2 Timote 1:8 - Nyanmien nde Ufle

⁸ I so'n ti, nanh man nyannzuen kun o é Min'n i nde kanle nin min bo i dunman nun ye bé wlaa m bisua'n ti. Sannge Nyanmien fanngan nun, man nyrennen nga é wuin dyasin fe'n ti'n, o son o nun.

NYANMIƐN NDƐ'N 1998

⁸ I sɔ'n ti, nán man nyannzuɛn kun wɔ e Min'n i ndɛ kanlɛ nin min bɔ i dunman nun yɛ be wlali m bisua'n e ti. Sanngɛ Nyanmiɛn fanngan nun'n, nyrɛnnɛn nga e wun i jasin fɛ'n ti'n, man ɔ sɔn ɔ nun.

2 Timote 1:8 ပူးပေါင်းရင်းမြစ်များ

Marc 8:38

Adyulisufue tete nga'm bé ti ke bla b'o kunnde bian i wun bô sa Nyanmien nyrun. Wié ô bé nun nyannzuen kun bé min nin min nde'n ti. Ke m bo n katyii Swran'n min nin Nyanmien i ange mun éh bah n Si i dunman nun, bo béh wunh ke i nyrun ti nyannyan o yô srô'n, nyannzuen wa kun n kusu bé ti.

JÉSUS-CHRIST I DYASIN FE'N BO LUC KLELI'N 9:26

M bo n katyii Swran'n mh bah, swran'm béh wunh ke min nin n Si nin n Si ange mun é nyrun ti nyannyan o yô srô. Swran nga bo min, nin min nde'n ti nyannzuen kuin'n, ke mh bah so'n, nyannzuen wa kun min swran so'n ti.

Jean 15:27

Amun kusu, amunh kanh n nde wié, afin ke o fin i bôbôle nun'n min nin amun ye é wôo.

Jean 19:35

Swran ng'o wuun nun'n ye o kannion, ye i nde ng'o kan'n ti nanwle. I bobo si ke nde ng'o kan'n ti nanwle, o man amun kusu anh lafi su wié.

Sa nga bé yôli'n 5:41

Ke béh dyaôh dyole difue'm bé nyrun le'n, bé klun ti dyowa yele ke bé si ke, bé nyin bo bé gue i asé Jésus dunman nun'n o ti kpa, afin Nyanmien ye o siéé i soo.

Rɔmfuɛ Mun 1:16

Dyasin fe'n ti nyannzuen ku'an min, afin i ye Nyanmien Kpli fa dé swran kwlaa nga bé lafi i su muon, Juif mun ye bé ti kliklio, i sin bé nga mun.

Rɔmfuɛ Mun 16:25

Nyanmien Kpli kwla ô! Afin n dyasin fe'n nin Jésus-Christ i nde bo n kan'n, nin sa nga Nyanmien yi'e i nglô klé'a é laa bo sien'n ya wun i wle'n ti, o man an kwla dyran kéklé. Ke o fin men'n i bôbôle nun'n, Nyanmien fiaa sa so'n su,

Rɔmfuɛ Mun 8:36

Afin bé klee ke: «O ti bé fa é dyran wié'n nuan nglemun lélé nnsoua. Bé bu é ke bua bo bé su kô kuin sa.»

Rɔmfuɛ Mun 9:33

bo bé kleli i wun nde ke: «Anh nian, nh fah yebue kun sié Sion (*f14*) lo, oh kplah swran'm bé dya, Yebue dan kun bo swran'm béh fin asé su. Sannge swran ng'o lafi i su'n, i nyin su gua'a asé.»

1 Korɛntfuɛ Mun 1:6

O klé ke amuan fa Christ nde'n su kpa.

2 Korɛntfuɛ Mun 6:7

é kan nde b'o ti nanwle, sa nga é yô'n é yôé Nyanmien fanngan nun. Nanwle dile'n ye o ti é ale liké bo é fa kun ale ye é fa kpli é tio.

Efɛzfuɛ Mun 3:1

I so'n ti, m Paul n ti Christ-Jésus i bisuafue amun bo an ti'a Juif'n amun ti.

Efɛzfuɛ Mun 3:13

O man nh sreh amun ke, nanh amun sa sin bubu amun nyrennen nga n wuin amun ti'n ti, afin o ti amun anyrunnyan liké.

Efɛzfuɛ Mun 4:1

I so'n ti, m bo é Min'n ti ye n ti bisuafue'n, n sre i kpa ke an bu flele nga Nyanmien flee amun'n i akunndan, nan an yô sa ng'o ti i nuan su'n.

Efɛzfuɛ Mun 4:17

I so'n ti, é Min'n dunman nun n sé amun ke yiô, nanh amun nzuen'n fa bé bo bé ti'a Juif'n bé lie'n kun. Bé le'a akunndan,

Filipfuɛ Mun 1:7

Ke m bu amun kwlaa amun akunndan ke nga sa'n, o ti kpa, afin amun nde lô n kpa. Ke é sé ye'n bo n wô bisua'n nun'n, nin laa bo n nyan n ti n dyran dyasin fe'n su mon o taka kpa'n, yé nga Nyanmien yôô min'n o yô amun kwlaa amun wié.

Filipfuɛ Mun 3:10

Min akunndan kpa'n yele ke, man n si Christ nin i kwlale b'o man o tyennin'n, nan nyrennen ng'o wunniin'n nh wunh wié lélé se n wu'n, man n yô ke i sa,

Filipfuɛ Mun 4:13

Christ b'o wla n fanngan'n ti, n kwla liké'n kwlaa yô.

Kolɔsfuɛ Mun 1:11

É sre i ke o man amun fanngan i kwlale dan b'o le'a wunsu'n ti, nan sa'n kwlaa nun amun klun dyo, an kwla tra amun awlen blu sa'm bé su.

Kolɔsfuɛ Mun 1:24

Nyrennen nga amun ti n wuin ye'n, n klun dyo su. Ke n fe n kplô'n nun'n, n su guagua nyrennen nga Christ wunniin Asonun b'o ti i wunnen'n ti'n bô.

1 Tɛsalonikfuɛ Mun 3:4

I nun nga é ô amun wun lo'n, é bô su kléé amun ke bé waa klé é yale, an si ke yale kléle so'n ye wa dyu ye'n.

1 Timote 2:6

O fe i wun maan ke oh kpoh swran'n kwlaa bé ti. Ke o yôô so ble nga Nyanmien siéli'n su'n, ye o klé ke Nyanmien klô ke oh déh swran'n kwlaa nion.

2 Timote 1:10

É ble lie'n su ke é Ti Défue Christ-Jésus bali'n, ye o yii yé so'n i nglôo. O tuu wié'n i dyé'n, ye i dyasin fe'n ti o man ya si nguan b'o man swran wuman'n.

2 Timote 1:12

I so'n ti ye n wun nyrennen ngaa, sannge o nin i so'n ngba nyannzuen ku'an min, afin n si swran nga n fa n wla'n guee i su'n. N sii wéiin ke liké kwlaa nga o fa wlaa n sa nun'n, i bobo kwla nian su lélé fa dyu tyen so'n nun.

2 Timote 1:16

Man Nyanmien si Onésiphore nin i awlôfue'm bé aunnvue, afin kpale sunman o gua min awlen su nzué. N wôsu nianle bisua nun lo'n wa yômen nyannzuen.

2 Timote 2:3

Nyrennen nga é wuin'n, Christ-Jésus i sôndya kpa bo a ti'n ti mon o son o nun.

2 Timote 2:8

Bu Jésus-Christ David anunman'n b'o tyennin'n i akunndan. Ke nh kanh dyasin fe'n ye n ken i nde so nion.

2 Timote 2:9

Dyasin fe so'n ti ye n wun nyrennen bo bé tyi n ke sa te yôfue sa nion. Sannge Nyanmien ndefue'n, bé kwla tanninmen.

2 Timote 4:17

Sannge é Min'n ye o dyran n sin wlaa n fanngan ye man n kwla ken i nde'n kwlaa, ye man bé kwla nga bé ti'a Juif'n bé tilio. O déé min dyra'n i nuan nun.

2 Timote 4:5

Sannge o lie'n, nion o wun su sa'n kwlaa nun, yale nga bé klé wo'n, mon o son o nun, dyasin fe i kanle b'o ti o dyunman'n di, dyunman nga Nyanmien fa wlo o sa nun'n guegue i bô.

1 Piɛr 1:5

Nyanmien Kpli siéé i lo sié amun i su bo an lafi'n ti, oh nianh amun su lélé amunh nyanh amun ti, afin wa dun mmua sié i ke men'n i awiélie oh yih amun ti nyanle so'n i nglô.

1 Jean 4:14

É wun ke é Si sunmeen i Wa'n men'n nun ke o wa dé swran'm bé ti, ye man é kaan.

Jude 1:24

Nyanmien b'o kwla nian amun su b'o man an fonman'n, bo ke o man amunh koh i wun lo'n, sa kaan sa bo'an amun wun, amun klun dyo'n,

Sa nglô yile 1:2

Liké kwlaa nga Jean wunniin'n o kannin. O kan nde nga Nyanmien kan klélii'n, nin nde nanwle nga Jésus-Christ kan bé klélii'n.

Sa nglô yile 1:9

N Jean bo n ti amun niaan'n, ke é nin Jésus é katyii swran wunmuan'n ti, o man min nin amun é wun nyrennen, o sié é, ye é tra é awlen. Nyanmien nde nin Jésus nde bo n kan'n ti, bé fa min oo nvlé kaan bo bé flee Patmos, bo nzué sin yie'n nun.

Sa nglô yile 12:11

Bua Gbanflen'n i mmôdya'n nin nde nanwle bo bé kan'n ti bé kwlelii, ye ba bu'a bé bobo bé wun liké fi, ba srô'a wié'n.

Sa nglô yile 19:10

Ye n wutuu min nyin asé i bô le ke mh menmenh, sannge o sé n ke: Nanh yô so! N ti wo nin o niaan kwlaa nga bé fa nde nanwle nga Jésus yii nglô'n su'n, amun wiéngu dyunman difue. Kôtô Nyanmien bô menmen! Nde nanwle nga Jésus yii nglô'n ye man Nyanmien nuan idyofue'm bé ken i nde nion.