2 Timote 2:15 - Nyanmien nde Ufle

¹⁵ Mion o nyin di dyunman kpa man Nyanmien yô o mô, yô dyunman difue bo nyannzuen kunmen i dyunman'n ti, b'o kan nde nanwle o kpe'e i wun.

NYANMIƐN NDƐ'N 1998

¹⁵ Mian ɔ́ nyin di junman kpa man Nyanmiɛn yo wɔ mo, yo junman difuɛ bɔ nyannzuɛn kun-mɛn i i junman'n ti'n, b'ɔ kan ndɛ nanwlɛ-ɔ ɔ kpɛ-mɛn i wun'n.

2 Timote 2:15 ပူးပေါင်းရင်းမြစ်များ

Matthieu 13:52

Ye o sé bé ke: I so'n ti, mmla kléfue kwlaa b'o suan Nyanmien siéle nun ninngé mun'n, o ti ke awlô bô kpen kun b'o yi ninngé ufle nin ninngé nvuen i betro'n nun sa.

Marc 4:33

O kan Nyanmien nde nga bé kwla wun i wle'n kpanngban nyanndra nun klé bé.

JÉSUS-CHRIST I DYASIN FE'N BO LUC KLELI'N 12:42

Ye é Min'n sé ke: ?Wan ye o ti swran kpa b'o si liké su nian kpa, bo i min'n fe sié i minnien'm bé su ke o man bé alie tyen bo bé siéli'n su nion?

Sa nga bé yôli'n 2:22

Israëlfue mun, anh tié nde nga kpa! Amun bobo an si ke Jésus b'o fin Nazareth'n, o ti swran kun bo Nyanmien man o yô sa kéklééklé nin abônuan sa, ye o yi atre amun nyrun wa b'o klé ke o dyin i sin.

Sa nga bé yôli'n 20:27

Afin n kan Nyanmien i klun sa'n kwlaa kléé amun, man fia'a wié fi su amun wun.

Rɔmfuɛ Mun 14:18

Swran ng'o di Christ i dyunman'n ke nga sa'n, Nyanmien klun dyo i wun, ye swran'm bé bô i dunman.

Rɔmfuɛ Mun 16:10

Nh yôh Apellès b'o ti Christfue kpa'n, i liké. Nh yôh Aristobule i awlôfue'm bé liké.

Rɔmfuɛ Mun 6:13

Nanh an fa amun wunnen'n i bué kaan sa mon o yô sa te'n i dyunman liké, sannge amun bo an ti ke swran bo ba wu ba tyen sa'n, anh fa amun wun man Nyanmien, man amun wunmuan'n yô i dyunman liké b'o fa yô sa kpa.

1 Korɛntfuɛ Mun 2:6

Sannge ngwlele nde ye é kan klé swran bo bé nyin a ti muon. Ngwlele so'n fi'an é ble su, nin é wléngbi mun bo bé ble lie'n o wa wié'n.

2 Korɛntfuɛ Mun 10:18

Afin nanwle, swran ng'o sé i bobo wun ke o ti kpa'n, nenh i ye o ti kpa nion, san swran nga é Min'n bobo sé ke o ti kpa'n, i ye o ti kpaa.

2 Korɛntfuɛ Mun 3:6

I kunngba'n ye man é kwla di sa ufle nga i waan oh yôh man swran'n i dyunman nion. O ti'a mmla bo bé klelio, sannge o ti Nyanmien Wawe'n lie. Afin mmla nga bé kleli'n o man swran wu, sannge Nyanmien Wawe'n lie'n o man swran nyan nguan.

2 Korɛntfuɛ Mun 4:2

É wla liké nga bé yô nyannzuen ti bé fiafia su'n bé asé, é yô'a liké gblegble nun, é sannga'an Nyanmien nde'n, sannge ke é kan nde wéinwéin Nyanmien nyrun'n, o man swran'n kwlaa bé wun é wafa nga é ti'n.

2 Korɛntfuɛ Mun 5:9

O man se é tran wa ô, se é ko ô, é mian é nyin ke liké kwlaa nga é yô'n, o yô é Min'n i fe.

Galasifuɛ Mun 1:10

?Nde nga n ken ye'n, swran'm bé nyrun annze Nyanmien nyrun dunman ye n kunndeo? ?N waan n yô so nan swran'm bé klô n sa? Se n waan n yô so nan swran'm bé klô n sa'n, wuun n su yô'a Christ swran.

Efɛzfuɛ Mun 1:13

Amun kusu, ke an tii dyasin fe'n b'o ti nanwle'n, b'o man amun kwla nyan amun ti'n, an lafii Christ su. Ke amun nin i amuan katyi swran wunmuan'n ti, Nyanmien fe i Wawe'n b'o ken i nde'n maan amun b'o klé ke an ti i lie mlonmlon.

1 Tɛsalonikfuɛ Mun 2:4

É ken i ke Nyanmien kléé é ke é ken i su'n sa, afin o bu é swran fe i dyasin fe'n wlaa é sa nun. Nanh ke é waan éh kenh i so nan swran'm bé klun dyo é wuon, sannge é waan éh kenh i so nan o dyo Nyanmien b'o si é awlen'n nun'n i klun.

1 Tɛsalonikfuɛ Mun 5:14

Aniaan mun, éh sreh amun ke an tu bé nga bé yô sa sukusuku'n bé fo, anh wla bé nga bé awlen soman'n bé yakpa, anh wuka bé nga bé le'a wunmien'n, anh tra amun awlen swran'n kwlaa bé wun.

1 Timote 4:6

Se a ken i so klé aniaan mun'n, bo a fa Nyanmien i sulafile nde'n nin liké kpa nga bé kléé wo bo a fali su'n katyi ke wo alie sa'n, ah yôh Christ-Jésus i dyunman difue kpa.

Hébreu 4:11

I so'n ti, man é mian é wun nan é di aladyé so'n, nan swran fi a yô'a nyin kéklé i su b'o man o di'a aladyé ke bé lie'n saa.

Jacques 1:12

Swran nga sa to i su b'o tre i awlen'n, i lie su ti yé. Afin ke Nyanmien wun ke o tre i awlen sa so'n nun'n, oh fah nguan b'o ti liké kpa, bo i waan oh fah man bé nga bé klôé'n, men.

Jacques 1:18

I nde nanwle'n ti o fa é katyi i wa i klun klô su, nan ya yô liké kwlaa ng'o yii bé'n, bé nun klikli.

2 Piɛr 1:10

Aniaan mun, i so'n ti, anh bu flele nin fale bo Nyanmien faa amun'n i akunndan kpa, nan anh dyran kéklé. Se an yô so'n, an su fonman mlonmlon.

2 Piɛr 1:15

Sannge n yô liké kwlaa nga n kwle i yô'n nan se n wu'n, amun wla a tran sa so'm bé su tititi.

2 Piɛr 3:14

N swran kpa mun, i so'n ti, ke éh minndeh tyen so'n, anh yô liké kwlaa nga an kwla yô'n nan o wun ke an ti swran kpa bo sa kaan sa nu'an amun wun, nan amun nin i amun nuan a se.