2 Timote 3:12 - Nyanmien nde Ufle

¹² Swran kwlaa nga i waan o nin Christ-Jésus béh katyih swran wunmuan oh yôh Nyanmien klun sa'n, san béh kléh i yale.

NYANMIƐN NDƐ'N 1998

¹² Sran kwlaa nga i waan ɔ nin Krist-Jésus be ´kaci sran wunmuan nan ɔ ´yo Nyanmiɛn klun sa'n, san be ´kle i yalɛ.

2 Timote 3:12 ပူးပေါင်းရင်းမြစ်များ

Matthieu 16:24

Ke o yôô so'n, o sé i sonnzonfue'm bé ke, swran nga i waan oh suh n su'n, mon o klen i wun man min, o sue i waka'n, nan o su n su.

Matthieu 23:34

O man, nh sunmanh Nyanmien nuan idyofue nin ngwlelefue nin mmla kléfue mun amun sin. Amun wa kun wié, amunh bôbôh wié waka'n su, ye amunh bôh wié mun nin ngblé amun Nyanmien sua'm bé nun, amunh kléh bé yale klo'm bé su

Marc 10:30

oh nyenh i wunsu so kpe ya, sua ô, niaan ô, nien ô, ba ô, asie ô, ye yale kléle ke é ô ye'n, ye oh nyanh anannganman nguan ble ng'o ba lo'n.

Jean 16:2

Béh kanh amun bô Nyanmien sua'm bé nun, ye tyen wié bé nga bé kun amun'n, béh buh i ke Nyanmien ye bé su su io.

Jean 16:33

N ken i kwlaa so'n kléé amun nan amun wun dyo amun fouun swran wunmuan bo min nin amun ya katyi'n ti. Amun wa wun amun nyin su kpa, sannge anh tra amun awlen, men nga nun wa'n min ye n kwlaa.

Jean 17:14

N kan o nde'n kléé bé, o man men nunfue'm bé kpo bé, afin bé ti'a men nunfue ke n kusu n ti'a men nunfue'n sa.

Sa nga bé yôli'n 14:22

bé wla asonunfue'm bé fanngan, bé tu bé fo ke bé lafi Nyanmien su kpa, ye bé sé bé ékun ke: San éh wunh nyrennen dan kpa nan ya kwla dyu Nyanmien men'n nun.

1 Korɛntfuɛ Mun 15:19

Se ble nga é ô nun ye'n ngunmin ye é wla ô Christ su, bo ke é kô wu'n, wuun wa wié'n, é nyrennen lie'n tra swran'n kwlaa.

2 Korɛntfuɛ Mun 1:12

Sa nga ti ye é di é nuan'n ye: é si é klun lo kpa ke nantile wafa nga é fa nanti men'n nun'n, é nanti i so kpa amun nyrun tra su. É nuan nun ti'a nnyonnyon, Nyanmien man é di nanwle. Nanh swran ti blé ngwlele bo é si'n ti ye man é yô soo, sannge Nyanmien ye o dyran é sin ye man é yô soo.

2 Korɛntfuɛ Mun 4:9

bé su é su, sannge Nyanmien yatyi'a é, bé te é asé, sannge bé kwla'a é.

1 Timote 2:2

Anh sre i ke o nian famien nin swran ngblingbli'n kwlaa bé su, man é di aladyé, é nyan é ti fouun nan é srô Nyanmien kpa, é nzuen'n yô kpa.

1 Timote 3:16

Nanwle, é kwlaa é si ke, ke o yôli bo é yô Nyanmien lie'n, o ti abônuan dan, swran wu'en i wle. O yô i wun swran o yii i wun nglô, Nyanmien Wawe'n klé ke o ti swran kpa, Ange'm bé wunniin, Bé ken i nde nvlé'm bé nun, Bé lafii i su men wunmuan'n nun, Bé yôô i kuaa, bé yô i mô nyanmien su lo.

1 Timote 6:3

Se swran wié klé liké ufle, b'o fa'a é Min Jésus-Christ i nde nanwle'n o nin Nyanmien i sule wafa nga o klé é ke é sui'n su'n,

Tite 1:1

M Paul n ti Nyanmien i swran bo Jésus-Christ sunmaan min ke n wuka bé nga Nyanmien kpaa bé'n man bé lafi i su kpa, ye bé wun nde nanwle nga bé bo bé srô Nyanmien'n bé sii'n i wle kpa,

Tite 2:12

Yé so b'o yôô yé'n, é yô sa ng'o ti i nuan su'n, nin sa ng'o ti kpa'n, ye é srô Nyanmien.

1 Piɛr 3:14

Se bo an yô sa kpa, nan i so'n ti an wun nyrennen'n, amun lie su ti yé! Nanh an srô bé, nanh amun akunndan sanngan.

2 Piɛr 3:11

?Se ninngé so'n kwlaa béh satyih so'n, liké ônin ye se an yôo o ti suo? Man amun nzuen'n yô kpa, anh fa amun wun mantan Nyanmien!

Sa nglô yile 12:4

I lua'n kan nzraama bo bé bubuu nun nsan'n bé bué kun guaa asie wun wa. Dragon dan so'n dyran bla'n b'o wa tran awulie'n i nyrun le, nan se o wu io, oh dih.

Sa nglô yile 7:14

N sé i ke: Nannan, wo ye a si béo. Ye o sé n ke: Bé nga bé fin afe dan'n nun muon. Bé kpuu bé trale mun Bua Gbanflen'n i mmôdya'n nun ye bé fiélio.