2 Timote 1:9 - Nyanmien nde Ufle

⁹ O déé é, o flee é ke é yô i swran, nanh ke é yô sa kpa ti ye o flee yéo, sannge é wun akunndan bo i bobo buli'n, nin yé bo i waan Christ-Jésus ti oh yôh yé'n tio.

NYANMIƐN NDƐ'N 1998

⁹ Ɔ deli ye, ɔ flɛli ye kɛ e yo i sran, nán kɛ e yoli sa kpa ti yɛ ɔ flɛli ye-ɔ, sanngɛ é wun akunndan bɔ i bɔbɔ dun mmua buli'n, nin ye bɔ i waan Krist-Jésus ti ɔ ´yo ye'n ti-ɔ.

2 Timote 1:9 ပူးပေါင်းရင်းမြစ်များ

Matthieu 1:21

O wa wu ba yasua, ah tonh i dunman Jésus, (bo i bô yele Défue), afin i ye o wa dé i nvlé'n bé sa bo bé yô Nyanmien'n i nuon.

JÉSUS-CHRIST I DYASIN FE'N BO LUC KLELI'N 10:21

I ôsu kunngba'n nun Nyanmien Wawe'n man Jésus klun dyoli dan kpa, nan wa sé ke: N Si, wo bo a sié liké'n kwlaa nyanmien su lo nin asie'n su wa'n, kwla ô, yele ke a fa ninngé nga mun fiaa ngwlelefue nin bé bo bé si sa'n bé wun, sannge a yi bé nglô kléé bé bo bé ti ke ba kanngan mun sa'n. N Si, kwla ô, o klun sa nga a yôli'n ti.

Jean 17:24

N Si, n klô ke bé nga a fa bé maan min'n lika nga n wô lo'n, bé tran lo wié nan bé wun nyrun nga wo man n le'n, afin a klô min i sin nan w'a yi men'n.

Jean 17:9

Bé wun yale ye n su kôkô klé woo. Nanh men nunfue'm bé wun yale ye n su kôkô klé woo, sannge bé nga a fa bé maan min'n, bé wun yale ye n su kôkô klé woo, afin bé ti o lie.

Jean 6:37

Swran kwlaa nga n Si fa bé man min'n béh bah n sin, o man swran ng'o ba n sin'n, n su fuenmen,

Sa nga bé yôli'n 2:47

bé manman Nyanmien, bé wun yô swran'n kwlaa bé fe ye tyen kwlaa é Min Nyanmien'n fa bé bo bé fité nun'n uka bé su.

Rɔmfuɛ Mun 11:14

N yô i so nan n nvléfue'm bé fa bé nyin tyi amun, nan bé nun wié'm bé nyan bé ti.

Rɔmfuɛ Mun 11:29

Afin ke Nyanmien fa liké man swran'n, ye ke o fle swran'n, o kôkô'e i sin.

Rɔmfuɛ Mun 16:25

Nyanmien Kpli kwla ô! Afin n dyasin fe'n nin Jésus-Christ i nde bo n kan'n, nin sa nga Nyanmien yi'e i nglô klé'a é laa bo sien'n ya wun i wle'n ti, o man an kwla dyran kéklé. Ke o fin men'n i bôbôle nun'n, Nyanmien fiaa sa so'n su,

Rɔmfuɛ Mun 3:20

Nyanmien su bu'a swran fi swran kpa i mmla'n su fale'n ti, afin mmla'n ti ye man bé si liké nga bé fle ke sa te nion.

Rɔmfuɛ Mun 9:11

Ke bé nian wu'a ba so mun bo bé nian si'a liké nga bé flee kpa nin te'n, Nyanmien séé Rébecca ke: «Ba kpenngbenfue'n oh suh i sinma'n.» O yôé so nan bé si ke o fa swran nga i bobo klô'n, o nia'an liké nga swran'm bé yô'n su ye o fa fa béo, sannge bé nga o fle bé'n bé ye o fa béo.

Rɔmfuɛ Mun 9:24

É b'o fleli yé'n, nanh é Juif mun é ngunmin ye o flee yéo, sannge bé nga bé ti'a Juif'n bé ô nun wié.

1 Korɛntfuɛ Mun 1:18

Afin Christ i waka'n su wule nde bo bé kan'n o ti sinnzin nde bé nga bé su mlin'n bé nyrun, sannge é nga é su fité nun'n, o klé é ke Nyanmien ti kpli.

Efɛzfuɛ Mun 1:11

Liké kwlaa nga Nyanmien klô ke oh yôh'n, o yô, o man ke é nin Christ é katyii swran wunmuan'n o fa é katyi i lie, afin i bobo ye o siéé i soo.

Efɛzfuɛ Mun 1:9

o man é si i klun sa b'o fiee swran'm bé nyrun'n o nin sa klaan nga i waan Christ yô man yé'n.

Efɛzfuɛ Mun 3:11

Ke o yôé so'n, sa ng'o dun mmua buu i akunndan lalafue nun ke o man é Min Christ-Jésus yô'n, o kpeen su.

Filipfuɛ Mun 3:14

O man m mian min nyin dyu dyuwle nga bé siéli'n nun, nan nh nyanh liké nga Nyanmien fle é ke é nyen nyanmien su lo'n, swran wunmuan bo é nin Christ-Jésus ya yô'n ti.

1 Tɛsalonikfuɛ Mun 4:7

Afin Nyanmien a fle'a é ke é yô sa tete, o flee é ke é yô i lie mlonmlon.

1 Timote 1:1

M Paul bo é Défue Nyanmien nin Christ-Jésus bo é fa é wla gue i su'n bé waan béh sunmanh min bo Christ-Jésus so'n sunmaan min'n,

2 Timote 1:1

M Paul bo Nyanmien waan Christ-Jésus sunman min'n, nh kleh fluwa nga ble o Timothée bo a ti min awlen su ba'n. Christ-Jésus sunmaan min ke n kan nguan nga Nyanmien waan oh fah man bé nga bé nin Christ ba katyi swran wunmuan'n i nde. Man é Si Nyanmien nin é Min Christ-Jésus bé man a nyan yé, man bé si wo aunnvue, ye man o wun dyo o fouun!

Tite 1:2

nan bé fa bé wla gua anannganman nguan'n su. Nyanmien b'o bua'a atô'n, ke o nian yi'a men'n o séé ke nh nyanh nguan so'n.

Hébreu 3:1

I so'n ti, aniaan bo an ti Nyanmien lie b'o flee amun wié'n, anh bu Jésus bo Nyanmien sunmeen i ke o yô i nyrun dyranfue dan i su bo é lafi'n ti'n, i akunndan.

1 Piɛr 1:20

Nyanmien dun mmua fe siéli i sin nan wa yi men'n, ye amun ti, ke ya dyu men'n i bué nuan'n, wa yii nglô.

1 Piɛr 2:9

Sannge amun lie'n, an ti swran bo Nyanmien faa amun, an ti Famien Nyanmien'n i nyrun dyranfue, an ti Nyanmien nvlé'n nun swran, an ti i lie mlonmlon. O faa amun ke an yi i b'o flee amun ke an dyaô aôsin nun, an bla lika ng'o kpadya kpa'n nun'n i aye.

Sa nglô yile 13:8

Bé kwlaa nga bé ô men'n nun, bo ke bé bô men'n i bô'n, ba kle'a bé dunman Bua Gbanflen bo bé kunniin'n i nguan fluwa'n nun'n, béh kôtôh i bô.

Sa nglô yile 17:8

Nnen'n bo a wunniin'n, o ô le laa, sannge o nu'an le kun. O wa fin kunman dan bo bé si'e i bô'n nun fité, oh koh lika nga i agualie'n gueh i te'n nun. Asie'n sufue'm bo ke béh bôh men'n i bô'n, ba kle'a bé dunman nguan fluwa'n nun'n, ke bé wun nnen so'n, oh bôh bé nuan. Afin o ô le laa, sien'n o nu'an le kun, ye o wa ba ékun.