2 Timote 2:21 - Nyanmien nde Ufle

²¹ O man swran ng'o yi i wun sa te so'm bé yôle nun'n, oh yôh ke talié klaan bo bé fa di bé tyen'n sa, oh katyih i Min'n lie, oh yôh i wun sa yé, oh kwlah fa yô liké kwlaa ng'o ti kpa'n.

NYANMIƐN NDƐ'N 1998

²¹ Ɔ man sran ng'ɔ yi i wun sa tɛ'm be yolɛ nun'n, ɔ ´yo kɛ talie klanman bɔ be fa di cɛn'n sa, ɔ ´kaci i Min'n liɛ, ɔ ´fa yo i wun sa ye, yɛ ɔ ´kwla fa yo like kwlaa ng'ɔ ti kpa'n.

2 Timote 2:21 ပူးပေါင်းရင်းမြစ်များ

Sa nga bé yôli'n 9:15

Sannge é Min'n sé i ke: Ko, afin bian so'n, man fe ke o di n dyunman, nan o bô n dunman'n nvlé wié'm bé nun, famien nin Israël mma'm bé nyrun,

1 Korɛntfuɛ Mun 5:7

Anh gua kpaun ayré laa'n i asé, nan an yô kpaun ufle. Afin an ti ke kpaun bo ba gua'a nun ayré sa, ye ba kun Christ b'o ti ke é Pâque (*f17*) bua sa'n.

2 Korɛntfuɛ Mun 7:1

N swran kpa mun, sa kwlaa nga Nyanmien séé ke oh yôh bé so'n ti, man é wla sa kwlaa ng'o satyi swran'n nin akunndan tete'n kwlaa bé asé. Se é waan é srô Nyanmien'n, man é nian é wun kpa ke nanh man sa kaan sa tran é nin i é afien.

2 Korɛntfuɛ Mun 9:8

Nyanmien kwla man amun liké kpakpa'n kwlaa lélé bé ti sinh yia amun. O man tyen kwlaa amunh nyanh liké kwlaa ng'o mian amun sa'n, ye amunh nyanh wié kpanngban amunh fah yô aklunyé,

Efɛzfuɛ Mun 2:10

Afin é ti i sa nuan liké, ke é nin Christ-Jésus é yôô swran wunmuan'n, Nyanmien bô é ufle nan é yô nyôlie kpakpa ng'o dun mmua sié é ke é yô'n.

1 Timote 6:11

Sannge o bo a ti Nyanmien i swran'n, nanh fo o wun wle ninngé so'm bé yôle nun. Mion o nyin yô sa ng'o ti kpa'n, fo o wun mantan Nyanmien, lafi i su, klô Nyanmien nin swran, tro o awlen, yô weteefue.

2 Timote 2:16

Nanh fo o wun wla nde ngbenngben b'o nin Nyanmien nde'n ti'a kun'n bé nun, afin bé nga bé yô so'n, bé fa'a bé wun manta'an Nyanmien lélé bé nin i bu.

2 Timote 2:20

Awlô dan kun nun nanh sika okwle nin dyete ufué se ngunmin ye bé ô nuan, sannge bé fa waka se liké'n wié ye bé fa ufa wu liké'n wié. Bé sié wié fa di bé tyen, bé fa wié yô liké kwlaa nga bé klô'n.

2 Timote 3:17

nan Nyanmien swran'n nyan liké b'o kwla fa di dyunman kwlaa ng'o ti kpa'n.

2 Timote 4:11

Luc ngunmin ye o nin min ô waa. A nin Marc anh bla, afin o uka min kpa n dyunman'n nun.

Tite 3:1

Kpen bé wla ke bé bu bé nga bé sié bé'n nin bé nga bé dyran bé dya nun'n bé swran, man bé nyin yi bé, sa kpa kwlaa nga bé sé bé ke bé yô'n, man bé yô.

Tite 3:14

Klé é minnien'm bé kusu ke bé di dyunman klaan nan ba nyan liké nga bé sa mien i wun'n, nanh man bé bubu bé sa nin bé dya tran su.

Tite 3:8

Nde nga n keen ye'n ti nanwle wéiin. N klô ke a dyran nde so'n su kpa nan bé nga bé lafi Nyanmien su'n, bé fa yé yôle'n katyi bé dyunman. I so yôle'n ti kpa, o yô swran'm bé wun sa yé.

1 Piɛr 1:22

Ke an faa nde nanwle'n su, bo amun wun sa'n wiéli'n, o man an klô'a amun niaan Christfue mun amun nuan bui su. I so'n ti, anh klô amun wun kpa, anh tu amun klun yô sa ng'o klé ke an klô amun wun'n.

1 Piɛr 1:7

i so'n nun ye béh wunh ke an lafi Nyanmien su kpaa. Sika okwle bo tyen wié oh satyih'n, bé klôé nian. Amun kusu ke an lafi Nyanmien su'n, an ti kpa tra sika okwle, sannge san béh sah amun nian. Ye ke bé wun ke an lafi i su kpa'n, tyen nga Jésus-Christ wa yi i wun nglô'n, béh manmanh amun, béh yih amun aye, béh yôh amun mô.

1 Jean 3:3

Swran kwlaa nga i wla ô su so'n, o klô'a ke sa kaan sa tren i wun, afin sa fi nu'an Christ wun.