2 Timote 2:10 - Nyanmien nde Ufle

¹⁰ I so'n ti ye sa so'n kwlaa nun bé nga Nyanmien kpaa bé'n bé ti, n tra min awlen nion, nan Christ-Jésus ti bé kusu bé nyan bé ti ye bé nyan nyrun b'o wiéman.

NYANMIƐN NDƐ'N 1998

¹⁰ I sɔ'n ti yɛ sa sɔ'n kwlaa nun be nga Nyanmiɛn kpali be'n be ti n tra min anwlɛn nin-ɔn. N tra min anwlɛn kɛ ɔ ´yo nan Krist-Jésus ti be kusu be nyan bé ti yɛ be nyan nyrun b'ɔ wie-man'n.

2 Timote 2:10 ပူးပေါင်းရင်းမြစ်များ

Matthieu 24:22

Se Nyanmien a kpe'a tyen so'n su'n, swran fi su fité'a nun, sannge bé b'o faa bé'n bé ti, oh kpeh tyen so'n su.

Matthieu 24:24

Afin bé bo bé ton bé wun suen ke bé ti Christ'n, o nin bé bo bé ton bé wun suen ke bé ti Nyanmien nuan idyofue'n, bé wa dyaô, béh yih atre, béh yôh abônuan sa mun lélé ke bé fa laka bé bo Nyanmien faa bé'n bobo, se bé kwla nyan bé ô.

Matthieu 24:31

Ke awe'n kô te'n, nh sunmanh min ange mun, bé wa yia bé bo Nyanmien faa bé bo bé ô men wunmuan'n nun'n, ke o fin nyanmien'n i bué kun su lélé fa dyu i bué kun ékun.

JÉSUS-CHRIST I DYASIN FE'N BO LUC KLELI'N 18:7

?Ye bé nga Nyanmien kpaa bé bo bé sun flee kongue nin wia nun'n, o su dyra'an bé sin di'a bé nde'n? ?Oh sisih i bô nan wa di bé dyole'n?

JÉSUS-CHRIST I DYASIN FE'N BO LUC KLELI'N 22:57

Sannge o fe i nuan kéklé o sé ke: Mmô, n simen mlonmlon.

Jean 11:52

Nanh ke nvlé so'n ngunmin tio, sannge oh yôh so nan Nyanmien ken i mma'm bo bé sanndili'n bé kwlaa bô nun.

Jean 17:24

N Si, n klô ke bé nga a fa bé maan min'n lika nga n wô lo'n, bé tran lo wié nan bé wun nyrun nga wo man n le'n, afin a klô min i sin nan w'a yi men'n.

Jean 17:9

Bé wun yale ye n su kôkô klé woo. Nanh men nunfue'm bé wun yale ye n su kôkô klé woo, sannge bé nga a fa bé maan min'n, bé wun yale ye n su kôkô klé woo, afin bé ti o lie.

Rɔmfuɛ Mun 2:7

Bé nga bé tra bé awlen bé yô kpa, bo bé kunnde ke bé nyan nyrun bé bu bé swran, bo bé kunnde nguan'n, oh manh bé anannganman nguan.

Rɔmfuɛ Mun 9:23

?Se o yôé so ke o fe i yé dan b'o yô é i klun-ufué su'n klé yé'n, o kwla yô'e so? Afin é b'o wunnin é aunnvue'n é ti ke se klaan sa. O dun mmua siéé é ke é nyan nyrun.

1 Korɛntfuɛ Mun 1:21

Nyanmien wun ke o ti kpa ke o fa sinnzin nde so'n dé bé nga bé fa su'n, afin Nyanmien b'o si sa'n kwlaa'n, o wun ke swran'm bé nin bé ngwlele bo bé sii'n, ba simen.

1 Korɛntfuɛ Mun 9:22

Ke n kô yô nan man nan bé nga bé nga bé nan wu'an Nyanmien nde'n i wle kpa'n, n yô min wun ke bé sa. Swran wafa'n kwlaa bo n tô bé'n, ke n kô yô nan man dé bé'n, n yô nin yô i kwlaa so'n dyasin fe'n ti, nan liké kwlaa nga bé nyen dyasin fe'n ti'n, n lie a tran nun wié.

2 Korɛntfuɛ Mun 1:6

Sa ng'o to é su'n, amun ukale nin amun ti nyanle tio, fonvole nga Nyanmien fa fonvo yé'n, amun fonvole tio, o man sa kwlaa ng'o son é nun'n, o son amun nun wié.

2 Korɛntfuɛ Mun 12:15

N lie'n, se n satyi n sa nun ninngé'n kwlaa ye n fa m bobo nannan su amun ti'n, o yô n fe. ?Ke n klô amun dan ke nga sa bo an klô'a n kpa'n, o ti kpa?

2 Korɛntfuɛ Mun 4:15

Amun yé yôle ti ye sa so'n kwlaa yôô soo, o man ke Nyanmien yô kpanngban bo bé nuan uka su titi'n bé yé dan'n, o man swran so'm bé kusu bé wa le i asé, béh bôh i dunman.

2 Korɛntfuɛ Mun 4:17

Nyrennen kaan nga é wuin ye'n o man éh nyanh tranwle kpa nyanmien su lo, é su dyaô'a nun le.

Efɛzfuɛ Mun 3:13

O man nh sreh amun ke, nanh amun sa sin bubu amun nyrennen nga n wuin amun ti'n ti, afin o ti amun anyrunnyan liké.

Kolɔsfuɛ Mun 1:24

Nyrennen nga amun ti n wuin ye'n, n klun dyo su. Ke n fe n kplô'n nun'n, n su guagua nyrennen nga Christ wunniin Asonun b'o ti i wunnen'n ti'n bô.

Kolɔsfuɛ Mun 1:27

Afin Nyanmien klô ke i swran'm bé si nvlénvlé'n kwlaa bé wun akunndan kpa ng'o buli b'o fie swran'm bé wun'n. Akunndan kpa so'n yele ke, Christ tran amun awlen'n nun, o man amun wla ô su ke Nyanmien man amunh nyanh nyrun.

1 Tɛsalonikfuɛ Mun 5:9

Afin nanh é wun ya fale ti ye Nyanmien faa yéo, sannge o faa é ke é Min Jésus-Christ ti, é nyan é ti.

2 Tɛsalonikfuɛ Mun 2:14

Afin i so'n ti ye ke é kan dyasin fe'n kléé amun'n, o fleli amuon, nan nyrun nga é Min Jésus-Christ nyenh'n, amun dunman'n te nun wié.

2 Timote 1:1

M Paul bo Nyanmien waan Christ-Jésus sunman min'n, nh kleh fluwa nga ble o Timothée bo a ti min awlen su ba'n. Christ-Jésus sunmaan min ke n kan nguan nga Nyanmien waan oh fah man bé nga bé nin Christ ba katyi swran wunmuan'n i nde. Man é Si Nyanmien nin é Min Christ-Jésus bé man a nyan yé, man bé si wo aunnvue, ye man o wun dyo o fouun!

2 Timote 2:1

I so'n ti, o lie'n, n wa, yé nga ké nin Christ-Jésus é katyii swran wunmuan'n o yôô yé'n ti, dyran kéklé.

2 Timote 2:3

Nyrennen nga é wuin'n, Christ-Jésus i sôndya kpa bo a ti'n ti mon o son o nun.

Tite 1:1

M Paul n ti Nyanmien i swran bo Jésus-Christ sunmaan min ke n wuka bé nga Nyanmien kpaa bé'n man bé lafi i su kpa, ye bé wun nde nanwle nga bé bo bé srô Nyanmien'n bé sii'n i wle kpa,

1 Piɛr 2:10

Laa an ti'a Nyanmien swran, sannge sien'n, amuan katyi i swran. Laa Nyanmien a si'a amun aunnvue, sannge sien'n, wa si amun aunnvue.

1 Piɛr 5:10

Ke an wun nyrennen lé nnyon kun'n, Nyanmien Aklunyéfue Kpli'n b'o flee amun ke an nyan nyrun titi, swran wunmuan bo amun nin Christ a katyi'n ti'n, i bobo man amunh yôh swran kpa mlonmlon. Oh yôh man amunh dyranh kéklé, oh wlah amun fanngan, o man amun wun su usu'a amun.