Kolɔsfuɛ Mun 1:27 - Nyanmien nde Ufle

²⁷ Afin Nyanmien klô ke i swran'm bé si nvlénvlé'n kwlaa bé wun akunndan kpa ng'o buli b'o fie swran'm bé wun'n. Akunndan kpa so'n yele ke, Christ tran amun awlen'n nun, o man amun wla ô su ke Nyanmien man amunh nyanh nyrun.

NYANMIƐN NDƐ'N 1998

²⁷ Afin Nyanmiɛn klo kɛ i sran'm be si nvle-nvle'm be kwlaa bé wun akunndan kpa ng'ɔ buli b'ɔ fiɛli i sran'm bé wun'n. Akunndan kpa sɔ'n yɛlɛ kɛ Krist `tran amun anwlɛn'n nun yɛ ɔ `yo man amún wla tran su kɛ Nyanmiɛn man amun ´nyan nyrun.

Kolɔsfuɛ Mun 1:27 ပူးပေါင်းရင်းမြစ်များ

Matthieu 13:11

Jésus sé bé ke: Amun ye bé yi Nyanmien siéle'n i wun akunndan bo swran wu'en i wle'n, i nglô kléé amuon, sannge bé nga'm bé lie'n, ba sié'e so.

JÉSUS-CHRIST I DYASIN FE'N BO LUC KLELI'N 17:21

Bé su sé'a ke: Anh nian, o ô wa, annze, o ô lé sa, afin swran nga Nyanmien sié bé'n, bé ô amun nun wa.

Jean 14:20

I tyen so'n nun, amunh wunh i wle ke min nin n Si é ti swran wunmuan, ye min nin amun kusu ya katyi swran wunmuan.

Jean 14:23

Jésus sé i ke: Swran ng'o klô min'n, oh fah min nde'n su, ye n Si wa klôé, éh beh i wun, é nin i éh tranh.

Jean 17:26

M man bé sili o, ye m man bé wa si o ékun nan klôle nga a fa klôli min'n, bé si ke a klô bé so wié, ye min nin bé ya yô swran wunmuan.

Jean 6:56

Swran ng'o di min nnen'n b'o non min mmôdya'n, min nin i ya katyi swran wunmuan, é su ti'a nun.

Rɔmfuɛ Mun 11:33

Iii, Nyanmien ti anyanbéunfue ô! O si ngwlele ô! O si sa'n kwlakwla kpa! ?Wan ye o si i klun lo akunndaan? ?Wan ye o wun sa ng'o yô bé'n bé wleo? Afin,

Rɔmfuɛ Mun 2:4

Nyanmien ti aklunyéfue dan kpa, o kpli'a sa wun, o kpli'a sa wun, o blu sa su. ?O nin i so'n ngba, an bu'e liké fi? ?An si'a ke Nyanmien yô kpa nan an katyi amun nzuen'n?

Rɔmfuɛ Mun 5:2

I ye man é sii ke Nyanmien yô é yéo, i su bo é lafi'n ti, sien'n é su di yé so'n. Anyrunnyan bo Nyanmien waan oh manh é bo é nyin ô i sin'n ti, é wun blibli é.

Rɔmfuɛ Mun 8:10

Se an ti Christ i awlô'n, é wun i bué kun ke sa te'n ti, amuan wu, i bué kun kusu é wun ke, amun swran kpa b'o katyii amun'n ti, i Wawe'n o man amuan nyan nguan.

Rɔmfuɛ Mun 9:23

?Se o yôé so ke o fe i yé dan b'o yô é i klun-ufué su'n klé yé'n, o kwla yô'e so? Afin é b'o wunnin é aunnvue'n é ti ke se klaan sa. O dun mmua siéé é ke é nyan nyrun.

1 Korɛntfuɛ Mun 3:16

?An si'a ke an ti Nyanmien Kpli'n i sua bo i nun ye i Wawe'n traan?

2 Korɛntfuɛ Mun 2:14

Nyanmien Kpli kwla ô! Afin ke é nin Christ ya katyi swran wunmuan'n ti, o fa é yi i kwlale'n nglô tititi. Ye o fa é ke é yô man bé si Christ lika'n kwlaa ke liké b'o bon fannin kpa'n sa.

2 Korɛntfuɛ Mun 4:17

Nyrennen kaan nga é wuin ye'n o man éh nyanh tranwle kpa nyanmien su lo, é su dyaô'a nun le.

2 Korɛntfuɛ Mun 4:6

Nyanmien b'o séé ke: Man lika'n kpadya'n, i kunngba'n ye man é wun sa wle wéiion. O man ke é nian Christ'n é wun wafa kwlaa nga Nyanmien Kpli'n ti'n, afin i ye man é sii io.

2 Korɛntfuɛ Mun 6:16

?Bé kwla fa sua kun yô Nyanmien nin amuen'm bé sua? Afin é ti Anannganman Nyanmien'n i sua, afin Nyanmien bobo waan: «Min nin bé éh tranh, éh sanh nun, Nh yôh bé Nyanmien, ye bé kusu béh yôh n swran.»

Galasifuɛ Mun 2:20

o man ôle nga n wô ye'n nanh n ngunmin ye n wôo, min nin Christ ye é wôo, ye sulafile bo n lafi Nyanmien i Wa b'o klôli min b'o fe i wun mannin min ti'n, i ti ye n wô leo.

Galasifuɛ Mun 4:19

M mma mun, amun ti n su wun nyrennen kpa ékun ke bla bo wa kôtô awulie sa, lélé béh wunh Christ nzuen'n kwlakwlakwla amun nun.

Efɛzfuɛ Mun 1:7

Ke Christ wuli bo i mmôdya'n guali'n ti, Nyanmien déli é ti, o yatyi sa nga é yôlii'n tyee é. I so'n nun é wun yé dan nga o yôô é

Efɛzfuɛ Mun 2:22

Amun kusu, swran wunmuan bo amun nin i amuan katyi'n ti, Nyanmien Wawe'n i fanngan nun an ti sua bo Nyanmien tran nun'n i yebue'n wié.

Filipfuɛ Mun 4:19

Liké kwlaa ng'o mian amun'n, ke min Nyanmien i anyanbéun b'o ô Christ-Jésus sa nun'n i dan'n ti'n, oh feh i so man amun.

Kolɔsfuɛ Mun 1:5

Ke an tii dyasin fe'n b'o ti nanwle'n klikli'n, bé kan liké nga bé siéé nyanmien su lo sié amun'n i nde kléé amun. Amun wla b'o ô su'n ti ye an lafi su, ye an klô Nyanmien swran muon.

Kolɔsfuɛ Mun 2:3

O ti ke betro sa, i nun ye Nyanmien fe i ngwlele'n nin sa wle wunle'n kwlaa fialio.

Kolɔsfuɛ Mun 3:11

I so'n ti, o le'a ke wié ti Grec, wié ti Juif, bé wlaa wié klen, b'a wla'a wié klen, wié'm bé nyin nian timan, wié ti Scythe sinnglinfue, wié ti kanga, wié ti diéwa, sannge Christ ti bé liké kwlaa, ye o tran bé kwlaa bé awlen'n nun.

1 Timote 1:1

M Paul bo é Défue Nyanmien nin Christ-Jésus bo é fa é wla gue i su'n bé waan béh sunmanh min bo Christ-Jésus so'n sunmaan min'n,

Hébreu 6:19

Liké nga é wla ô su so'n, ti ke mméli i blale'n bo bé fa dyren'n sa, o tra é asé. O so é lafi i su. O wlu lélé dyuu tannin b'o kpe nyanmien su lo Nyanmien sua dan'n nun'n i sin lo.

1 Jean 4:4

M mma mun, amun lie'n, an ti Nyanmien lie, o man an kwlali bé, afin Swran ng'o dyran amun sin'n ti dan tra nga b'o dyran men'n nunfue'm bé sin'n.

Sa nglô yile 3:20

Anh nian, n dyin anuan'n sin, m bôbô. Swran ng'o ti min nen'n nan o tiké'n, nh wluh i lika lo, min nin i éh dih liké.