2 Timote 1:12 - Nyanmien nde Ufle

¹² I so'n ti ye n wun nyrennen ngaa, sannge o nin i so'n ngba nyannzuen ku'an min, afin n si swran nga n fa n wla'n guee i su'n. N sii wéiin ke liké kwlaa nga o fa wlaa n sa nun'n, i bobo kwla nian su lélé fa dyu tyen so'n nun.

NYANMIƐN NDƐ'N 1998

¹² I sɔ'n ti yɛ n wun nyrɛnnɛn nga-a, sanngɛ ɔ nin i sɔ'n ngba'n, nyannzuɛn kun-man min, afin n si sran nga n fa ń wla'n guɛli i su'n. N si weiin kɛ like kwlaa nga ɔ fa wlali min sa nun'n, i bɔbɔ kwla nian su lele fa ju cɛn sɔ'n nun.

2 Timote 1:12 ပူးပေါင်းရင်းမြစ်များ

Matthieu 12:21

Lélé san o man nanwle'n kwlah, Ye nvlé'm bé wa fa bé wla gue i su.»

Matthieu 24:36

Tyen so'n nin i do'n swran fi simen, san min Si kunngba tye ye o si io. M bo n ti i Wa'n bobo n simen, ye nyanmien su lo ange'm bé kusu bé simen.

Matthieu 7:22

Tyen so'n nun swran kpanngban kpa bé wa usa n ke: ?Nannan, Nannan, o dunman nun ya ka'an Nyanmien nde? ?O dunman nun ya fua'an asie usu? ?Ye o dunman nun ya yô'a sa kéklééklé mun?

JÉSUS-CHRIST I DYASIN FE'N BO LUC KLELI'N 10:12

Nanwle, dyole dile tyen'n nun Sodome i nyrennen lie'n, oh yôh soso tra klo so'n lie'n.

JÉSUS-CHRIST I DYASIN FE'N BO LUC KLELI'N 23:46

Jésus kpaan kéklé kpa o sé ke: «N Si, wa fa min ô.» Ke i nuan too tye'n ye o kaa nuon.

Jean 17:15

N sre'a o ke a yi bé men'n nun, sannge nh sreh o ke Klunwifue'n ti a nian bé su.

Jean 6:44

Swran fi kwla ba'a n sin, san bé nga n Si b'o sunmaan min'n o man bé ba n sin'n, bé ye nh tyenh bé men'n i awiélieo.

Sa nga bé yôli'n 13:46

Sannge Paul nin Barnabas bé tra bé awlen bé kan klé bé wéiin ke: Amun ye bé waan, é dun mmua kan Nyanmien nde'n klé amuon, sannge ke amuan faman'n, bo an bu ke anannganman nguan'n nin amun fataman'n, i so'n ti, éh kpeh é nyin ko bé bo bé ti'a Juif'n bé sin.

Sa nga bé yôli'n 13:50

Sannge Juif'm bé wlawlaa bla nga bé katyii Juif bo bé le dunman'n, bé nin klo kpenngben mun, ye bé bôô Paul nin Barnabas bé yale kléle bôo, bé fuaan bé bé akpasua lie'n su.

Sa nga bé yôli'n 21:13

Ye Paul séé bé ke: ?Nzu ti ye an sun man min wun yô n nyeiin soo? N si so, nanh ke yile ngunmin ye béh tyih mion, sannge se bé kun min bobo é Min Jésus ti Jérusalem lo'n, o ti'a sa.

Sa nga bé yôli'n 7:59

Ke béh finfinh Étienne yebue'n, o sé é Min'n ke: Nannan Jésus, wa fa min!

Sa nga bé yôli'n 9:16

ye m ma klé i nyrennen kwlaa ng'o wa wuin n dunman nun'n.

Rɔmfuɛ Mun 1:16

Dyasin fe'n ti nyannzuen ku'an min, afin i ye Nyanmien Kpli fa dé swran kwlaa nga bé lafi i su muon, Juif mun ye bé ti kliklio, i sin bé nga mun.

Rɔmfuɛ Mun 9:33

bo bé kleli i wun nde ke: «Anh nian, nh fah yebue kun sié Sion (*f14*) lo, oh kplah swran'm bé dya, Yebue dan kun bo swran'm béh fin asé su. Sannge swran ng'o lafi i su'n, i nyin su gua'a asé.»

1 Korɛntfuɛ Mun 1:8

I ye man amunh dyranh tyinndyin lélé fa dyu i awiélieo, nan é Min Jésus-Christ i wun nglô yile tyen'n nun ba kputu'a amun.

1 Korɛntfuɛ Mun 3:13

liké nga swran kun yôli'n bé wa wuin. Afin dyole dile tyen'n nun sin man oh fitéh nglô, ye liké nga swran kun yôli'n béh fah sin gua su nian.

Filipfuɛ Mun 1:20

Liké nga n wla'n wô su, bo n kunndee kpa'n yele ke, nanh man liké fi kun min nyannzuen, sannge n tra min awlen nde nin tyen kwlaa lélé, se n nyan nguan ô, se n wu ô, liké kwlaa nga n yô'n o ba Christ nyrunnyan.

Filipfuɛ Mun 3:10

Min akunndan kpa'n yele ke, man n si Christ nin i kwlale b'o man o tyennin'n, nan nyrennen ng'o wunniin'n nh wunh wié lélé se n wu'n, man n yô ke i sa,

Filipfuɛ Mun 3:21

O wa fa é wunnen b'o ti'a liké fi'n o yô man oh katyih ke i wunnen b'o fa oo lika ng'o le nyrun lo'n nun'n sa. I kwlale b'o fa sié liké'n kwlaa'n ye oh fah katyi io.

Filipfuɛ Mun 3:8

Nanwle, ke m bu min Min Christ-Jésus i sile bo n sii'n liké kpa sakpa'n ti, o man m bu'a liké'n wié fi liké. I ti man yatyi liké'n kwlaa, ke o yô nan Christ a yô n liké kpa nan min nin i ya katyi swran wunmuan'n ti, m bu liké'n kwlaa ke wla sa. Swran kpa bo n ti'n, o fi'an m bobo min nzuen'n nun mmla'n i sufale'n ti, sannge o fin Christ su bo n lafi'n. Swran kpa yôle so'n fin Nyanmien, i su bo bé lafi'n ti.

1 Tɛsalonikfuɛ Mun 2:16

Bé waan béh yôh so nan nanh man é kan nde klé bé nga bé ti'a Juif'n man bé nyan bé ti. Ke bé yô so'n, o man bé sa te nga bé yô'n o gua su tititi. Sannge sien'n, Nyanmien i ya'n wa dyaô bé wun.

1 Tɛsalonikfuɛ Mun 5:4

Sannge amun lie'n, aniaan mun, an ti'a ke swran b'o ô aôsin nun'n sa, i so'n ti, nanh man tyen so'n fu amun nun ke awiéfue'n fu swran nun'n sa.

1 Timote 6:20

Timothée, fa sa nga bé kan kléé wo'n su kpa. Nanh sié o su nde ngbenngben b'o nin Nyanmien nde'n ti'a kun'n, nin akplôwa nga bé bo bé bu bé wun ke bé si sa'n bé si'n bé su.

2 Timote 1:14

Liké kpa nga bé fa wloo o sa nun'n, Nyanmien Wawe'n b'o tran é awlen'n nun'n i fanngan nun nian su kpa.

2 Timote 1:16

Man Nyanmien si Onésiphore nin i awlôfue'm bé aunnvue, afin kpale sunman o gua min awlen su nzué. N wôsu nianle bisua nun lo'n wa yômen nyannzuen.

2 Timote 1:18

Man é Min'n wun i aunnvue é Min'n i wun lo tyen so'n nun, afin a si n lika ng'o fa niaan min Éphèse lo'n kpa.

2 Timote 1:8

I so'n ti, nanh man nyannzuen kun o é Min'n i nde kanle nin min bo i dunman nun ye bé wlaa m bisua'n ti. Sannge Nyanmien fanngan nun, man nyrennen nga é wuin dyasin fe'n ti'n, o son o nun.

2 Timote 2:9

Dyasin fe so'n ti ye n wun nyrennen bo bé tyi n ke sa te yôfue sa nion. Sannge Nyanmien ndefue'n, bé kwla tanninmen.

2 Timote 4:8

Sien'n ba sié liké nga swran ng'o yô kpa'n bé fa yô i mô'n, lo a sié min. É Min'n b'o di dyole nanwle su'n ye oh fah man min tyen so'n nuon. Nanh min ngunmin ye oh fah man mion, sannge oh fah man bé kwlaa nga bé nyin te i sin'n.

Tite 3:8

Nde nga n keen ye'n ti nanwle wéiin. N klô ke a dyran nde so'n su kpa nan bé nga bé lafi Nyanmien su'n, bé fa yé yôle'n katyi bé dyunman. I so yôle'n ti kpa, o yô swran'm bé wun sa yé.

Hébreu 12:2

Man é kpe é nyin nian Jésus, é Nyanmien sulafile'n fiin, i ye man é lafi i su lélé gue i ti nin i bôo. Ke o bu i klun b'o wa dyo'n i akunndan'n, o kplin su man bé kuin waka'n su, wa bu'e i nyin asé guale'n liké fi, nan wa kô tran Nyanmien bia'n i fama su.

Hébreu 2:18

Afin ke o wunnin nyrennen lakale bo bé lekelii'n ti'n, i kusu kwla uka bé nga bé bé'n.

Hébreu 7:25

I so'n ti, o man bé bo i ti bé mantan Nyanmien béh kwlah nyan bé ti mlonmlon, afin o ô le titi o sre Nyanmien ke o nian bé su.

1 Piɛr 1:5

Nyanmien Kpli siéé i lo sié amun i su bo an lafi'n ti, oh nianh amun su lélé amunh nyanh amun ti, afin wa dun mmua sié i ke men'n i awiélie oh yih amun ti nyanle so'n i nglô.

1 Piɛr 4:16

Sannge se an wun nyrennen Christfue bo an ti'n ti'n, nanh man nyannzuen kun amun, sannge anh la Nyanmien asé dunman so'n b'o ô amun su'n ti.

1 Piɛr 4:19

I so'n ti, bé nga bé nyrennen wunle'n ti Nyanmien klun su'n, man bé fa bé wun man Nyanmien b'o yii bé, bo bé kwla fa bé wla gue i su'n. Man bé yô sa ng'o ti kpa'n tititi.

Jude 1:24

Nyanmien b'o kwla nian amun su b'o man an fonman'n, bo ke o man amunh koh i wun lo'n, sa kaan sa bo'an amun wun, amun klun dyo'n,