2 Piɛr 3:10 - Nyanmien nde Ufle

¹⁰ É Min'n i bale'n oh fuh é nun ke awiéfue sa. Tyen so'n nun nyanmien su lo'n kplah wuuu, kpekuun bé wu'en kun. Ye nyanmien su lo ninngé'm béh yrah, ye asie'n nin i su ninngé'n kwlaa béh nunnunh.

NYANMIƐN NDƐ'N 1998

¹⁰ E Min'n i balɛ'n ɔ ´fu e nun kɛ awiefuɛ sa. Cɛn sɔ'n nun nyanmiɛn su lɔ'n ´kpla wuu, kpɛkuun be su wun-mɛn i kun. Yɛ nyanmiɛn su lɔ ninnge'm be ´yra, yɛ asiɛ'n nin i su ninnge'n kwlaa be ´nunnun .

2 Piɛr 3:10 ပူးပေါင်းရင်းမြစ်များ

Matthieu 24:35

Nyanmien'n nin asie'n béh sinh, sannge min nde'n i ble'n su si'an lé.

Marc 13:31

Nyanmien'n nin asie'n béh sinh, sannge min nde'n i ble'n su si'an lé.

JÉSUS-CHRIST I DYASIN FE'N BO LUC KLELI'N 12:39

Man amun wun i wle kpa ke, se awlô bô kpen kun si do nga awiéfue'n ba su'n, o su yatyi'e le ke o fiti i sua'n.

Rɔmfuɛ Mun 8:20

Afin liké kwlaa ng'o yii bé'n, o sié bé ke bé satyi. Bé satyile so'n fi'an bé bobo, o fin i b'o siéli bé so'n. Sannge bé wla te ô i su,

1 Korɛntfuɛ Mun 1:8

I ye man amunh dyranh tyinndyin lélé fa dyu i awiélieo, nan é Min Jésus-Christ i wun nglô yile tyen'n nun ba kputu'a amun.

1 Korɛntfuɛ Mun 5:5

anh fa swran so'n wle Satan (*f6*) sa nun, mon o satyi i wunnen'n nan wa fité nun é Min'n i tyen'n nun!

1 Tɛsalonikfuɛ Mun 5:2

Afin amun bobo an si kpa ke é Min'n i bale tyen'n oh fuh é nun ke awiéfue b'o ba kongue'n sa.

1 Tɛsalonikfuɛ Mun 5:4

Sannge amun lie'n, aniaan mun, an ti'a ke swran b'o ô aôsin nun'n sa, i so'n ti, nanh man tyen so'n fu amun nun ke awiéfue'n fu swran nun'n sa.

2 Piɛr 3:11

?Se ninngé so'n kwlaa béh satyih so'n, liké ônin ye se an yôo o ti suo? Man amun nzuen'n yô kpa, anh fa amun wun mantan Nyanmien!

2 Piɛr 3:12

Ke amunh minndeh ke Nyanmien i tyen'n dyu'n, anh yô liké kwlaa nga an kwla yô'n, mon o dyu ndende. Tyen so'n nun nyanmien su lo'n oh yrah, ye nyanmien su lo ninngé'm béh klôh.

2 Piɛr 3:7

Nyanmien kunngba'n ye o séé ékun ke, man bé sié nyanmien su lo'n nin asie nga bé ô le nde'n bé le, nan sin di bé. Béh siéh bé le lélé fa dyu tyen nga béh buh swran nga bé srô'a Nyanmien'n bé fo, bo béh satyih bé'n.

Jude 1:6

Ye nh kanh klé amun ékun ke, ange nga ba tra'an dyunman nga Nyanmien sié bé su'n i su, bo bé yatyi bé lika'n, Nyanmien tyi bé guaa aôsin tuun kpa'n nun, o su nyanndyi'a bé mlonmlon, nan se i dyole dile tyen dan'n dyuo wa di bé nde'n.

Sa nglô yile 16:15

—Nian, mh bah ke awiéfue sa! Swran ng'o tran minnde, b'o nien i trale'm bé su, b'o man o su fe'e i wun kplen sinman'n, b'o man o su wu'an nyannzuen'n, i lie su ti yé! —

Sa nglô yile 20:11

N wuun bia ufué dan kun swran ng'o ti su'n asie'n nin nyanmien su lo'n, bé wanndii i nyrun, ba wu'an bé kun.

Sa nglô yile 21:1

Ye n wuun nyanmien su lo ufle nin asie ufle kun, afin nyanmien su lo laa lie'n, nin asie laa lie'n, nin dyénvié'n bé nu'an le kun.

Sa nglô yile 3:3

I so'n ti, anh bu nde nga bé kan kléé amun, bo an fa su'n i akunndan, anh fa su, anh katyi amun nzuen'n. Se amuan tinngéman'n, m ma fu amun nun ke awiéfue sa, an su si'a do nga mh bah'n.

Sa nglô yile 6:14

Nyanmien'n nyannyon ke fluwa bo bé nyonnyoen'n sa, ye ôka nin asie nga nzué sin yia be'n, bé dyaô bé ôsu'n nun.