2 Piɛr 3:2 - Nyanmien nde Ufle

² Anh bu nde nga Nyanmien nuan idyofue'm bé kan kléé amun laa'n, o nin sa nga é Min b'o ti é Défue'n séé ke é yô'n, bo bé nga o sunmaan bé amun sin'n, bé kan kléé amun'n, i akunndan.

NYANMIƐN NDƐ'N 1998

² An `bu ndɛ nga Nyanmiɛn nuan ijɔfuɛ'm be kan kleli amun laa'n, ɔ nin sa nga e Min b'ɔ ti e Defuɛ'n seli kɛ e `yo'n, bɔ be nga ɔ sunmannin be amún sin'n be kan kleli amun'n, i akunndan.

2 Piɛr 3:2 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 1:70

Ke o fin lalafue nun'n, o men i nuan idyofue'm bé séé ke:

JÉSUS-CHRIST I DYASIN FE'N BO LUC KLELI'N 24:27

Ye o yiyi i bobo wun nde bo bé klelii Nyanmien Nde'n kwlaa nun'n i nun kléé béo. O bôô i bô Moïse nin Nyanmien nuan idyofue'n kwlaa bé nde'n nun.

JÉSUS-CHRIST I DYASIN FE'N BO LUC KLELI'N 24:44

I sin o sé bé ke: Nde nga ye ke min nin amun te ô le'n n kan kléé amun nion, ke min wun nde kwlaa nga bé klee Moïse mmla'n nun'n, o nin Nyanmien nuan idyofue'm bé nde'n nun'n, nin psaume'm bé nun'n san oh kpenh su.

Sa nga bé yôli'n 10:43

Nyanmien nuan idyofue'n kwlaa bé keen i nde ke swran kwlaa ng'o lafi i su'n, i dunman nun Nyanmien yatyih i wun sa'n tyee.

Sa nga bé yôli'n 28:23

Bé kléé Paul tyen kun, ye bé sunman bé wa tôé i sikéwle le. Ke oh yiyih nde so'n nun'n, o kan Nyanmien siéle nde'n klé bé, ye o fa Moïse mmla'n nin Nyanmien nuan idyofue'm bé nde'n klé bé wéiin kpa ke Jésus nde'n ti nanwle. O yôô i so nglemun lélé fa dyu nnosua.

Sa nga bé yôli'n 3:18

Sannge Nyanmien yôô i so nan nde ng'o man i nuan idyofue'n kwlaa bé dun mmua keen laa ke i Christ'n (*f1*) o wa wun nyrennen'n o kpen su.

Sa nga bé yôli'n 3:21

Ke é ô ye'n lie'n, béh treh i nun lélé san oh dyuh ble nga Nyanmien yôh ninngé'n kwlaa bé ufle ékun'n. O men i nuan idyofue'm bé dun mmua keen i so laa.

Galasifuɛ Mun 6:2

Se an wun amun niaan kun bo i tro'n su tii'n, anh wuke. Se an yôé so'n, wuun amuan wié Christ mmla'n su fa.

Efɛzfuɛ Mun 2:20

An ti ke sua bo bé fa teke i bô nga bé bo Jésus sunmaan bé'n, bé nin Nyanmien nuan idyofue'm bé wleli i asé'n i su'n sa, ye Jésus-Christ bobo ye o ti yebue kpa b'o tra sua'n i tyondyo'n i asé nion.

Efɛzfuɛ Mun 3:5

Lalafue nun sa so'n Nyanmien yi'e nglô klé'a swran mun ke nde o man i Wawe'n yi i nglô klé i swran'm bo Jésus sunmaan bé'n nin i nuan idyofue mun'n sa.

1 Timote 6:14

Liké nga o séé o ke a yô'n, nian su yôé sese, nan tyen nga é Min Christ-Jésus yih i wun nglô'n, ba kputu'a o.

2 Piɛr 2:21

Se ba wu'an atin ng'o ti kpa'n, o ti kpa tre ke bé wunniin, bo bé yatyi Nyanmien mmla'n b'o fa maan bé'n.

2 Piɛr 3:15

Anh nian é Min'n i awlen b'o tre amun wun'n, amun ti nyanle tio. Ke é niaan Paul b'o ti é swran kpa'n, bo Nyanmien meen i ngwlele'n, kle i so blee amuon.

2 Piɛr 3:16

I fluwa kwlaa ng'o kle b'o kan liké so'n i nde'n, ke o kle i soo. I nun nde wié'm bé wle wunle ti kéklé, o man bé nga bé wu'an sa wle, bo bé le'a awlen'n, bé katyi nde so'n ke bé katyi Nyanmien Nde nga bé kleli'n wié sa. Ke bé yô so'n, o man béh mlinh.

1 Jean 4:6

É lie'n é ti Nyanmien lie, o man swran ng'o si Nyanmien'n, o sié i su é nde'n su, sannge swran ng'o ti'e i lie'n, o sié'e i su é nde'n su. I so'n nun ye éh sih Nyanmien Wawe'n i nde'n b'o ti nanwle'n, nin nde ng'o ti'a nanwle nion.

Jude 1:17

Sannge n swran kpa mun, amun lie'n, anh bu nde nga bé nga é Min Jésus-Christ sunmaan bé'n bé kan kléé amun'n i akunndan.

Sa nglô yile 19:10

Ye n wutuu min nyin asé i bô le ke mh menmenh, sannge o sé n ke: Nanh yô so! N ti wo nin o niaan kwlaa nga bé fa nde nanwle nga Jésus yii nglô'n su'n, amun wiéngu dyunman difue. Kôtô Nyanmien bô menmen! Nde nanwle nga Jésus yii nglô'n ye man Nyanmien nuan idyofue'm bé ken i nde nion.