Kolɔsfuɛ Mun 1:28 - Nyanmien nde Ufle

²⁸ Christ so'n i nde ye é kan klé swran'n kwlaa nion, é tu bé kwlakwla bé fo, é fa ngwlele kwlaa nga é sii'n é fa klé bé liké. É yô so nan swran'n kwlaa yô swran Nyanmien nyrun, swran wunmuan bo bé nin Christ ti'n ti.

NYANMIƐN NDƐ'N 1998

²⁸ Krist sɔ'n i ndɛ yɛ e kan kle sran'm be kwlaa nin-ɔn, e tu be kwlakwla be fɔ, yɛ e fa ngwlɛlɛ nga e si i'n i kwlaa e kle be like. E yo sɔ nan sran'm be kwlaa be `yo sran Nyanmiɛn nyrun sran wunmuan bɔ be nin Krist ti'n ti.

Kolɔsfuɛ Mun 1:28 ပူးပေါင်းရင်းမြစ်များ

Matthieu 28:20

Ye liké kwlaa nga n kléé amun'n, amun kusu, anh klé bé man bé fa su. Anh nian, min nin amun é ô tyen kwlaa lélé men'n fah wié.

Matthieu 3:7

Ke o wuun ke Pharisifue (*f4*) nin Sadducéfue (*f5*) kpanngban bé ba ke o yô bé baptême'n, o usaa bé ke: ?Onda mma mun, wan ye o séé amun ke an wanndi ya b'o wa dyaô'n i bôo?

Matthieu 5:48

I so'n ti, anh yô swran kpa ke amun Si b'o ô nyanmien su lo'n ti kpa'n sa.

Marc 6:34

Ke Jésus fin alié'n nun dyrali'n, o wuun swran so mun ba bô nzra dan kpa, nan ba yô i annvo, afin bé ti ke bua'm bo bé le'a tafue sa, ye o bôô bé liké kléle'n bôo, o kléé bé liké kpanngban.

JÉSUS-CHRIST I DYASIN FE'N BO LUC KLELI'N 21:15

Afin m bobo ye nh fah nde nga amunh kanh'n wla amun nuaan, ye nh kléh amun ngwlele, o man amun kpofue'm bé su kwla kpalôman amun nuan, ye bé su si'a amun akplôwa.

Sa nga bé yôli'n 10:36

O fe i nde'n blee Israël mma mun, ye o kan aladyé bo bé wa nyen Jésus-Christ b'o ti swran'n kwlaa bé Min'n i ti'n i nde kléé bé.

Sa nga bé yôli'n 11:20

Sannge bé nun swran wié'm bé fin Chypre nin Cyrène, bé baa Antioche, bé kan nde klé Grec mun wié, ye bé bô é Min Jésus i dyasin fe'n kléé bé.

Sa nga bé yôli'n 13:38

I so'n ti, Nnya mun, man an si ke: I dunman nun ye bé kan é wun sa nga Nyanmien yatyi tye yé'n i nde kléé amuon.

Sa nga bé yôli'n 17:18

Fluwa sifue dandan wié'm bo bé fle bé épicurefue nin stoïquefue'n bé nin Paul kaan nde. Bé wié'm bé sé ke: ?Fiaifue nga i wannze? Ye wié'm bé sé ke: O su kan nvlé wié'm bé amuen nde. Sa ti bo bé ken i so'n yele ke o kan Jésus nde nin swran'm bé tyenle nde.

Sa nga bé yôli'n 17:3

o tu nde so'n i bô kléé bé wéiin ke Christ i nyrennen wunle'n, o nin i tyenle'n o ti su. Ye o sé bé ke: Jésus bo n ken i nde klé amun'n, i ye o ti Christ nion.

Sa nga bé yôli'n 20:31

I so'n ti, anh nian amun wun kpa, nanh amun wla fi ke, man yatyi'a amun kwlakwlakwla amun afotue manle afue nsan kongue nin wia'n nun. Ke nh yôh so'n, n nyinmuen gua.

Sa nga bé yôli'n 3:20

ye oh sunmanh Christ (*f1*) b'o dun mmua séé ke oh fah man amun'n amun wun wa, yele Jésus.

Sa nga bé yôli'n 5:42

Tyen kwlaa bé yatyi'a Jésus-Christ dyasin fe'n i bôle o nin i kléle Nyanmien sua dan'n nun nin awlô'm bé nun.

Sa nga bé yôli'n 8:35

Ye Philippe fa Nyanmien Nde nga bé kleli'n i nun nde so'n o fa kan Jésus i dyasin fe'n klélii.

Sa nga bé yôli'n 8:5

Philippe oo Samarie klo kun su, o kan Christ nde'n klé lofue mun.

Sa nga bé yôli'n 9:20

kpekuun o su kan Jésus nde Nyanmien sua'm bé nun, ke Jésus ti Nyanmien Wa.

Rɔmfuɛ Mun 16:25

Nyanmien Kpli kwla ô! Afin n dyasin fe'n nin Jésus-Christ i nde bo n kan'n, nin sa nga Nyanmien yi'e i nglô klé'a é laa bo sien'n ya wun i wle'n ti, o man an kwla dyran kéklé. Ke o fin men'n i bôbôle nun'n, Nyanmien fiaa sa so'n su,

1 Korɛntfuɛ Mun 1:23

Sannge é lie'n, Christ bo bé bôbôlii waka'n su, bo i nde kanle'n ti Juif'm bé ngasi'n, b'o ti bé bo bé ti'a Juif'n bé nyrun sinnzin nde'n, i nde ye é kaan.

1 Korɛntfuɛ Mun 1:30

Afin i ye man amun nin Christ-Jésus amuan katyi swran wunmuaan, ye Christ ti é katyi ngwlelefue, o bu é swran kpa, é katyi i lie mlonmlon, ye o kpo é ti.

1 Korɛntfuɛ Mun 12:8

Afin Nyanmien Wawe'n man swran'n wié ngwlele o fa kan nde, ye i Wawe kunngba'n man swran'n wié kusu wun sa wle o kan klé swran wié mun.

1 Korɛntfuɛ Mun 15:12

?Se é kan klé amun ke Nyanmien tyennin Christ'n, o yô se ti ye amun nun wié'm bé sé ke se swran wuo o tyenman nion?

1 Korɛntfuɛ Mun 2:15

Swran nga Nyanmien Wawe siéé'n, i lie'n, o si sa ngbesungbesu'n kwlaa, sannge swran fi wu'en i wafa'n i wle.

1 Korɛntfuɛ Mun 2:6

Sannge ngwlele nde ye é kan klé swran bo bé nyin a ti muon. Ngwlele so'n fi'an é ble su, nin é wléngbi mun bo bé ble lie'n o wa wié'n.

1 Korɛntfuɛ Mun 4:14

Nanh ke amun nyin asé guale ti ye n klee nde so nion, sannge amun bo an ti n swran kpa'n, amun afotue manle tio.

2 Korɛntfuɛ Mun 10:14

Ke é fa Christ i dyasin fe'n woo amun wun lo'n, i so'n klé'a ke é tra é dyunman'n i dyuwle'n su, afin an wô nun wié.

2 Korɛntfuɛ Mun 11:2

Amun ti n dyran Nyanmien nuan n si kwla, yele ke an ti ke talua kun b'o nian si'a bian sa bo n tra amun asé maan yasua kun, swran so'n yele Christ.

2 Korɛntfuɛ Mun 4:5

É ka'an é bobo é wun nde, Christ-Jésus b'o ti é Min'n i nde ye é kaan, i ti é ti amun akua.

Efɛzfuɛ Mun 3:8

Nyanmien yôô m bo n ti i swran'n kwlaa bé nun kaan'n n yé, o man n kan klé bé nga bé ti'a Juif'm bé ke Christ i anyanbéun'n tyennin, bé kwla ke'en bé nuan nun.

Efɛzfuɛ Mun 5:27

O yôé so nan ke Asonun'n beh i wun le'n, oh wunh ke o ti klaan, o ti yeiin, le fi nu'en i wun, i wun trale'n ti'a nyonnyonwa, o ti Nyanmien lie mlonmlon.

Kolɔsfuɛ Mun 1:22

sien'n bo i Wa'n katyi swran b'o wuli'n ti, wa siésié i nin amun afien, nan ke amunh beh i wun le'n, oh wunh ke an ti i lie mlonmlon, sa te fi nu'an amun wun, ye bé kwla ka'an amun wun nde te fi.

Kolɔsfuɛ Mun 2:10

O man swran wunmuan bo amun nin Christ b'o ti mmusu nin kpenngben'n kwlaa bé sukpen'n, amun ti'n ti, liké'n kwlaa ti a sin a yia amun.

Kolɔsfuɛ Mun 2:3

O ti ke betro sa, i nun ye Nyanmien fe i ngwlele'n nin sa wle wunle'n kwlaa fialio.

Kolɔsfuɛ Mun 3:16

Man Christ nde b'o ti amun liké kpa'n tran amun klun. Anh kan klé amun wiéngu, ngwlele kwlaa nga an sii'n anh fa tu amun wun fo. Anh tu amun klun tô psaume nin Nyanmien manmanle dyué nin asonun dyué'n menmen, anh le i asé.

Kolɔsfuɛ Mun 4:12

Épaphras b'o ti amun nun kun'n i waan oh yôh amun liké. Christ-Jésus i dyunman difue so'n o mien i nyin sre Nyanmien ke an yô swran an wun sa ng'o ti klun sa'n i wle kpa, nan an dyran kéklé.

1 Tɛsalonikfuɛ Mun 4:6

Sa kunngba nga su'n, nanh an bu amun niaan luflé, nanh an tie i be su, afin é kan kléli amun, é wlaa amun su nun kpa ke, swran ng'o yô i so sa'n, é Min'n tuh i fo.

1 Timote 3:16

Nanwle, é kwlaa é si ke, ke o yôli bo é yô Nyanmien lie'n, o ti abônuan dan, swran wu'en i wle. O yô i wun swran o yii i wun nglô, Nyanmien Wawe'n klé ke o ti swran kpa, Ange'm bé wunniin, Bé ken i nde nvlé'm bé nun, Bé lafii i su men wunmuan'n nun, Bé yôô i kuaa, bé yô i mô nyanmien su lo.

1 Timote 3:2

Sannge i so swran lie'n, mon o yô swran bo bé kwla satyi'e i wun kaan sa, bo i yi ti kun, b'o nien i wun su kpa, b'o si ngwlele, b'o yô sa i nuen su, b'o ti aklunyéfue, b'o si liké klé.

Hébreu 10:14

Afin ke o soo Nyanmien kpale kunngba so'n, o man bé kwlaa nga o fe i wun yili bé ti te'n bé yôô swran kpa mlonmlonmlon.

Hébreu 13:21

o man amun fanngan sa'n kwlaa nun nan an yô i klun sa. Jésus-Christ ti, mon o fa é yô liké ng'o klô'n. Man é la Christ asé tititi! Mon o yô so!

2 Piɛr 3:15

Anh nian é Min'n i awlen b'o tre amun wun'n, amun ti nyanle tio. Ke é niaan Paul b'o ti é swran kpa'n, bo Nyanmien meen i ngwlele'n, kle i so blee amuon.