2 Timote 3:13 - Nyanmien nde Ufle

¹³ Sannge swran nga bé klun yô wi bo bé ti gblefue'n, bé sa te nga bé yô'n i te'n oh trah laa lie'n, béh lakah swran mun ye béh lakah bé bobo bé wun.

NYANMIƐN NDƐ'N 1998

¹³ Sanngɛ sran nga be klun yo wi bɔ be ti gblɛfuɛ'n, bé sa tɛ nga be yo'n i tɛ'n ɔ ´tra laa liɛ'n, be ´laka sran mun yɛ be ´laka be bɔbɔ bé wun.

2 Timote 3:13 ပူးပေါင်းရင်းမြစ်များ

2 Korɛntfuɛ Mun 6:8

Tyen'n wié bé bu é swran, tyen'n wié bé gua é nyin asé, tyen'n wié bé bô é dunman te, tyen'n wié bé bô é dunman kpa. Bé bu é gblefue, sannge é di nanwle,

1 Timote 4:1

Nyanmien Wawe'n ken i wéiin ke, tyen wié lélé ke men'n koh i bué nuan'n, swran wié'm bé su lafi'a Nyanmien su kun, béh fah liké nga mmusu bo bé laka swran'n bé klé'n su.

2 Timote 3:8

Ke Jannès nin Jambrès (*f42*) bé nin Moïse bé sii akplôwa'n, swran so'm bé kusu bé si nde nanwle bo é kan'n i akplôwa. Swran so'm ba satyi, bé akunndan'n ti'a kpa kun, ke bé nian bé wafa nga bé fa lafi Nyanmien su'n, bé wun ke bé lafi'e i su kpa.

Tite 3:3

Afin laa é kusu é ti sinnglinfue, é ti nyin kékléfue, bé laka é man é yatyi atin kpafue'n, é nyin b'o blô ninngé wafawafa'n kwlaa nin men dile'n su'n ti é katyii ke kanga sa, é ti klunwifue, é nyin tyi swran nin liké, é wun yô te, é kpo é wun.

2 Piɛr 2:20

Afin swran nga bé si é Min Jésus-Christ é Défue'n, b'o man bé yatyi sa nga bé yôo bé satyi'n, se bé sa bé sin kô fa sa so'n katyi bé dyunman ékun'n, bé satyile kasien lie'n, oh yôh te tra klikli lie'n.

2 Piɛr 3:3

Man an si kpa ke, tyen wié lélé ke men'n oh koh i bué nuan'n, swran wié'm béh bah, béh yôh sa nga bé klun klô'n, béh dih amun to,

Sa nglô yile 12:9

Bé kaan dragon srôésrôé dan so'n nin i ange'm bé bô gua bé asie'n su wa. I ye bé flee wuô lalaa, nin mmusu'm bé si, nin Satan nion, i ye o laka men wunmuan nunfue'm bé kwlaa nion.

Sa nglô yile 13:14

O fa ayre nga bé man o yi bé nnen klikli lie'n i nyrun le'n, laka asie'n sufue mun. O sé bé ke bé yô nnen bo bé bô i kaka b'o dyasôli'n, i wunsu.

Sa nglô yile 18:23

bé su wu'an ke kannin kpadya lo kun. Bé su ti'a bian nin bla bo bé su dya bé wun'n bé nen lo kun. Afin i su aata difue mun ye bé ti asie'n su aata difue dandan nion. I su baéfue'm bé lakalaka nvlénvlé'n kwlaa.