2 Timote 2:24 - Nyanmien nde Ufle

²⁴ Afin é Min'n i swran'n nin utré'n fataman. Sannge mon o yô swran'n kwlaa bé kpa, mon o si liké klé, man sa nga bé yôé'n son i nun,

NYANMIƐN NDƐ'N 1998

²⁴ Afin e Min'n i sran'n nin utre'n fata-man. Sanngɛ ɔ yo sran'm be kwlaa be kpa, ɔ si like kle, sa nga be yo i'n sɔn i nun,

2 Timote 2:24 ပူးပေါင်းရင်းမြစ်များ

Matthieu 12:19

O su si'a akplôwa, o su kpanman, Ye swran fi su ti'e i nen atin'n nun.

Jean 6:52

I so'n ti, akplôwa too Juif'm bé afien, bé sé ke: ?O yô se ye i li waan o kwla fe i wun man é bo é dio?

Sa nga bé yôli'n 15:2

Ke Paul nin Barnabas bé kpalô bé nuan, bo bé nin bé sii akplôwa dan'n, i sin bé bu akunndan bé waan, Paul nin Barnabas nin bé nun wié mun bé o Jérusalem, bé bo Jésus sunmaan bé'n bé nin kpenngben'm bé dyasu, bé kô kan nde so'n.

Sa nga bé yôli'n 23:9

O yôô ndengan dan kpa, ye Pharisifue'm bé nun mmla kléfue'm bé dyaôli, bé dyraan nun kéklé kpa, bé sé ke: Bian nga, é wu'an sa fi i wun. Wiénuon liké wié annnze ange wié a kan nde wié a kléé.

Sa nga bé yôli'n 7:26

Ke i alie tyennin'n, o fité bé suo, bé ngunminngunmin'n bé su di utré, i waan oh kpatah bé. O sé bé ke: ?An ti niaan, nzu ti ye an di utréo?

2 Korɛntfuɛ Mun 10:1

M bobo m Paul m ma sre amun liké kun. Bé sé ke, ke n wô amun nyrun lo'n, n ti wetee kpé nun, sannge ke n nu'an lo'n, nde nga n kan klé amun'n, n ken yasua su. Christ b'o ti weteefue b'o ti swran kpa'n i dunman nun

2 Korɛntfuɛ Mun 10:4

Afin liké nga é fa kun ale'n, bé fi'an swran, bé fin Nyanmien Kpli'n, o man bé kwla bu awa ngblingbli mun. É bu bé kwlaa nga bé akunndan'n ti te'n bé bué,

2 Korɛntfuɛ Mun 6:4

Sannge sa kwlaa nun é fa é wun klé ke é ti Nyanmien dyunman difue. Se afe ô é su ô, se é sa mian ô, se é wun nyrennen ô, sa so'n kwlaa nun, é tra é awlen.

Galasifuɛ Mun 5:22

Sannge sa nga Nyanmien Wawe'n man swran yô'n ye: o man bé klô Nyanmien nin swran, bé klun dyo, bé wla gua asé, bé tra bé awlen, bé yô swran yé, bé yô aklunyé, bé di nanwle,

Efɛzfuɛ Mun 4:2

Nanh an tu amun wun mlonmlon, anh yô weteefue, anh blu sa'm bé su, sa nga amun wiéngu yô bo an wuin'n, mon o son amun nun i klôle bo an klôé'n ti.

Filipfuɛ Mun 2:14

Liké kwlaa nga amunh yôh'n, nanh an idyo amun kônviabô, nanh an katyi amun nuan,

Filipfuɛ Mun 2:3

Nanh an bu amun bobo amun wun akunndan yô liké fi, nanh an kunnde amun dunman, nanh an tu amun wun, sannge anh bu swran wié'm bé swran tra amun bobo.

Kolɔsfuɛ Mun 3:13

Sa nga amun wiéngu yô bo an wuin'n, mon o son amun nun, se swran kun yô i wiéngu sa'n, mon o yatyi tyee. Christ yatyi sa nga an yôli'n tyeli amun, o man amun kusu, sa nga bé yô amun'n, anh yatyi tye.

1 Tɛsalonikfuɛ Mun 2:7

Sannge ke Christ sunmaan yé'n ti, se é yô é wun ke é le nyrun'n, wuun ya bô'a aôsuon. Sannge ke é ô amun wun lo'n, ya yô'e i so, é yô weteefue ke bla ta b'o yeye i mma mun'n sa.

1 Timote 6:11

Sannge o bo a ti Nyanmien i swran'n, nanh fo o wun wle ninngé so'm bé yôle nun. Mion o nyin yô sa ng'o ti kpa'n, fo o wun mantan Nyanmien, lafi i su, klô Nyanmien nin swran, tro o awlen, yô weteefue.

Tite 1:1

M Paul n ti Nyanmien i swran bo Jésus-Christ sunmaan min ke n wuka bé nga Nyanmien kpaa bé'n man bé lafi i su kpa, ye bé wun nde nanwle nga bé bo bé srô Nyanmien'n bé sii'n i wle kpa,

Tite 1:7

Man asonun sunianfue'n yô swran bo bé kwla satyi'e i wun kaan sa, afin o nian Nyanmien ninngé'm bé su. Nanh mon o yô swran b'o yô i bobo i klun sa, nin ya fafue, nin nzanbôefue, nin utré klôfue, nin swran b'o kunnde sika i wafa ng'o ti'e i su'n.

Tite 1:9

Mon o yô swran b'o lafi nde nanwle nga bé klélii'n su kpa, nan nde nanwle b'o klé'n ti, o kwla tu bé fo, ye o klé bé nga bé kpalô i nde'n ke bé si ke ba fon.

Tite 3:2

Nanh man bé kan swran wun nde, nanh man bé klô utré, man bé yatyi sa tye, man swran'n kwlaa bé wun ke bé ti weteefue.

Jacques 1:1

N Jacques bo n ti Nyanmien nin é Min Jésus-Christ bé swran'n, nh yôh nvlé blu-nin-nnyon bo ba sanndi men wunmuan'n nun'n bé liké.

Jacques 3:17

Ngwlele b'o fin nyanmien su'n, se o ti swran'n, wuun éh séh ke, sa te kaan sa nu'en i wun. O klô'a ndengan, o ti wetee fue, bé nin i kwla kôkô yale, o si aunnvue dan, o yô sa kpa, o bu'a swran'n wié kpa tra'a wié, o klô'a dunman.

Jacques 4:2

An klô ke amunh nyanh ninngé mun, sannge an nyenmen, o man an kun swran. Amun nyin blô swran liké su, ke an nyenmen'n, an si akplôwa, an di utré. Liké nga an klôé'n, an nyenmen, afin an sre'a Nyanmien ke o fa man amun.

1 Piɛr 3:8

Min nde'n i atabô'n ye, man amun akunndan'n yô kun, anh wun amun wiéngu aunnvue, anh klôé ke amun niaan sa, anh si i aunnvue, anh yô amun wun aénvue.

Jude 1:3

N swran kpa mun, ke n waan nh kleh ti nyanle bo é nin amun é nyenniin'n i nde ble amun'n, n wuun ke, se n kle amun fluwa nan n wla amun fanngan ke an dyran Christ sulafile nde'n su'n, o ti kpa. Nyanmien man bé kan nde so'n kléé i swran mun kpe kunngba tye.