Kolɔsfuɛ Mun 1:14 - Nyanmien nde Ufle

¹⁴ Ba so'n ti ye o déé é, o yatyi sa nga é yôlii'n tyeli yéo.

NYANMIƐN NDƐ'N 1998

¹⁴ Ba sɔ'n ti yɛ ɔ deli ye yɛ ɔ yacili sa nga e yoli i'n cɛli ye-ɔ.

Kolɔsfuɛ Mun 1:14 ပူးပေါင်းရင်းမြစ်များ

Matthieu 20:28

Ke m bo n katyii Swran'n m bale'n ke o ti soo, afin man baman ke bé su min, sannge m baa ke n su swran, nan n fa min wun kpo swran sunman bé ti.

JÉSUS-CHRIST I DYASIN FE'N BO LUC KLELI'N 5:20

Ke Jésus wuun ke bé lafi i su'n, o sé bian so'n ke, sa nga a yôô Nyanmien'n, ba yatyi a tye o.

Sa nga bé yôli'n 10:43

Nyanmien nuan idyofue'n kwlaa bé keen i nde ke swran kwlaa ng'o lafi i su'n, i dunman nun Nyanmien yatyih i wun sa'n tyee.

Sa nga bé yôli'n 2:38

Ye Pierre séé bé ke: Anh katyi amun nzuen'n man bé yô amun kwlakwlakwla amun baptême Jésus-Christ dunman nun, man Nyanmien yatyi sa nga an yôlii'n tye amun, ye o fe i Wawe'n man amun.

Sa nga bé yôli'n 20:28

I so'n ti, anh nian amun bobo amun wun kpa, ye anh nian bua fa nga Nyanmien Wawe'n fa amun siéé bé su'n bé su kpa, ye anh ta Nyanmien i Asonun'n b'o fe i bobo wa'n tôli'n.

Sa nga bé yôli'n 26:18

Nh sunmonh o ke a tiké bé nyin, ke bé dyaô aôsin'n nun, bé bla wéiin nun, bé dyaô Satan sa nun, bé bla Nyanmien sin, nan o yatyi bé wun sa'n tye bé, ye liké nga bé nga bé lafi n su'n bo i ti ye bé katyi n lie'n bé nyen'n béh nyanh bé lie.

1 Korɛntfuɛ Mun 1:30

Afin i ye man amun nin Christ-Jésus amuan katyi swran wunmuaan, ye Christ ti é katyi ngwlelefue, o bu é swran kpa, é katyi i lie mlonmlon, ye o kpo é ti.

Galasifuɛ Mun 3:13

Ke Christ katyii swran bo Nyanmien bôé sannzan é ti'n, o fe i wun kpoo é ti sannzan nga Nyanmien bôô é mmla'n bo ya fa'a su'n ti, afin bé klee ke: «Swran kwlaa nga bé bô i komin'n, wuun Nyanmien bôlii sannzan.»

Efɛzfuɛ Mun 1:7

Ke Christ wuli bo i mmôdya'n guali'n ti, Nyanmien déli é ti, o yatyi sa nga é yôlii'n tyee é. I so'n nun é wun yé dan nga o yôô é

Efɛzfuɛ Mun 4:32

Anh yô amun wun yé, anh si amun wun aunnvue, sa nga amun wiéngu yô amun'n, anh yatyi tyee, ke Nyanmien kusu yatyi sa nga an yôlii'n tyee amun Christ ti'n sa.

Efɛzfuɛ Mun 5:2

Sa kwlaa nga amunh yôh'n, anh yôé swran klôle'n ti, ke Christ kusu klôli é b'o fe i wun maan Nyanmien é ti ke te nnen bo bé yre'n (*f41*) b'o bon fannin Nyanmien bué nun'n sa.

Kolɔsfuɛ Mun 2:13

Amun bo laa amun sa bo an yôli Nyanmien, nin klen bo ba wlaman amun'n ti, an ti ke swran bo wa wu sa'n, ke o yatyii sa kwlaa nga é yôlii'n tye yé'n, o maan amun nin Christ amun nguan.

Kolɔsfuɛ Mun 3:13

Sa nga amun wiéngu yô bo an wuin'n, mon o son amun nun, se swran kun yô i wiéngu sa'n, mon o yatyi tyee. Christ yatyi sa nga an yôli'n tyeli amun, o man amun kusu, sa nga bé yô amun'n, anh yatyi tye.

1 Timote 2:6

O fe i wun maan ke oh kpoh swran'n kwlaa bé ti. Ke o yôô so ble nga Nyanmien siéli'n su'n, ye o klé ke Nyanmien klô ke oh déh swran'n kwlaa nion.

Tite 2:14

É ti o fe i wun mannin, nan oh yih é sa tete'n kwlaa nun, nan é katyi i sa ti swran bo é wun sa tete'n kwlaa wa wié, bo é tu é klun yô swran yé.

Hébreu 9:12

Ke Christ wluh Nyanmien lika kpa'n nun'n, nanh bôli kpakpue nin nannin ba mmôdya ye o fa olio, sannge o fe i bobo i mmôdya'n, o wluu lo kpe kun, o su wlu'a lo kun, o man o déé é ti mlonmlon.

Hébreu 9:22

Bé klee mmla'n nun ke, bé fa mmôdya bô ninngé'm bé kpanngban lika kpa bé wun asô, o man se bé ku'an nnen bo i mmôdya guaman'n, Nyanmien yatyi'a bé wun sa'n tye'a bé.

1 Piɛr 3:18

Amun ti te ye Christ fe i wun yilio. O yôé kpe kunngba o su yô'e kun. I b'o ti swran kpa'n, sa te yôfue'm bé ti o wuli, nan oh fah amun man Nyanmien. Bé kunniin, sannge Nyanmien Wawe'n tyenniin.

1 Jean 1:9

Sannge se é di sa nga é yôli'n i nanwle klé Nyanmien'n, é kwla fa é wla gue i su, afin o yô sa i nuan su, oh yatyih tye é, o man é wun sa'n wiéh.

1 Jean 2:12

M mma mun, nh kleh fluwa nga ble amun, yele ke Christ ti, Nyanmien a yatyi sa nga an yôlii'n wa tye amun.

1 Jean 2:2

Afin i bobo fe i wun yii é ti te, nan Nyanmien yatyi sa nga é yôlii'n tye é. Nanh é ngunmin é ti te ye o yilio, swran'n kwlaa bé lieo.

Sa nglô yile 14:4

Swran so mun yele bé nga ba fonndo'an bé wun bla kunndele nun'n, afin bé niaan bé wun su kpa. Lika kwlaa nga Bua Gbanflen'n koh'n, bé su i su. Bé kpoo bé ti swran'm bé nun ke bé yô Nyanmien nin Bua Gbanflen'n bé swran'm bé nun klikli.

Sa nglô yile 5:9

Bé tô dyué ufle kun, bé sé ke: Wo ye a ti fluwa'n i fafueo, bo a kwla kpekpe liké nga bé fa tyityili nuon. Afin bé kuun o, a fo o wun tô swran'm bo bé fin nvlénvlé'n kwlaa nun, nin bé bo bé anien'n ti wafawafa'n kwlaa, nin swran wafawafa'n kwlaa, nin bé nga bé fin menmen'n kwlaa nun'n, maan Nyanmien.