2 Timote 3:10 - Nyanmien nde Ufle

¹⁰ O lie'n, a si liké nga n klé'n kpa, nin min nzuen'n, nin min akunndan'n, nin min Nyanmien su bo n lafi'n, nin min awlen bo n tre'n, nin min Nyanmien nin swran'm bé klôle'n, nin min kéklé bo n dyran'n,

NYANMIƐN NDƐ'N 1998

¹⁰ Ɔ liɛ'n, a si like nga n kle'n kpa, nin min nzuɛn'n, nin min akunndan'n, nin min Nyanmiɛn su bɔ n lafi'n, nin min anwlɛn bɔ n trɛ i'n, nin min Nyanmiɛn nin sran'm be klolɛ'n, nin min kekle bɔ n jran'n,

2 Timote 3:10 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 1:3

I so'n ti, n kusu, ke n wusausa sa so'n nun kpa bo n wuun ke o fa bô i bô'n, n wun ke o ti kpa ke n kle nde so'n ble o,

Sa nga bé yôli'n 11:23

O ti swran kpa, Nyanmien Wawe'n siéé, ye o lafi Nyanmien su kpa. Ke o dyuu lo b'o wuun yé dan nga Nyanmien yôô bé'n, i klun dyoli, o tu bé kwlaa bé fo ke bé fa bé wla gua é Mun'n su, ye bé dyran kéklé. Ye swran kpanngban kpa bé fa bé wun maan é Min'n.

Sa nga bé yôli'n 2:42

Bé fa bé bo Jésus sunmaan bé'n bé nde'n su kpa, bé tran aniaan tranle, bé di liké lika wle, bé nin Nyanmien bé kôkô yale tititi.

Sa nga bé yôli'n 20:18

Ke bé bali'n, o séé bé ke: Ke o fin tyen bo n dyuu Asie men'n nun wa'n, an si tranle wafa kwlaa nga min nin amun trannin'n.

Sa nga bé yôli'n 26:4

Ke bé wuu min bo n dyuu gbanflen'n, sa kwlaa nga n yôli min nvlé'n nun o nin Jérusalem wa'n, Juif'm bé kwlaa bé sii.

Rɔmfuɛ Mun 16:17

Aniaan mun, nh sreh amun kpa, anh nian amun wun bé nga bé fa'a nde nga an faa su'n su, bo bé fa afien satyie'n wla amun afien, bo bé satyi swran ti nun'n bé lika. Nanh an fa amun wun mantan bé.

2 Korɛntfuɛ Mun 1:17

?Ke n waan nh yôh so bo man yôman'n, nuan nun nnyonnyon ye n dilio? ?Sa nga n sé ke nh yôh'n, an bu ke n ken ngben ke swran wié'm bé yô'n sa, bo n kan nde n katyikatyi, nde n sé ke: Een, kpekuun ainman n waan: Tyetye?

Efɛzfuɛ Mun 4:14

Ke o kô yô so'n, é ti'a ba kaan kun bo é fa atô nde kwlaa nga swran'm bé gble'n ti bé ken ke bé fa lakalaka swran mun'n su, b'o man é ko wa ko wa ke mméli bo aunngban'n fe ko wa ko wa'n sa.

Filipfuɛ Mun 2:20

Afin i kunngba tye ye o nin min é akunndan'n ti kun bo amun nde lôé kpaa.

Filipfuɛ Mun 2:22

Amun bobo an si Timothée ke i nzuen'n ti kpa, o uka min di dyunman ke ba yasua kun uke i si'n sa dyasin fe kanle'n nun.

1 Tɛsalonikfuɛ Mun 1:5

Afin ke é kan dyasin fe'n i nde kléé amun'n, é kenmen é nuan nun ngben, Nyanmien Wawe'n ye o tin yéo, o man é wun i wle kpa ke nde nga é kan'n ti nanwle. Ke é ô amun wun lo'n, an si é wun wafa nga é yôli'n, amun ti ye é yô é wun soo.

1 Timote 1:3

Ke nh koh Macédoine'n, n séli o ke a ka Éphèse lo nan a tu swran wié'm bé fo ke, nanh man bé klé liké ufle,

1 Timote 4:6

Se a ken i so klé aniaan mun'n, bo a fa Nyanmien i sulafile nde'n nin liké kpa nga bé kléé wo bo a fali su'n katyi ke wo alie sa'n, ah yôh Christ-Jésus i dyunman difue kpa.

1 Timote 6:11

Sannge o bo a ti Nyanmien i swran'n, nanh fo o wun wle ninngé so'm bé yôle nun. Mion o nyin yô sa ng'o ti kpa'n, fo o wun mantan Nyanmien, lafi i su, klô Nyanmien nin swran, tro o awlen, yô weteefue.

2 Timote 2:22

Nanh bu liké nga gbanflen kônvi soe'n i akunndan, sannge a nin bé kwlaa nga sa te nu'an bé awlen'n nun bo bé bô fle é Min'n, anh mian amun nyin anh yô sa ng'o ti kpa'n, anh lafi Nyanmien su, anh klô Nyanmien nin swran, ye man amun wla gua asé.

2 Timote 4:2

se a nyan o ti ô, se a nya'an o ti ô, kan Nyanmien nde'n dyran su kpa klé bé man bé wun i wle. Swran ng'o yô sa'n idyoe, wla bé fanngan, tro o awlen kpa klé bé.

2 Timote 4:3

Afin tyen wié swran'm bé su fa'a nde nanwle'n su kun, béh yôh sa ng'o yô bé bobo bé fe'n, ye béh kunndeh swran kpanngban kpa ke bé klé bé liké ng'o yô bé fe'n.

2 Timote 4:7

Man mian min nyin man wanndi wanndile dan kpa, man dyu n dyuwle, n dyran kéklé lafii Nyanmien su.

Tite 2:7

Sa'n kwlaa nun o bobo yô sa ng'o ti kpa'n, man bé nian o lie'n su yô. Liké nga a klé'n, kléé kpa, nanh fa yô aôwi.

Hébreu 13:9

Nanh an fa liké wafawafa nga bé klé amun b'o nin é lie'n ti'a kun'n su man an yatyi atin kpafue'n. Se é tra é awlen kpa yé bo Nyanmien yôô yé'n ti'n, o ti kpa. Nanh man é bu ke alie dile mmla'n bo é fa su'n o kwla yô é kpa, afin bé nga bé faa su'n, wa yô'a sa fi yé a ma'an bé.

2 Piɛr 3:11

?Se ninngé so'n kwlaa béh satyih so'n, liké ônin ye se an yôo o ti suo? Man amun nzuen'n yô kpa, anh fa amun wun mantan Nyanmien!