan amun b'o klé ke an ti i lie mlonmlon.

Efɛzfuɛ Mun 4:21

Afin nanwle, an tii Jésus nde bo bé kan'n, ye swran wunmuan bo amun nin i katyili'n ti, bé kléé amun nanwle nde ng'o kléli'n.

Kolɔsfuɛ Mun 1:23

Se an dyran kéklé bo an lafi Christ su kpa, bo an yatyi'a liké nga ke an tii dyasin fe'n an fa amun wla gua su'n, ye amunh yôh soo. Dyasin fe so'n ye bé kan kléé asie'n sufue'n kwlaa, bo m Paul man fa katyi n dyunman n di nion.

Kolɔsfuɛ Mun 1:27

Afin Nyanmien klô ke i swran'm bé si nvlénvlé'n kwlaa bé wun akunndan kpa ng'o buli b'o fie swran'm bé wun'n. Akunndan kpa so'n yele ke, Christ tran amun awlen'n nun, o man amun wla ô su ke Nyanmien man amunh nyanh nyrun.

Kolɔsfuɛ Mun 3:16

Man Christ nde b'o ti amun liké kpa'n tran amun klun. Anh kan klé amun wiéngu, ngwlele kwlaa nga an sii'n anh fa tu amun wun fo. Anh tu amun klun tô psaume nin Nyanmien manmanle dyué nin asonun dyué'n menmen, anh le i asé.

1 Tɛsalonikfuɛ Mun 2:13

I so'n ti, é kusu é la Nyanmien asé titi, afin i nde bo é kan kléli amun'n, an tili ye an fa su. Amuan bu'e i ke o ti swran lie, sannge an wun i ke o ti Nyanmien nde sakpa b'o kwla yô amun bo an lafi Christ su'n, amun wun sa yé.

2 Tɛsalonikfuɛ Mun 2:16

Man é Min Jésus-Christ bobo nin é Si Nyanmien b'o klô é, bo yé b'o yô yé'n ti, o gua é awlen su nzué tititi, b'o man é liké kpa bo é fa é wla gua su'n,

1 Timote 1:15

Nde nga ti nanwle wéiin, se bé fa su'n o ti kpa, yele ke Christ-Jésus baa men'n nun sa te yôfue mun bo n ti bé nun klikli'n bé déle.

2 Timote 4:8

Sien'n ba sié liké nga swran ng'o yô kpa'n bé fa yô i mô'n, lo a sié min. É Min'n b'o di dyole nanwle su'n ye oh fah man min tyen so'n nuon. Nanh min ngunmin ye oh fah man mion, sannge oh fah man bé kwlaa nga bé nyin te i sin'n.

Tite 1:2

nan bé fa bé wla gua anannganman nguan'n su. Nyanmien b'o bua'a atô'n, ke o nian yi'a men'n o séé ke nh nyanh nguan so'n.

Hébreu 7:19

o man liké fi kwla yô'a kpa, ye bé fa liké ufle bo i kpa tre, bo é kwla fa é wla'n gua su'n siéé i ôsu, o man é kwla mantan Nyanmien.

1 Piɛr 2:2

Ke ba nonman kunnde nyonflen'n, amun kusu anh kunnde Nyanmien nde b'o ti ke nonnon bo ba gua'a nun liké'n sa. Se amun non'n, amunh yôh swran ye amunh nyanh amun ti.

1 Piɛr 3:15

Sannge anh bu Christ swran, anh bui amun Min. Anh bu sa ti ye amun wla ô Christ su'n i akunndan sié, nan se bé usa amun i su sa'n, amuan kwla te bé su.

2 Piɛr 1:12

An si sa so mun, ye an lafi nde nanwle nga an tili'n su kpa, sannge n su yatyi'a amun wla kpenle sa so'm bé su.

1 Jean 3:3

Swran kwlaa nga i wla ô su so'n, o klô'a ke sa kaan sa tren i wun, afin sa fi nu'an Christ wun.