2 Timote 2:22 - Nyanmien nde Ufle

²² Nanh bu liké nga gbanflen kônvi soe'n i akunndan, sannge a nin bé kwlaa nga sa te nu'an bé awlen'n nun bo bé bô fle é Min'n, anh mian amun nyin anh yô sa ng'o ti kpa'n, anh lafi Nyanmien su, anh klô Nyanmien nin swran, ye man amun wla gua asé.

NYANMIƐN NDƐ'N 1998

²² Nán bu like nga gbanflɛn konvi sɔ i'n i akunndan, sanngɛ be kwlaa nga sa tɛ nun-man be anwlɛn'n nun bɔ be bo flɛ e Min'n, a nin be an `mian amún nyin an `yo sa ng'ɔ ti kpa'n, an `lafi Nyanmiɛn su, an `klo Nyanmiɛn nin sran, yɛ man amun nuan sɛ amun wun.

2 Timote 2:22 ပူးပေါင်းရင်းမြစ်များ

Sa nga bé yôli'n 7:59

Ke béh finfinh Étienne yebue'n, o sé é Min'n ke: Nannan Jésus, wa fa min!

Sa nga bé yôli'n 9:14

ye Nyanmien nyrun dyranfue dandan'm bé meen i atin ke, swran kwlaa b'o bô o dunman klo nga su wa'n, o tyii!

Rɔmfuɛ Mun 14:17

Nanh ke liké bo swran di'n nin nzan bo bé non'n ye o klé ke Nyanmien sié béo, sannge i Wawe'n b'o man swran katyi swran kpa, b'o man bé di aladyé, bo bé klun dyo'n ye o klé ke o sié béo.

Rɔmfuɛ Mun 14:19

I so'n ti, man é yô sa ng'o dyo é wiéngu klun b'o man é kwlaa éh yôh kpa'n.

1 Korɛntfuɛ Mun 1:10

Aniaan mun, é Min Jésus-Christ ti nh sreh amun, man amun nuan se, nanh an bubu amun wun nun, sannge man amun akunndan'n nin amun nen'n yô kun.

1 Korɛntfuɛ Mun 1:2

éh kleh fluwa nga ble amun bo an ti Nyanmien i asonunfue Corinthe lo b'o flee amun ke an katyi i lie mlonmlon'n, swran wunmuan bo amun nin Jésus-Christ amuan yô'n ti, o nin bé kwlaa nga bé bô Jésus-Christ b'o ti é kwlaa é Min'n i dunman'n.

1 Korɛntfuɛ Mun 10:14

I so'n ti, n swran kpa mun, anh wla amuen sole'n i asé.

1 Korɛntfuɛ Mun 14:1

Man swran klôle'n yô tyinndyin amun sa nun. Man amun nyin blô Nyanmien Wawe'n i ninngé b'o fa man swran mun ke bé yô'n bé su dan kpa, sannge man Nyanmien nuan idyole'n lô amun tre i ngba.

1 Korɛntfuɛ Mun 6:18

Anh wla bla nin bian kunndele'n i asé. Sa te kwlaa bo swran yô'n o ti'a bé kplô nun nde, sannge swran ng'o kunnde bla annze bian'n, o yô i so sa lie'n gue i bobo kplô'n nun.

1 Timote 1:14

Yé nga é Min'n yôô min'n i nyin fitéé dan, o man ke é nin Christ-Jésus é katyii swran wunmuan'n, é lafi i su, ye é klô i nin swran.

1 Timote 1:5

É waan, bé klô swran kpa ti ye é tu bé fo so nion. Klôle so'n fin swran bo sa te kaan sa nu'en i awlen'n nun, b'o man i klun titimen, b'o lafi Nyanmien su sakpa'n.

1 Timote 2:8

I so'n ti, n klô ke yasua bo sa te kaan sa, nin ya, nin akunndan te nu'an bé klun'n, lika kwlaa nga bé wô'n, bé man bé sa su bé kôkô yale klé Nyanmien.

1 Timote 4:12

Ke bo a ti gbanflen kaan'n ti, nanh yô man swran fi yô o finfin, sannge yô sa ng'o ti kpa'n, man bé nga bé lafi Christ su'n bé nian su yô, o idyole nun ô, o nzuen'n nun ô, o swran klôle nun ô, o Nyanmien sulafile nun ô, o nin sa te bo a yôman nin ô.

1 Timote 6:11

Sannge o bo a ti Nyanmien i swran'n, nanh fo o wun wle ninngé so'm bé yôle nun. Mion o nyin yô sa ng'o ti kpa'n, fo o wun mantan Nyanmien, lafi i su, klô Nyanmien nin swran, tro o awlen, yô weteefue.

Hébreu 12:14

Man amun nin swran'n kwlaa amun nuan se amun wun, man amun nzuen'n fa Nyanmien lie'n, afin se o ti'e i tio, swran fi su wu'an é Min'n.

1 Piɛr 2:11

N swran kpa mun, an ti aôfue nin wlanwlanfue asie'n su, o man nh sreh amun ke an wla amun kônvi b'o man amun nyin blô ninngé'm bé su'n i asé, afin kônvi so'n kwla kun é.

1 Piɛr 3:11

Mon o wla sa tete'n i asé, o yô sa kpa, Mon o nin swran'n kwlaa bé nuan se, man swran'm bé afien siésiéle'n katyi i dyunman,

3 Jean 1:11

N swran kpa, nanh nian sa te nga bé yô'n su, sannge nian sa kpa nga bé yô'n su. Swran ng'o yô sa kpa'n, o ti Nyanmien lie, swran ng'o yô sa te'n, o si'a Nyanmien.