Kolɔsfuɛ Mun 1:13 - Nyanmien nde Ufle

¹³ O déé é aôsin tuun'n i min'n sa nun, ye o fa é oo men nga i awlen su Ba'n sié'n nun.

NYANMIƐN NDƐ'N 1998

¹³ Ɔ deli ye aosin tuun'n i min'n sa nun, yɛ ɔ yoli man i anwlɛn su Ba'n yɛ ɔ sie ye siɛn nin-ɔn.

Kolɔsfuɛ Mun 1:13 ပူးပေါင်းရင်းမြစ်များ

Matthieu 17:5

Ke i nuan te ô nde'n su'n, nyanmien ufué fuaii kun wa kataa bé su, bé tii swran kun nen nyanmien ufué so'n nun, o sé ke, Min awlen su ba ye, i su ye n wla'n kwlaa wôo, anh tié nde ng'o kan'n.

Matthieu 25:34

Ye m bo n ti famien'n nh séh bé nga bé gua n fama su'n ke: Amun bo n Si yôli amun yé'n, anh bla'a di famien bo ke b'éh bôh men'n i bô'n, bé sié maan amun'n.

Matthieu 3:17

Kpekuun bé ti swran kun nen nyanmien su lo, o sé ke: Min awlen su ba'n i su ye man fa n wla'n kwlaa guaa.

JÉSUS-CHRIST I DYASIN FE'N BO LUC KLELI'N 13:24

Anh mian amun nyin anh sin anuan fii'n nun. Afin anh nian, swran kpanngban bé klô ke béh sinh nun, sannge bé su kwla sinman.

JÉSUS-CHRIST I DYASIN FE'N BO LUC KLELI'N 22:53

Tyen kwlaa min nin amun ye é ô Nyanmien sua dan'n nuon, amuan tra'a min, sien'n amun nin aôsin'n amun ble lie'n ye wa dyuo.

Jean 17:24

N Si, n klô ke bé nga a fa bé maan min'n lika nga n wô lo'n, bé tran lo wié nan bé wun nyrun nga wo man n le'n, afin a klô min i sin nan w'a yi men'n.

Jean 3:35

É Si Nyanmien klô i Wa'n, ye o fa liké'n kwlaa wlee i sa nun.

Jean 5:24

Nanwle, swran ng'o tié min nde'n b'o lafi swran ng'o sunmaan min'n su'n, o le anannganman nguan, bé su fe ko'a dyole difue'n i dyasu. Wa nyen i ti wié'n sa nun, wa nyan nguan.

Sa nga bé yôli'n 26:18

Nh sunmonh o ke a tiké bé nyin, ke bé dyaô aôsin'n nun, bé bla wéiin nun, bé dyaô Satan sa nun, bé bla Nyanmien sin, nan o yatyi bé wun sa'n tye bé, ye liké nga bé nga bé lafi n su'n bo i ti ye bé katyi n lie'n bé nyen'n béh nyanh bé lie.

Rɔmfuɛ Mun 14:17

Nanh ke liké bo swran di'n nin nzan bo bé non'n ye o klé ke Nyanmien sié béo, sannge i Wawe'n b'o man swran katyi swran kpa, b'o man bé di aladyé, bo bé klun dyo'n ye o klé ke o sié béo.

2 Korɛntfuɛ Mun 11:14

O ti'a abônuan, afin Satan (*f6*) bobo katyi i wun ke ange b'o di nanwle sa.

2 Korɛntfuɛ Mun 4:4

Bé lie'n bé lafi'a su yele ke men nga i min'n o satyii bé akunndan'n, nan ba wu'an Christ b'o fa Nyanmien Kpli'n i wafa kwlaa ng'o ti'n i dyasin fe'n i wle.

Efɛzfuɛ Mun 1:6

nan ya bô i dunman yé dan b'o fe i awlen su Ba'n yôô yé'n ti.

Efɛzfuɛ Mun 4:18

bé kwla wu'an sa wle. Nguan nga Nyanmien fa man swran'n, bé dunman te'a nun wié, afin ba kété, o man bé si'a sa fi.

Efɛzfuɛ Mun 5:5

Afin nanwle, swran kwlaa nga bé ti bla nin bian kunndefue'n, nin sa tete yôfue'n, nin bé nga bé nyin yi'a liké bo bé ti ke amuen sofue sa'n, bé nun wié fi su nya'an liké fi men nga Christ nin Nyanmien bé siéé'n nun lo.

Efɛzfuɛ Mun 5:8

Laa an wô aôsin nun, sannge swran wunmuan bo amun nin é Min'n amuan katyi'n ti, amuan fité wéiin nun sien'n. I so'n ti, anh yô sa ng'o klé ke an wô wia klénglé kpa'n nun'n.

Efɛzfuɛ Mun 6:12

Afin nanh é nin klo swran ye é kuon, sannge é nin mmusu mun, nin aôsin tuun nga é ô nun ye'n i min'n i kpenngben mun, ye mmusu tete'm bo bé ô nglô lo'n ye é kuon.

1 Tɛsalonikfuɛ Mun 2:12

afin é man amun afotue, é wla amun fanngan, é kan klé amun ke an yô sa ng'o ti Nyanmien b'o fle amun ke an di i famien'n wié nan an nyan nyrun ke i lie'n sa'n, i klun sa.

Hébreu 2:14

Ke bo ba so'm bé ti klo swran'n ti, Jésus kusu katyii i wun klo swran ke bé sa. O yôô i so nan se o wu'n, oh kwlah mmusu'm bé si Satan'n b'o man wié'n kwla swran mun'n.

1 Piɛr 2:9

Sannge amun lie'n, an ti swran bo Nyanmien faa amun, an ti Famien Nyanmien'n i nyrun dyranfue, an ti Nyanmien nvlé'n nun swran, an ti i lie mlonmlon. O faa amun ke an yi i b'o flee amun ke an dyaô aôsin nun, an bla lika ng'o kpadya kpa'n nun'n i aye.

2 Piɛr 1:11

I so'n nun ye é Min Jésus-Christ b'o ti é Défue'n, oh soh amun nun kpa, ye oh fah amun wle i swran ng'o sié bé titi'n bé nuon.

1 Jean 2:8

Sannge o nin i so'n ngba, o ti ke mmla ufle ye n su fa man amuon, ye ke bé wun Christ nin amun'n bé wun ke o ti nanwle. Afin alie'n su tyen, alie'n wa tyen wéiin.

1 Jean 3:14

É si ke ya nyan é ti wié'n sa nun, ya nyan nguan, yele ke é klô é niaan mun. Swran ng'o klô'a swran'n, wuun o te ô wié'n sa nun.

1 Jean 3:8

Swran ng'o yô sa te'n, o ti mmusu'm bé si Satan'n i lie, afin ke o fin i bôbôle nun'n, mmusu'm bé si Satan'n ti sa te yôfue. Nyanmien Wa'n baa sa nga mmusu'm bé si Satan'n yô'n i nuan nnya bule.