2 Timote 4:8 - Nyanmien nde Ufle

⁸ Sien'n ba sié liké nga swran ng'o yô kpa'n bé fa yô i mô'n, lo a sié min. É Min'n b'o di dyole nanwle su'n ye oh fah man min tyen so'n nuon. Nanh min ngunmin ye oh fah man mion, sannge oh fah man bé kwlaa nga bé nyin te i sin'n.

NYANMIƐN NDƐ'N 1998

⁸ Siɛn'n, like nga be fa yo sran ng'ɔ yo kpa'n i mo'n, b'a sie i lɔ a sie min. E Min'n b'ɔ di jɔlɛ nanwlɛ nun'n yɛ ɔ ´fa man min jɔlɛ dilɛ cɛn sɔ'n nun-ɔn. Nán min ngunmin yɛ ɔ ´fa man min-ɔn, sanngɛ ɔ ´fa man be kwlaa nga bé nyin tɛ o balɛ i sin'n.

2 Timote 4:8 ပူးပေါင်းရင်းမြစ်များ

Matthieu 24:36

Tyen so'n nin i do'n swran fi simen, san min Si kunngba tye ye o si io. M bo n ti i Wa'n bobo n simen, ye nyanmien su lo ange'm bé kusu bé simen.

Matthieu 7:22

Tyen so'n nun swran kpanngban kpa bé wa usa n ke: ?Nannan, Nannan, o dunman nun ya ka'an Nyanmien nde? ?O dunman nun ya fua'an asie usu? ?Ye o dunman nun ya yô'a sa kéklééklé mun?

JÉSUS-CHRIST I DYASIN FE'N BO LUC KLELI'N 10:12

Nanwle, dyole dile tyen'n nun Sodome i nyrennen lie'n, oh yôh soso tra klo so'n lie'n.

Rɔmfuɛ Mun 2:5

Amun nyin kéklé'n nin sa nga an yôli bo an yatyi'e i yôle'n, Nyanmien bu sié, o man oh fah amun wun ya kpa tyen nga i ya'n dyaô, bo éh wunh ke o di dyole nanwle su'n,

Rɔmfuɛ Mun 8:23

Nanh bé ngunmion, sannge é bo Nyanmien fe i Wawe'n b'o ti liké b'o wa fa man yé'n i nun klikli'n, é kusu é ôtô, é minnde tyen nga béh wunh ke é ti Nyanmien wa sakpa, b'o dé é, o katyi é wunnen nga'n.

1 Korɛntfuɛ Mun 2:9

Sannge ba simen, afin bé klee ke: «Liké nga swran fi nyinma a wunmen, Bé su a timan, Bo i wun akunndan a ba'a bé klun'n Liké so'n ye Nyanmien yô meen i klôfue muon.»

1 Korɛntfuɛ Mun 3:13

liké nga swran kun yôli'n bé wa wuin. Afin dyole dile tyen'n nun sin man oh fitéh nglô, ye liké nga swran kun yôli'n béh fah sin gua su nian.

1 Korɛntfuɛ Mun 9:25

Bé kwlaa nga bé si ngôndi tule ô, bee kwlaa so'n se bé klô ke béh nyenh'n, bé nian bé wun su kpa liké'n kwlaa nun. Bé yôé so kunnde bé dunman, sannge dunman so'n tyeman. Sannge é yôé so é kunnde dunman b'o wiéman.

2 Korɛntfuɛ Mun 5:2

Ôle nga é ô ye'n, é ôtô, afin é wla lô é nyanmien su lo tranwle'n b'o wa yô ke kôndrô bo bé fa kla kun su'n sa.

Filipfuɛ Mun 3:11

nan n lafi su ke n kusu nh tyenh wié.

Kolɔsfuɛ Mun 1:5

Ke an tii dyasin fe'n b'o ti nanwle'n klikli'n, bé kan liké nga bé siéé nyanmien su lo sié amun'n i nde kléé amun. Amun wla b'o ô su'n ti ye an lafi su, ye an klô Nyanmien swran muon.

1 Tɛsalonikfuɛ Mun 1:10

ke amunh minndeh i Wa b'o tyenniin'n, b'oh finh nyanmien su lo ba'n, yele Jésus b'o dé é Nyanmien i ya b'o wa dyaô'n nun'n.

1 Tɛsalonikfuɛ Mun 5:4

Sannge amun lie'n, aniaan mun, an ti'a ke swran b'o ô aôsin nun'n sa, i so'n ti, nanh man tyen so'n fu amun nun ke awiéfue'n fu swran nun'n sa.

2 Tɛsalonikfuɛ Mun 2:8

Ke o kô yô so'n, bian b'o di'a mmla'n su'n o wa yi i wun nglô, ye ke é Min Jésus bah bo i nyrun ti nyannyan'n, oh fiteh fuu, oh kuinh, oh nunkuinh.

1 Timote 6:19

Se bé yô so'n, wuun tro kpa kun b'o satyiman'n ye ba kpe a siéo, ye béh nyanh nguan sakpa.

2 Timote 1:10

É ble lie'n su ke é Ti Défue Christ-Jésus bali'n, ye o yii yé so'n i nglôo. O tuu wié'n i dyé'n, ye i dyasin fe'n ti o man ya si nguan b'o man swran wuman'n.

2 Timote 1:12

I so'n ti ye n wun nyrennen ngaa, sannge o nin i so'n ngba nyannzuen ku'an min, afin n si swran nga n fa n wla'n guee i su'n. N sii wéiin ke liké kwlaa nga o fa wlaa n sa nun'n, i bobo kwla nian su lélé fa dyu tyen so'n nun.

2 Timote 1:18

Man é Min'n wun i aunnvue é Min'n i wun lo tyen so'n nun, afin a si n lika ng'o fa niaan min Éphèse lo'n kpa.

2 Timote 2:5

Swran ng'o wanndi'n, se wa wanndi'a ke bé klélii'n sa'n, o nya'an nun liké.

2 Timote 4:1

Nde nga m ma kan klé o ye'n, Nyanmien Kpli'n nin Christ-Jésus b'o wa di bé nga bé wuli'n nin bé nga bé nyin ô su'n bé nde'n, bé ti n lalôfue. I bale b'o wa ba'n nin i famien b'o wa di'n ti, nh sreh o kpa,

Tite 2:13

É yô so nan é minnde tyen kpa nga é wla ô su ke é Nyanmien Kpli'n nin é Défue Christ-Jésus bé wa yi bé wun nglô'n.

Hébreu 12:11

Nanwle, fo tule'n kwlaa, ke béh tuh yé'n, i klikli'n nun o yô é ya, o yô'a é fe, sannge bé nga bé fa su bo bé katyi'n, o man bé yô kpa, bé di aladyé.

Hébreu 9:28

I kunngba'n, ke o yô nan Christ a fa swran kpanngban bé wun sa'n, i kusu fe i wun soo Nyanmien kpe kun. Bale nga o wa ba ékun'n, nanh sa te'n tio, sannge oh bah bé nga be nyin te i sin'n bé déle.

Jacques 1:12

Swran nga sa to i su b'o tre i awlen'n, i lie su ti yé. Afin ke Nyanmien wun ke o tre i awlen sa so'n nun'n, oh fah nguan b'o ti liké kpa, bo i waan oh fah man bé nga bé klôé'n, men.

1 Piɛr 1:4

O wuli é so nan é nyan liké kpa ng'o siéé nyanmien su lo'n. Liké so'n kwla satyiman, o yô'a fien, o mlinman.

1 Piɛr 5:4

Ye tyen nga Bua Tafue Dan'n ba'n, oh yôh amun mô, dunman nga amunh nyenh'n, o wié'a mlonmlon.

Sa nglô yile 1:7

Anh nian, o nin nyanmien blé'n bé su ba! Swran'n kwlaa béh wuinh, ye bé nga bé woo i tyua'n, béh wuinh wié. I ti, asie'n su nvlénvlé'n kwlaa béh bôh auyé. Oh yôh so sakpa! Mon o yô so!

Sa nglô yile 19:11

Ye n wuun nyanmien su lo'n, o ti muaan, nh niaanh… nnenkpanngo ufué kun ye. Swran ng'o fu su'n, bé flee Swran-bo-bé-kwla-fa-bé-wla-gue-i-su, nin nanwlefue. I nde b'o di'n ti su, ye i ale b'o kun'n o kuin i nuan su.

Sa nglô yile 2:10

Nanh sre kun amun nyrennen nga an wa wuin'n ti. Anh nian, mmusu'm bé si Satan'n o wa wla amun nun wié'm bé bisua, oh sah amun nian. Amunh wunh nyrennen lé blu. Se kunle bobo ye béh kunh amun'n, anh tra amun awlen, ye liké nga nh fah yô amun mô'n yele nguan'n.

Sa nglô yile 22:20

Swran ng'o sé ke sa so'n oh yôh so'n, o sé ke: Nanwle, mh bah ityra'n. Mon o yô so! Nannan Jésus, bla!

Sa nglô yile 4:10

kpenngben ablaon-nin-nnan'n bé kusu bé kôtô swran ng'o ti bia'n su so'n i bô, bé manman swran so'n b'o ô le tititi'n. Ke bé tu bé sika klé'n bé tô gue bia'n i wun le'n, bé sé ke:

Sa nglô yile 4:4

Bia ablaon-nin-nnan ékun sin yia bia kun so'n, kpenngben ablaon-nin-nnan bé titi bia so'm bé su, trale ufué ô bé wun, sika klé ô bé ti.