2 Timote 3:2 - Nyanmien nde Ufle

² Afin swran'm béh buh bé bobo bé wun akunndan, béh yôh sika klôfue, béh dih bé nuan, béh tuh bé wun, béh satyih Nyanmien wun, bé nyin su yi'a bé si nin bé nin mun bé su si'a yé, bé nyin su yi'a Nyanmien,

NYANMIƐN NDƐ'N 1998

² Afin sran'm be ´bu be bɔbɔ be wun akunndan, be ´yo sika klofuɛ, be ´di bé nuan, be ´tu bé wun, be ´saci Nyanmiɛn wun, bé nyin su yi-man bé si nin be nin mun, be su si-man ye, bé nyin su yi-man Nyanmiɛn,

2 Timote 3:2 ပူးပေါင်းရင်းမြစ်များ

Matthieu 15:6

O man amun nzuen'n i fale'n nun an yi Nyanmien nde'n blô.

JÉSUS-CHRIST I DYASIN FE'N BO LUC KLELI'N 12:15

I sin o sé bé ke: Anh nian amun wun kpa kônvi kpli yôle'n i lika, afin man swran nyen i wun, o nyen i wun see… nanh ninngé so mun ye bé men i nguaan.

JÉSUS-CHRIST I DYASIN FE'N BO LUC KLELI'N 16:14

Pharisifue mun (*f4*) bo bé klô sika'n bé tii nde so'n, nan ba sri Jésus.

JÉSUS-CHRIST I DYASIN FE'N BO LUC KLELI'N 6:35

Sannge anh klô amun kpofue mun, anh yô bé yé, anh bô swran bôsia, nanh an fa amun nyin sié su ke bé yi man amun. Se an yô so'n, béh yôh amun mô dan, ye amunh katyih Nyanmien Kpli bo liké fi nu'en i sin'n, i wa, afin o yô bé nga bé si'a yé'n, o nin klunwifue'm bé yé.

Sa nga bé yôli'n 5:36

Afin o nian tyeman, Theudas dyaô yôô i wun swran dan, nan swran bo bé dyu bo ya-nnan kun'n, ba su i su. Bé kunniin, ye bé kwlaa nga bé su i su'n bé sanndili, wié fi a kaman.

Rɔmfuɛ Mun 11:18

O man se o ti so'n, nanh an bu ke an ti kpa tra bé nga bé kpe bé guali'n. ?Nzu ti ye an tu amun wuon? Afin nanh amun ye an ti waka'n i bô nion.

2 Korɛntfuɛ Mun 5:15

O wuu bé ngba bé ti, i so'n ti, ôle nga bé ô le'n, nanh bé bobo bé ôle ye bé wôo, sannge swran ng'o wuli b'o tyennin bé ti'n, i dunman nun ye bé wôo.

Filipfuɛ Mun 2:21

Bé nga'm bé lie'n, bé bobo bé ninngé'n ye o lô béo, Christ-Jésus lie'n lô'a bé.

Kolɔsfuɛ Mun 3:5

I so'n ti, anh wla amun asie'n su wa nzuen'n bé asé, bla nin bian kunndele, sa tete yôle, bé kônvi b'o so nyannzuen sa mun'n, bé nyin b'o blô liké'm bé su'n, bé nyin b'o yi'a liké'n b'o nin amuen sole'n ti kun'n.

2 Tɛsalonikfuɛ Mun 2:4

Oh kpoh liké kwlaa nga swran'm bé bu bé Nyanmien lie'n nin liké kwlaa nga swran'm bé kôtô bé bô bé so bé'n, oh feh i ti kplakpla bé lélé o kô tran Nyanmien sua dan'n nun, oh séh ke i bobo ye o ti Nyanmien nion.

1 Timote 1:20

Hyménée nin Alexandre bé ô swran so'm bé nun. N fa bé wlaa Satan (*f6*) sa nun nan bé bu akunndan, nan nanh man bé satyi Nyanmien dunman kun.

1 Timote 1:9

Afin é si ke, nanh bé nga bé ti swran kpa'n bé ti ye bé siéé mmla nion. Sannge bé sié maan bé nga bé ti'a kpa'n, nin nyin kékléfue, nin bé bo bé srô'a Nyanmien'n, nin sa te yôfue, nin bé bo bé nyin yi'a Nyanmien bo bé bu i ninngé'm bé finfin'n, nin bé bo bé kun bé si nin bé nin'n, nin swran kunfue,

1 Timote 3:3

Nanh mon o yô nzanbôefue nin utré klôfue, sannge mon o yô weteefue b'o kunnde'a ndengan, nanh mon o yô swran bo i nyin yi'a liké.

1 Timote 6:10

Afin sika klôle'n ye o ti sa tete'n kwlaa i bo nion. Swran wié'm bé fa bé nyin blôô nun lélé bé lafi'a Nyanmien su kun, o man awlabôe'n wa kun bé kpô.

1 Timote 6:4

o tu i wun, o si'a liké fi. Nde'm bé akplôwa sile'n o nin liké'm bé su utré dile'n o katyi i wun ke tukpatye sa. I kwlaa so'n ye man swran'm bé nyin tyi swran, bé di utré, bé kpe bé wun nzôwa, bé bu swran'n wié sa te yôfue nion.

2 Timote 3:4

béh yih bé dyanvue mun man, béh yôh liké bé su bué i akunndan, béh dih tutré, béh klôh men dile'n tra Nyanmien,

Jacques 2:8

Nanwle, se an fa mmla nga wié nu'en i sin, bo bé klee Nyanmien Nde'n nun ke: «Klô o wiéngu ke a fa klô o bobo wun'n sa'n» su'n, o ti kpa.

Jacques 4:16

Sannge dyole tyatya'n ye an dio, an tu amun wun. Nuan dile so'n ti'n kpa.

Jacques 4:6

Sannge yé ng'o yô yé'n ti dan, afin bé klee ke: «Nyanmien nin bé nga bé tu bé wun'n mun lee, Sannge o yô aénvuefue'm bé yé.»

1 Piɛr 5:5

Gbanflen mun, amun kusu anh bu kpenngben'm bé swran. Amun kwlaa anh yô amun wun ke kanga sa, anh wuka amun wun, afin bé klee Nyanmien Nde'n nun ke: «Nyanmien nin bé nga bé tu bé wun mun lee, Sannge o yô aénvuefue'm bé yé.»

2 Piɛr 2:10

Bé nga bé lie'n yôh te tra su'n, yele bé nga bé kônvi so sa tete'm bé yôle, bo bé bu'a Nyanmien liké fi'n. Bé yô sa nyin kéklé su, bé yô bé bobo bé klun sa. Bé srô'a nyanmien su lo swran nga bé le nyrun'n bé nzôwa kpele.

2 Piɛr 2:12

Sannge swran so'm bé yô sa ke blô nnen bo bé wu'an sa wle, bo bé wu bé ke bé tra bé bé kun bé'n bé lie'n sa, ye liké nga bé wu'en i wle'n, bé ken i nde ke o ti'a kpa. Béh wuh ke blô nnen'm bé lie'n sa.

2 Piɛr 2:18

Bé idyo dandan ngben, bé fa ninngé nga klo swran nyin blô su'n laka bé nga bé nin bé wiéngu bo bé fa'a atin kpafue'n su'n bé su bu'n.

2 Piɛr 2:3

Bé nyin b'o blô ninngé'm bé su'n ti, béh kpeh bé ti nun kan nde mun, béh fah amun kunnde bé sika. Bé buu bé fo wa tye, san béh mlinh.

Jude 1:16

Bé idyo bé kônviabô, bé fa sa'n kwlaa gua swran wié'm bé su, bé yô sa nga bé klun klô'n, bé di bé nuan, bé fa bé nuan nun fe kunnde liké swran'm bé sa nun.

Sa nglô yile 13:1

N wuun nnen kun, o fin dyénvié'n nun fitéli. I ti'n ti nsô, i wue blu, i wue blu so'n, sika klé ô bé su. Bé klee Nyanmien finfin yôle dunman i ti so'm bé su.

Sa nglô yile 16:11

Nyrennen bo bé wuin'n nin bé kannin'n ti, bé kpe Nyanmien nzôwa Sannge ba yatyi'a bé nyôlie tete'n.

Sa nglô yile 16:21

Ye nzraama bo ke nzué'n tooh, o gua'n, i dandan kpa bo kun dyu kilo ablanan'n, o gua swran'm bé su. Nyrennen bo nzraama so'm bé klé swran mun'n ti, bé kpe Nyanmien nzôwa, afin nyrennen so'n ti te kpa, bé kwla kaman.

Sa nglô yile 16:9

Ye aunyeye dan kpa kuun swran mun. Bé kan Nyanmien bo nyrennen so'n wô i sa nun'n i nde, sannge ba yatyi'a sa tete yôle'n, ye ba manma'an Nyanmien.