Kolɔsfuɛ Mun 1:4 - Nyanmien nde Ufle

⁴ afin é tii Christ-Jésus su bo an lafi'n, nin klôle nga an fa klô Nyanmien swran'n kwlaa'n i nde bo bé kan'n.

NYANMIƐN NDƐ'N 1998

⁴ afin e tili Krist-Jésus su bɔ an lafi'n, nin klolɛ nga an fa klo Nyanmiɛn sran'm be kwlaa'n i ndɛ bɔ be kan'n.

Kolɔsfuɛ Mun 1:4 ပူးပေါင်းရင်းမြစ်များ

2 Korɛntfuɛ Mun 7:7

Nenh i bale'n ngunmin ye o gua é awlen su nzuéo, sannge ke o kan fonvole wafa nga an fa fonvolii'n i nde'n, o man é wla gua asé dan. I Waan an dé min aulie kpa, an wô ngôkôe nun, an dyin n sin, o man n klun dyo dan kpa sien'n.

Galasifuɛ Mun 3:26

Afin Christ-Jésus bo an lafi i su'n ti, amun kwlaa an ti Nyanmien wa.

Galasifuɛ Mun 3:28

O man o le'a Juif nin Grec, o le'a kanga nin diéwa, o le'a yasua nin bla, afin amun kwlaa an ti kun, swran wunmuan bo amun nin Christ-Jésus amuan katyi'n ti.

Galasifuɛ Mun 5:6

Ke é nin Christ-Jésus ya katyi swran wunmuan'n, se é wla klen ô, ya wla'a klen ô, nenh i li ye bé niaan, sannge klôle bo é fa klô swran nin Nyanmien'n i su bo é lafi'n ti'n, i li ye bé niaan.

Efɛzfuɛ Mun 1:15

I so'n ti, n kusu ke n tii é Min Jésus i su bo an lafi'n nin klôle bo an klô Nyanmien i swran mun'n,

Efɛzfuɛ Mun 6:18

Ke an kô yô i kwlaa so'n, anh sre Nyanmien ke o dyran amun sin. Sa'n kwlaa nun amun nin Nyanmien kôkô yale i Wawe'n i fanngan nun tititi. Anh nien i so'n su yôé titi, nanh an kponzo. Anh sre Nyanmien ke o nien i swran'n kwlaa bé su.

Kolɔsfuɛ Mun 1:9

I so'n ti, é kusu ke o fin tyen nga é tii amun nde bo bé kan'n, é sre Nyanmien titi ke o nian amun su. É sre i ke o man an si ngwlele, an wun sa nga i Wawe'n klé amun'n i wle, nan an si i klun sa'n kpa.

1 Tɛsalonikfuɛ Mun 1:3

É akunndan ô liké nga Christ su bo an lafi'n ti an yô'n, nin dyunman nga an di klôle bo an fa klô Nyanmien nin swran'n, nin amun wla bo an fa gua é Min Jésus-Christ su kpa'n bé su, ye é kan klé é Si Nyanmien.

1 Tɛsalonikfuɛ Mun 3:6

Sannge ke Timothée fin amun wun lo ityra'n b'o dyuu wa'n, o kaan amun wun lo nde fe kléé é ke an te lafi Christ su, ye an klô Nyanmien nin swran, an bu é akunndan kpa titi, amun wla lô é ke é kusu é wla lô amun'n sa.

2 Tɛsalonikfuɛ Mun 1:3

Aniaan mun, anh lafi Christ su kpa tra laa'n, klôle nga amun kwlaa an fa klô amun wun'n ti dan tra laa'n, o man amun ti o fata ke é la Nyanmien asé titi, se é yôé soo o ti su.

Filemɔn 1:5

afin n ti klôle bo a fa klô é Min Jésus nin Nyanmien swran'n kwlaa'n nin sulafile nga a fa lafi bé kwlaa bé su'n i nde.

Hébreu 6:10

Afin Nyanmien yô'a sa b'o ti'e i su, i wla fi'a dyunman nga an dili nin klôle nga an fa klôé b'o man an yôli i swran'm bé yé, bo an te yô'n su.

1 Jean 3:14

É si ke ya nyan é ti wié'n sa nun, ya nyan nguan, yele ke é klô é niaan mun. Swran ng'o klô'a swran'n, wuun o te ô wié'n sa nun.

1 Jean 3:23

Anh nian nde nga o kan kléé yé'n, i waan, é lafi Wa Jésus-Christ su, ye é klô é wun ke Christ kan kléé é ke é klô é wun'n sa.

1 Jean 4:16

É si ke Nyanmien klô é, o man é lafi i su. Nyanmien ye o ti swran klôfue nion, o man swran ng'o klô swran'n, wuun o nin Nyanmien ba katyi swran wunmuan, o nin i bé tran.