2 Piɛr 3:7 - Nyanmien nde Ufle

⁷ Nyanmien kunngba'n ye o séé ékun ke, man bé sié nyanmien su lo'n nin asie nga bé ô le nde'n bé le, nan sin di bé. Béh siéh bé le lélé fa dyu tyen nga béh buh swran nga bé srô'a Nyanmien'n bé fo, bo béh satyih bé'n.

NYANMIƐN NDƐ'N 1998

⁷ Nyanmiɛn kunngba'n yɛ ɔ seli ekun kɛ man be sie nyanmiɛn su lɔ'n nin asiɛ nga be o lɛ ndɛ'n, be lɛ man sin di be. Be ´sie be lɛ lele ´fa ju cɛn nga be ´bu sran nga be sro-man Nyanmiɛn'n be fɔ bɔ be ´saci be'n.

2 Piɛr 3:7 ပူးပေါင်းရင်းမြစ်များ

Matthieu 10:15

Nanwle, dyole dile tyen'n nun Sodome nin Gomorrhefue'm bé nyrennen lie'n oh yôh soso tra klo so'm bé lie'n.

Matthieu 11:22

I so'n ti, nh kanh klé amun ke, dyole dile tyen'n nun Tyr nin Sidon bé nyrennen lie'n oh yôh soso tra amun lie'n.

Matthieu 11:24

I so'n ti, nh kanh klé amun ke dyole dile tyen'n nun Sodome i nyrennen lie'n oh yôh soso tra o lie'n.

Matthieu 12:36

Nh kanh klé amun ke, dyole dile tyen'n nun nde ngben kwlaa bo swran'm bé kannin'n, béh kanh bé su nde.

Matthieu 24:35

Nyanmien'n nin asie'n béh sinh, sannge min nde'n i ble'n su si'an lé.

Matthieu 25:41

I sin nh séh bé nga bé gua m be su'n ke: Amun bo n Si bôô amun sannzan'n, anh dyaô min wun le o anannganman sin bo bé tro maan mmusu'm bé si Satan nin i ange mun'n nun.

Marc 6:11

Se an dyu lika wié nan ba siké'a amun, bo bé tié'a amun nde'n, ke amunh tuh an bô klo so'n su'n, anh kpukpu amun dya wun ndutré'n gue klo so'n su, mon o yô amun lalôfue.

Jean 12:48

Swran ng'o so'a min nun b'o fa'a min nde'n su'n, swran ng'o nin i béh dih'n wo le. Nde nga n kannin'n su ye bé wa dyran bu i fo men'n i awiélieo.

Rɔmfuɛ Mun 2:5

Amun nyin kéklé'n nin sa nga an yôli bo an yatyi'e i yôle'n, Nyanmien bu sié, o man oh fah amun wun ya kpa tyen nga i ya'n dyaô, bo éh wunh ke o di dyole nanwle su'n,

1 Korɛntfuɛ Mun 3:13

liké nga swran kun yôli'n bé wa wuin. Afin dyole dile tyen'n nun sin man oh fitéh nglô, ye liké nga swran kun yôli'n béh fah sin gua su nian.

Filipfuɛ Mun 1:28

Nanh an lô amun wun man amun kpofue mun man bé wla amun sre sa fi nun. Se amuan lô'a amun wun a ma'an bé'n, o klé bé ke béh mlinh, ye amun kusu, amunh nyanh amun ti, Nyanmien ye o sié i soo.

2 Tɛsalonikfuɛ Mun 2:3

Nanh man swran fi laka amun sa fi su. Afin san swran'm béh dyaôh Nyanmien wun, ye bian b'o di'a mmla'n su bo bé sié ke o mlin'n, oh yih i wun nglô, nan tyen so'n wa dyu.

1 Timote 6:9

Sannge bé nga bé klô ke béh nyanh bé wun'n, lakafue'n laka bé. Ninngé ngbenngben bo bé kônvi so bé'n nin bé nyin b'o blô ninngé tete kpanngban b'o satyi swran b'o man bé agualie'n gua'a bé kpa'n, bé su'n, o katyi ke aya sa, bé to nun o tra bé.

Hébreu 12:29

afin é Nyanmien'n ti ke sin sa, o yra.

2 Piɛr 2:9

O man é si ke é Min'n kwla dé bé nga bé srôé bo sa to bé su'n. Ye o si bé nga bé yô sa te'n bé siéwle nan dyole dile tyen'n nun, wa bu bé fo.

2 Piɛr 3:10

É Min'n i bale'n oh fuh é nun ke awiéfue sa. Tyen so'n nun nyanmien su lo'n kplah wuuu, kpekuun bé wu'en kun. Ye nyanmien su lo ninngé'm béh yrah, ye asie'n nin i su ninngé'n kwlaa béh nunnunh.

2 Piɛr 3:12

Ke amunh minndeh ke Nyanmien i tyen'n dyu'n, anh yô liké kwlaa nga an kwla yô'n, mon o dyu ndende. Tyen so'n nun nyanmien su lo'n oh yrah, ye nyanmien su lo ninngé'm béh klôh.

1 Jean 4:17

Ke é klôle nga é fa klô Nyanmien'n i nyin fitéé wéiin'n, o man é si ke dyole dile tyen'n nun é wla'n guah asé. Afin ke o fa ti'n, ke é kusu é ti so men'n nuon.

Jude 1:7

I kunngba'n, Sodome, nin Gomorrhe, nin kloklo nga bé mantanmantan bé le'n, bé ti ke ange so'm bé sa. Bé fa bé wun wlaa téklé bôle'n nun, ye yasua'm bé kunnde bé wiéngu yasua. I nuan liké nga bé nyenniin'n yele nyrennen nga bé wuin sin b'o nuanman mlonmlon'n nun'n. Nyanmien yô i so nan swran'n kwlaa bé fa tu bé wun fo.

Sa nglô yile 17:11

Nnen b'o ô le laa, b'o nu'an le kun'n, i kusu ti famien'm bé motyue su. I kunngba'n ti famien nsô'n bé nun kun, ye oh koh lika nga i agualie'n gueh i te'n nun.

Sa nglô yile 17:8

Nnen'n bo a wunniin'n, o ô le laa, sannge o nu'an le kun. O wa fin kunman dan bo bé si'e i bô'n nun fité, oh koh lika nga i agualie'n gueh i te'n nun. Asie'n sufue'm bo ke béh bôh men'n i bô'n, ba kle'a bé dunman nguan fluwa'n nun'n, ke bé wun nnen so'n, oh bôh bé nuan. Afin o ô le laa, sien'n o nu'an le kun, ye o wa ba ékun.

Sa nglô yile 20:11

N wuun bia ufué dan kun swran ng'o ti su'n asie'n nin nyanmien su lo'n, bé wanndii i nyrun, ba wu'an bé kun.

Sa nglô yile 21:1

Ye n wuun nyanmien su lo ufle nin asie ufle kun, afin nyanmien su lo laa lie'n, nin asie laa lie'n, nin dyénvié'n bé nu'an le kun.