2 Timote 1:10 - Nyanmien nde Ufle

¹⁰ É ble lie'n su ke é Ti Défue Christ-Jésus bali'n, ye o yii yé so'n i nglôo. O tuu wié'n i dyé'n, ye i dyasin fe'n ti o man ya si nguan b'o man swran wuman'n.

NYANMIƐN NDƐ'N 1998

¹⁰ E blɛ liɛ'n su kɛ e Defuɛ Krist-Jésus bali'n, yɛ ɔ yili ye sɔ'n i nglo-ɔ. Ɔ sacili wie'n i kwlalɛ'n, yɛ i jasin fɛ'n ti ɔ man y'a si nguan b'ɔ man sran wu-man'n.

2 Timote 1:10 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 11:36

O man se a wun asé wéiin bo o nyin su dunmon kaan sa'n, a wun liké'n kwlaa wéiin, ke kannin'n kpadya b'o man a wun asé'n sa.

JÉSUS-CHRIST I DYASIN FE'N BO LUC KLELI'N 13:7

Ye o sé raisin fié sunianfue'n ke: Nian blofue aloma bô kun nga ke m be i nianle nan se mma ô suo, n ti, bo wa suman'n i afue nsan ye, i so'n ti, bu i bô. ?Nzu ye o dyin le yôo?

JÉSUS-CHRIST I DYASIN FE'N BO LUC KLELI'N 2:11

Yele ke ndeken David klo lo ba wu Défue kun ba man amun b'o ti Christ (*f1*), o ti é Min.

Jean 1:9

Liké so'n ye man swran'm bé wun asé sakpaa. Ke o baa men'n nun'n, o man swran'n kwlaa bé wun asé.

Jean 14:6

Jésus sé i ke: Min ye n ti atin nin nanwle nin nguan nion. Swran nga wa si'an min nun'n, o dyu'a é Si wun lo.

Jean 20:31

Sannge ke o yô nan amuan lafi su ke Jésus ti Christ Nyanmien Wa'n, i ti ye bé kleli ngaa, ye se an lafi su'n, i ti amunh nyanh nguan.

Jean 4:42

ye bé sé bla'n ke: Nanh nde nga a kannin'n ngunmin ti ye ya lafi i suo, afin ya ti i bobo nuan nun nde, o man é si ke o ti men'n i Ti Défue sakpa.

Jean 5:40

O nin i so'n ngba, an klô'a ke an bla n sin nan an nyan nguan!

Sa nga bé yôli'n 13:23

I ôsu'n nun ye Nyanmien man bé wuu Jésus b'o ti Israël'm bé Ti Défue nion, afin o dun mmua séé bé ke oh yôh.

Sa nga bé yôli'n 5:31

Nyanmien fe siéé i fama su ke o yô é Atin Kléfue nin é Ti Défue, o man Israël'm bé kwla katyi bé nzuen'n, nan Nyanmien yatyi sa nga bé yôlii'n tye bé.

Rɔmfuɛ Mun 16:26

sannge sien'n, fluwa nga i nuan idyofue'm bé kleli'n man ya wun i wle wéiin. Anannganman Nyanmien siéli i so nan bé kwlaa nga bé ti'a Juif'n bé lafi i su ye bé nyin yii.

Rɔmfuɛ Mun 2:7

Bé nga bé tra bé awlen bé yô kpa, bo bé kunnde ke bé nyan nyrun bé bu bé swran, bo bé kunnde nguan'n, oh manh bé anannganman nguan.

Rɔmfuɛ Mun 3:31

?Nyanmien su bo bé lafi so'n ti, o man é bu'a mmla'n i liké fi kun? É bu'e i so mlonmlon! Sien'n é bui liké dan tra laa'n.

Rɔmfuɛ Mun 6:6

É si kpa ke bé bôbôli é wafa nga é ti laa'n nin i waka'n su, o yô so nan é nzuen tete'n o wié, nan nanh man sa tete'n yô é nzuen kun.

1 Korɛntfuɛ Mun 15:26

bé kwlaa bé nun kasienfue'n yele wié'n. O ti nanwle ke Nyanmien man oh siéh liké'n kwlaa,

1 Korɛntfuɛ Mun 4:5

I so'n ti, nanh an dun mmua di swran fi dyole nan é Min'n wa ba, i ye sa kwlaa ng'o ô nvialie nun bo bé wunmen'n, o man béh wunh io, ye akunndan kwlaa ng'o ô swran klun'n, oh yih i nglô. Ke o kô yô so'n, liké nga swran kun yôli'n, Nyanmien yôh i mô.

2 Korɛntfuɛ Mun 5:4

Ke é te ô kpata nga bô'n, ôtôle'n kun é, nanh ke é wunnen ng'o ô ye'n é klô ke é kpa gue ke kôndrô saa, sannge ufle ye é kônvi ô su ke éh fah kla suo, nan anannganman nguan'n wa katyi kwlaa ng'o ti wié'n i nnen'n.

Galasifuɛ Mun 5:4

Amun bo amun waan amunh fah mmla'n su nan Nyanmien bu amun swran kpa'n, amun nin Christ amuan bu, ye yé nga Nyanmien yô swran'n, wa tô a fuan amun.

Efɛzfuɛ Mun 1:18

N sre i ékun ke o man an wun sa wle wéiin kpa nan an si liké nga é nyin ô i sin'n, flele b'o flee yé'n ti. Ye an si ke i swran'm bé anyanbéun'n oh yôh dan, afin liké nga i waan oh fah man bé'n o ti liké kpa sakpa.

Efɛzfuɛ Mun 1:9

o man é si i klun sa b'o fiee swran'm bé nyrun'n o nin sa klaan nga i waan Christ yô man yé'n.

2 Tɛsalonikfuɛ Mun 2:8

Ke o kô yô so'n, bian b'o di'a mmla'n su'n o wa yi i wun nglô, ye ke é Min Jésus bah bo i nyrun ti nyannyan'n, oh fiteh fuu, oh kuinh, oh nunkuinh.

2 Timote 1:1

M Paul bo Nyanmien waan Christ-Jésus sunman min'n, nh kleh fluwa nga ble o Timothée bo a ti min awlen su ba'n. Christ-Jésus sunmaan min ke n kan nguan nga Nyanmien waan oh fah man bé nga bé nin Christ ba katyi swran wunmuan'n i nde. Man é Si Nyanmien nin é Min Christ-Jésus bé man a nyan yé, man bé si wo aunnvue, ye man o wun dyo o fouun!

2 Timote 1:8

I so'n ti, nanh man nyannzuen kun o é Min'n i nde kanle nin min bo i dunman nun ye bé wlaa m bisua'n ti. Sannge Nyanmien fanngan nun, man nyrennen nga é wuin dyasin fe'n ti'n, o son o nun.

2 Timote 4:1

Nde nga m ma kan klé o ye'n, Nyanmien Kpli'n nin Christ-Jésus b'o wa di bé nga bé wuli'n nin bé nga bé nyin ô su'n bé nde'n, bé ti n lalôfue. I bale b'o wa ba'n nin i famien b'o wa di'n ti, nh sreh o kpa,

2 Timote 4:8

Sien'n ba sié liké nga swran ng'o yô kpa'n bé fa yô i mô'n, lo a sié min. É Min'n b'o di dyole nanwle su'n ye oh fah man min tyen so'n nuon. Nanh min ngunmin ye oh fah man mion, sannge oh fah man bé kwlaa nga bé nyin te i sin'n.

Tite 2:11

Afin Nyanmien a yi yé nga o yô swran b'o man swran'n kwlaa bé kwla nyan bé bé ti'n i nglô.

Tite 2:13

É yô so nan é minnde tyen kpa nga é wla ô su ke é Nyanmien Kpli'n nin é Défue Christ-Jésus bé wa yi bé wun nglô'n.

Tite 3:4

Sannge ke é Défue Nyanmien'n yili i kpa yôle'n nin swran'm bé klôle'n nglô'n,

Hébreu 10:32

Anh bu laa bo ke Nyanmien man an wuun asé'n, nyrennen dan kpa nga an wunniin'n bo an dyran kéklé'n i akunndan.

2 Piɛr 1:1

N Simon Pierre, bo n ti Jésus-Christ dyunman difue, b'o sunmaan min'n, nh kleh fluwa nga ble amun bo Nyanmien man amun lafi i su kpa ke é sa'n. I so'n fin é Défue Jésus-Christ b'o ti Nyanmien'n, afin o ti swran kpa.

2 Piɛr 1:11

I so'n nun ye é Min Jésus-Christ b'o ti é Défue'n, oh soh amun nun kpa, ye oh fah amun wle i swran ng'o sié bé titi'n bé nuon.

2 Piɛr 1:3

Ke é si swran ng'o flee é ke é nyan nyrun, ye é yô sa ng'o ti kpa ke i bobo sa'n ti'n, o man é liké kwlaa nga b'o man é kwla fa é wun mantan Nyanmien titi'n i fanngan nun.

2 Piɛr 2:20

Afin swran nga bé si é Min Jésus-Christ é Défue'n, b'o man bé yatyi sa nga bé yôo bé satyi'n, se bé sa bé sin kô fa sa so'n katyi bé dyunman ékun'n, bé satyile kasien lie'n, oh yôh te tra klikli lie'n.

2 Piɛr 3:18

Ye bo é Min'n b'o ti é Défue'n yô amun'n ti, man bé wun ke amuan yô swran, amun nin i tran, nan amuan sii kpa. Ke o fin nde'n, man bé yi i aye tititi. Mon o yô so!

2 Piɛr 3:2

Anh bu nde nga Nyanmien nuan idyofue'm bé kan kléé amun laa'n, o nin sa nga é Min b'o ti é Défue'n séé ke é yô'n, bo bé nga o sunmaan bé amun sin'n, bé kan kléé amun'n, i akunndan.

1 Jean 1:2

Ke i bo bé flee Nguan'n o yii i wun nglô'n, é wunniin, o man é ken i nde, ye é ken i bo bé fle i Anannganman Nguan so'n, b'o ô é Si'n i wun lo, b'o yi i wun nglô kléé yé'n, i nde klé amun.

1 Jean 4:14

É wun ke é Si sunmeen i Wa'n men'n nun ke o wa dé swran'm bé ti, ye man é kaan.

Sa nglô yile 18:1

Ke o yôô so'n, i sin n wuun ange kun ékun, o fin nyanmien su lo, o sié bé kpa, i wun kpadya nyannyannyan asie'n su.

Sa nglô yile 2:7

Swran ng'o si fa sié'n, mon o tié nde nga Nyanmien Wawe'n kan klé asonun mun'n. Swran ng'o kwla'n, m man oh dih waka b'o man nguan b'o ô Nyanmien fié'n su lo'n i mma.

Sa nglô yile 20:14

Nan ba fa wié'n nin blolo'n ba yi bé sin dan'n nun. Sin dan so'n ye o ti wié'n i nnyon su nion.

Sa nglô yile 22:14

Bé nga bé kpu bé trale'n, b'o man bé kwla di waka ng'o man nguan'n i mma'n, bo bé kwla sin klo'n i anuan'n nun'n, bé lie su ti yé!

Sa nglô yile 22:17

Nyanmien Wawe'n nin Atonvle'n bé sé ke: Bla! Swran ng'o ti'n, mon o sé ke: Bla! Swran nga nzué wé kuin'n, mon o bla, man swran ng'o klô ke oh fah nzué ng'o man nguan'n, o fa, déin su fité'a nun!