Kolɔsfuɛ Mun 1:23 - Nyanmien nde Ufle

²³ Se an dyran kéklé bo an lafi Christ su kpa, bo an yatyi'a liké nga ke an tii dyasin fe'n an fa amun wla gua su'n, ye amunh yôh soo. Dyasin fe so'n ye bé kan kléé asie'n sufue'n kwlaa, bo m Paul man fa katyi n dyunman n di nion.

NYANMIƐN NDƐ'N 1998

²³ Sɛ an jran kekle bɔ an lafi Krist su kpa'n, bɔ an yaci-man like nga kɛ an tili jasin fɛ'n an fali amún wla guali su'n yɛ amun ´yo sɔ-ɔ. Jasin fɛ sɔ'n yɛ be kan kleli asiɛ'n sufuɛ'm be kwlaa nin-ɔn. I yɛ m Pɔl m'an fa kaci n junman n di nin-ɔn.

Kolɔsfuɛ Mun 1:23 ပူးပေါင်းရင်းမြစ်များ

Marc 16:15

Ye o séé bé ke: Anh wo men wunmuan'n nun, anh kan dyasin fe'n klé swran'n kwlaa bo Nyanmien yii bé'n.

JÉSUS-CHRIST I DYASIN FE'N BO LUC KLELI'N 22:32

Sannge n kan o nde kléé Nyanmien ke n su bo a lafi'n, nanh man a kponzo. O kusu se a katyi'n, wlo o niaan'm bé fanngan.

JÉSUS-CHRIST I DYASIN FE'N BO LUC KLELI'N 6:48

O ti ke swran kun b'o su kplan sua sa. O kpe kunman kplôuun, o kpen yebue su, o wle i bô asé yebue so'n su. Nzué dan kun yi ba kpuu, o dii sua so'n, sannge wa yômen liké fi, yele ke bé kpleen kpa.

Jean 15:6

Swran ng'o nin min a yô kun'n se o nin min a tra'an so titi'n, o ti ke waka sama b'o temen i bô'n su'n sa, bé kpe yi. O wu, bé isa gue sin nun, o yra.

Sa nga bé yôli'n 1:17

Judas ti é nun kun, bé felii ke o di dyunman kunngba nga é di ye'n wié.

Sa nga bé yôli'n 1:25

mon o fa dyunman nga Judas yatyi oli i bobo lika'n, ye sunmanle nga Jésus fa sunmaan Judas'n, o fa sunmen.

Sa nga bé yôli'n 1:8

Sannge ke Nyanmien Wawe'n kô ba amun wun'n, oh tinh amun, an wa kan min nde Jérusalem wa, Judée men wunmuan'n nun, o nin Samarie lo lélé fa dyu asie'n i awiélie.

Sa nga bé yôli'n 11:23

O ti swran kpa, Nyanmien Wawe'n siéé, ye o lafi Nyanmien su kpa. Ke o dyuu lo b'o wuun yé dan nga Nyanmien yôô bé'n, i klun dyoli, o tu bé kwlaa bé fo ke bé fa bé wla gua é Mun'n su, ye bé dyran kéklé. Ye swran kpanngban kpa bé fa bé wun maan é Min'n.

Sa nga bé yôli'n 14:22

bé wla asonunfue'm bé fanngan, bé tu bé fo ke bé lafi Nyanmien su kpa, ye bé sé bé ékun ke: San éh wunh nyrennen dan kpa nan ya kwla dyu Nyanmien men'n nun.

Sa nga bé yôli'n 2:5

I nun so'n nun, Juif'm bo bé srô Nyanmien'n bo bé fin menmen'n kwlaa bo bé ô asie'n su wa'n bé nun'n, bé ô Jérusalem le.

Sa nga bé yôli'n 20:24

Sannge m bu'a min wun liké fi, n yô so nan man wanndi a dyu n dyuwle, nan man wié dyunman nga é Min Jésus fa wlaa n sa nun ke n yô'n i yô. Dyunman so'n yele ke n kan yé dan nga Nyanmien yôô yé'n i nde.

Sa nga bé yôli'n 26:16

Sannge dyaô dyran, nian sa nga ti bo n yi min wun klé wo'n ye, man fa o a sié ke a yô n dyunman difue, ye a kan liké nga a wunniin'n, nin min wun bo m ma fa klé o ékun'n, klé swran mun.

Sa nga bé yôli'n 4:12

I kunngba tye ye o kwla dé swraan, yele ke Nyanmien a sié'a swran ufle fi men'n nun wa bo i dunman nun é kwla fité nuon.

Rɔmfuɛ Mun 10:18

N sé ke yiô: ?Ba timan? Bé tilii kpa, afin bé klee ke: «Bé kaan nde lika'n kwlaa, Ye bé tii bé nde'n men wunmuan'n nun.»

Rɔmfuɛ Mun 15:16

b'o sié min ke n di Christ-Jésus i dyunman bé nga bé ti'a Juif'n bé afien'n ti ye n kleli i soo. Ke mh bôh Nyanmien i dyasin fe'n, n yô i nyrun dyranfue nan nh fah bé nga bé ti'a Juif'n men, i Wawe'n man bé katyi i lie, o man i klun dyo bé wun.

Rɔmfuɛ Mun 2:7

Bé nga bé tra bé awlen bé yô kpa, bo bé kunnde ke bé nyan nyrun bé bu bé swran, bo bé kunnde nguan'n, oh manh bé anannganman nguan.

Rɔmfuɛ Mun 5:5

Ye é wla bo é fa gua Nyanmien su'n ti é nyin su gua'a asé, afin Nyanmien man i Wawe b'o fa maan yé'n klé é klôle dan nga Nyanmien fa klô yé'n é awlen'n nun wéiin.

1 Korɛntfuɛ Mun 15:58

I so'n ti, n niaan kpa mun, anh dyran kéklé, nanh amun wun usu amun, anh di é Min'n i dyunman'n kpa o amun nyrun tititi. Man an si kpa ke liké nga é yô man é Min'n, o su ka'a ngben.

1 Korɛntfuɛ Mun 3:5

Anh nian: ?Apollos ti nzu? ?M Paul kusu n ti nzu? É ti dyunman difue bo é nde bo é kannin'n ti ye an lafii Jésus suo.

2 Korɛntfuɛ Mun 10:1

M bobo m Paul m ma sre amun liké kun. Bé sé ke, ke n wô amun nyrun lo'n, n ti wetee kpé nun, sannge ke n nu'an lo'n, nde nga n kan klé amun'n, n ken yasua su. Christ b'o ti weteefue b'o ti swran kpa'n i dunman nun

2 Korɛntfuɛ Mun 11:23

Se bé ti Christ dyunman difue'n, n kusu n ti i dyunman difue wié dan, n ken ke man dyinmin sa, n di dyunman tra bé, bé wla m bisua tra bé, bé bô min tra su. Tyen kwlaa n wô wié'n nuan,

2 Korɛntfuɛ Mun 3:6

I kunngba'n ye man é kwla di sa ufle nga i waan oh yôh man swran'n i dyunman nion. O ti'a mmla bo bé klelio, sannge o ti Nyanmien Wawe'n lie. Afin mmla nga bé kleli'n o man swran wu, sannge Nyanmien Wawe'n lie'n o man swran nyan nguan.

2 Korɛntfuɛ Mun 4:1

Nyanmien i aunnvue b'o si é b'o fa é wlaa dyunman nga nun'n ti, é sa sin bubu'a é.

2 Korɛntfuɛ Mun 6:1

I so'n ti, é bo é nin Nyanmien é di dyunman kun'n, éh sreh amun, nanh man yé nga Nyanmien yôô amun'n o yô ngben,

Galasifuɛ Mun 4:11

Se afe nga man fe amun ti lélélé'n o yô ngben'n, oh yôh n ya.

Galasifuɛ Mun 5:5

É lie'n, é wla ô Nyanmien su kpa ke oh buh é swran kpa i su bo i Wawe'n man é lafi'n ti, é minnde ke o yô é so.

Galasifuɛ Mun 5:7

Laa an bôô manndren kpa. ?Wan ye man an dyrannin, b'o man an lafi'a nde nanwle'n su kuon?

Galasifuɛ Mun 6:9

Nanh man é sa sin bubu é sa kpa yôle'n nun, afin se ya feman'n, tyen wié éh nyenh i nuan liké.

Efɛzfuɛ Mun 1:18

N sre i ékun ke o man an wun sa wle wéiin kpa nan an si liké nga é nyin ô i sin'n, flele b'o flee yé'n ti. Ye an si ke i swran'm bé anyanbéun'n oh yôh dan, afin liké nga i waan oh fah man bé'n o ti liké kpa sakpa.

Efɛzfuɛ Mun 2:21

I ye man sua wunmuan so'n o nyin, o yô kpa, ye o yô Nyanmien sua, swran wunmuan bo é nin é Min'n é ti'n ti.

Efɛzfuɛ Mun 3:17

nan Christ su bo an lafi'n ti, o tran amun awlen'n nun. Ye nh sreh i ke o man an wun klôle b'o fa klô amun b'o man an dyran kéklé'n, i wle wéiin,

Efɛzfuɛ Mun 4:16

ye man wunnen wunmuan'n kwlaa ô leo, ye wunnen so'n i lika kun dyunman lie nga bé klé i ke o di'n o dio, afin bé kwlaa bé sasa su. O man o nyin o yô kpa klôle bo bé klô bé wun'n ti.

Kolɔsfuɛ Mun 1:25

Nyanmien fa n sié Asonun'n i dyunman difue nan n ken i nde'n kwlakwla klé amun,

Kolɔsfuɛ Mun 2:7

o man i ti an dyran kéklé ke sua bo bé wle i bô asé kpa'n sa. Anh lafi i su kpa ke bé kléli amun'n sa, anh le i asé tititi.

1 Tɛsalonikfuɛ Mun 3:3

nan yale kléle so'n nun swran fi sa sin a bubumen.

1 Tɛsalonikfuɛ Mun 3:5

I so'n ti, ke man kwla tra'a min awlen kun'n, n sunmaan Timothée ke o kô nian, se amun te lafi Christ su ô, se wiénuon Lakafue'n wa laka amun man é dyunman'n wa yô ngben ô.

1 Tɛsalonikfuɛ Mun 5:8

Sannge é bo é ô wia'n nun'n, man é nian é wun su. Man Christ su bo é lafi'n nin é swran nin Nyanmien klôle'n o yô ke liké kôklôkô bo é fa kata é wué'n su'n sa. Man é ti bo é wla ô su ke éh nyenh'n o yô ke kpôngbô klé sa.

2 Tɛsalonikfuɛ Mun 2:16

Man é Min Jésus-Christ bobo nin é Si Nyanmien b'o klô é, bo yé b'o yô yé'n ti, o gua é awlen su nzué tititi, b'o man é liké kpa bo é fa é wla gua su'n,

1 Timote 1:12

N la é Min Christ-Jésus b'o wlaa n fanngan'n i asé, afin m bo laa n satyi i dunman, n klé i yale, n kpe i nzôwa'n, o buu n swran, o fa min wle i dyunman'n nun. Nyanmien si min aunnvue, afin sa wle bo n wunmen'n nin i su bo n lafiman'n ti ye n yôô soo.

1 Timote 2:7

O sié min ke n kan nde so'n, ye o sunmaan min ke n kan nde nanwle'n nin i sulafile nde'n klé bé bo bé ti'a Juif'n. Nanwle ye n dio, m bua'a atô.

1 Timote 3:16

Nanwle, é kwlaa é si ke, ke o yôli bo é yô Nyanmien lie'n, o ti abônuan dan, swran wu'en i wle. O yô i wun swran o yii i wun nglô, Nyanmien Wawe'n klé ke o ti swran kpa, Ange'm bé wunniin, Bé ken i nde nvlé'm bé nun, Bé lafii i su men wunmuan'n nun, Bé yôô i kuaa, bé yô i mô nyanmien su lo.

Tite 3:7

nan yé nga o yô yé'n ti, o bu é swran kpa, o man éh nyanh anannganman nguan nga i waan oh manh yé'n bo é wla ô su'n.

Hébreu 10:38

Ye n swran ng'o lafi n su, b'o man o katyi swran kpa'n, oh nyanh nguan. Sannge se o tyuen i wun ko sien'n, n klun su dyo'e i wun.»

Hébreu 3:14

Afin se é fa é wla gue Christ su lélé gue i ti nin i bô ke i bôbôle nun sa'n, é nin i é ti wiéngu.

Hébreu 3:6

Christ kusu, ke o ti i Wa'n, o nien i bobo i awlô'n su kpa so. Se é tra é awlen dyran kéklé lafi liké nga é wla ô su ke éh nyenh'n su kpa'n, é ti i awlô.

Hébreu 4:14

É le Nyanmien nyrun dyranfue dan kpa kun, o oo lélé dyu Nyanmien bobo nyrun lo, yele Jésus Nyanmien Wa'n. I so'n ti, liké nga é lafi su'n, man é lafi su kpa.

Hébreu 6:19

Liké nga é wla ô su so'n, ti ke mméli i blale'n bo bé fa dyren'n sa, o tra é asé. O so é lafi i su. O wlu lélé dyuu tannin b'o kpe nyanmien su lo Nyanmien sua dan'n nun'n i sin lo.

1 Piɛr 1:3

É Min Jésus-Christ i Si Nyanmien Kpli, i kwla ô! I aunnvue sile dan'n ti, o wuu é ékun, o man é wla ô liké bo é si wéiin kpa ke o ô lo'n su, Jésus-Christ i tyenle'n ti.

1 Piɛr 1:5

Nyanmien Kpli siéé i lo sié amun i su bo an lafi'n ti, oh nianh amun su lélé amunh nyanh amun ti, afin wa dun mmua sié i ke men'n i awiélie oh yih amun ti nyanle so'n i nglô.

1 Jean 2:27

Amun lie'n, Christ fe i Wawe'n maan amun. Ke i Wawe so'n nin amun te ô le'n, an bô'a ye kunnde'a swran ke o klé amun liké. Afin o klé amun liké'n kwlaa, liké ng'o klé amun'n ti nanwle, o ti'a atô. I so'n ti, amunh nin i tran titi ke o kan kléé amun'n sa.

Sa nglô yile 2:10

Nanh sre kun amun nyrennen nga an wa wuin'n ti. Anh nian, mmusu'm bé si Satan'n o wa wla amun nun wié'm bé bisua, oh sah amun nian. Amunh wunh nyrennen lé blu. Se kunle bobo ye béh kunh amun'n, anh tra amun awlen, ye liké nga nh fah yô amun mô'n yele nguan'n.