2 Timote 1:5 - Nyanmien nde Ufle

⁵ N wla ô o Nyanmien su bo a lafii kpa'n su, o nannan Loïs nin o nin Eunice bé ye bé dun mmua lafii i su soo. Ye n si ke a lafi i su so wié kusu.

NYANMIƐN NDƐ'N 1998

⁵ N wla o ɔ Nyanmiɛn su bɔ a lafi kpa'n su, ɔ nannan Lois nin ɔ nin Enis be yɛ be dun mmua lafili i su sɔ-ɔ. Yɛ n si kɛ a lafi i su sɔ wie kusu.

2 Timote 1:5 ပူးပေါင်းရင်းမြစ်များ

Jean 1:47

Ke Jésus wun Nathanaël ke o su be i wun le'n, o ken i nde ke: Anh nian, Israëlfue kpa kun ye oh bah ye'n, o ti'a gblefue kaan sa.

Sa nga bé yôli'n 16:1

Paul oo lélé dyuu Derbe nin Lystre. O wuun Jésus sonnzonfue kun Lystre lo, bé flee Timothée. O ti Juif bla kun b'o lafi Jésus su'n i wa, i si'n ti Grec.

Sa nga bé yôli'n 26:26

Nannan Agrippa b'o ô ye'n o si sa so'n nun, o man ke nh kanh kléé'n, n klun ti'a min, afin n si wéiin ke o si sa so'n kwlaa nun, yele ke i wié fi a yô'a nvialie nun.

Rɔmfuɛ Mun 14:14

Swran wunmuan bo min nin é Min Jésus é ti'n ti, n si wéiin kpa ke liké kwlaa nga bé ô le'n, bé wié fi ti'a liké te, sannge se swran kun bu liké kun ke o ti'a kpa'n, wuun o ti'a kpa i nyrun.

Rɔmfuɛ Mun 14:5

Swran wié bu ke tyen'n wié ti kpa tra wié, sannge wié nyrun i kwlaa ti kun. I so'n ti, man swran kun wun liké ng'o yô'n i wle nan wa yô.

Rɔmfuɛ Mun 15:14

N niaan mun, m bobo n lafi amun su kpa ke an ti klunufuéfue kpa, an wun sa'n kwlaa wle, ye an kwla tu amun wiéngu fo.

Rɔmfuɛ Mun 4:21

I wla ô su kpa ke liké nga Nyanmien séé i ke oh yôh'n, o kwla yô.

Rɔmfuɛ Mun 8:38

Afin n si kpa ke klôle nga Nyanmien fa klô é b'o man Jésus-Christ yi i nglô klé yé'n, liké fi man i nyin kwla tu'a é su. Se wié ô, nguan ô, ange mun ô, mmusu mun ô, baé ô, ble nga nun ninngé mun ô, tyen wié ninngé mun ô, nglô lo nin asie'n su wa ninngé mun ô, liké fi nu'an le b'o man i nyin kwla tu é suo.

2 Korɛntfuɛ Mun 6:6

Sa ng'o klé ke é ti Nyanmien dyunman difue'n bé ye, é yô'a sa sukusuku, é wun sa wle, é blu sa'm bé su, é klun ti ufué, Nyanmien Wawe'n sié é, é klô'a Nyanmien nin swran é nuan bui su,

1 Timote 1:5

É waan, bé klô swran kpa ti ye é tu bé fo so nion. Klôle so'n fin swran bo sa te kaan sa nu'en i awlen'n nun, b'o man i klun titimen, b'o lafi Nyanmien su sakpa'n.

1 Timote 4:6

Se a ken i so klé aniaan mun'n, bo a fa Nyanmien i sulafile nde'n nin liké kpa nga bé kléé wo bo a fali su'n katyi ke wo alie sa'n, ah yôh Christ-Jésus i dyunman difue kpa.

2 Timote 1:12

I so'n ti ye n wun nyrennen ngaa, sannge o nin i so'n ngba nyannzuen ku'an min, afin n si swran nga n fa n wla'n guee i su'n. N sii wéiin ke liké kwlaa nga o fa wlaa n sa nun'n, i bobo kwla nian su lélé fa dyu tyen so'n nun.

2 Timote 3:15

Ke o fin o ba kaan nun'n, a si Nyanmien Nde nga bé kleli'n, ye man a si ngwlele b'o man se bé lafi Christ su'n bé nyan bé ti nion.

Hébreu 11:13

Bé kwlaa bé lafi Nyanmien su lélé bé fa wuli, sannge o nin i so'n ngba, ba nyanman liké nga i waan oh fah man bé'n. Bé wuun bé mmua lo, o man bé klun dyoli. Ye bé di bé wun nanwle ke bé ti aôfue nin wlanwlanfue asie'n su.

Hébreu 6:9

N swran kpa mun, kannze é kan so'n, é lafi su ke amun sa lie nga ke amun nyan amun ti'n an yô'n ti kpa tra bé lie'n.

1 Piɛr 1:22

Ke an faa nde nanwle'n su, bo amun wun sa'n wiéli'n, o man an klô'a amun niaan Christfue mun amun nuan bui su. I so'n ti, anh klô amun wun kpa, anh tu amun klun yô sa ng'o klé ke an klô amun wun'n.