2 Piɛr 2:9 - Nyanmien nde Ufle

⁹ O man é si ke é Min'n kwla dé bé nga bé srôé bo sa to bé su'n. Ye o si bé nga bé yô sa te'n bé siéwle nan dyole dile tyen'n nun, wa bu bé fo.

NYANMIƐN NDƐ'N 1998

⁹ Ɔ man e si kɛ e Min'n kwla de be nga be sro i bɔ sa tɔ bé su'n. Yɛ ɔ si be nga be yo sa tɛ'n be siewlɛ nan jɔlɛ dilɛ cɛn'n nun ɔ'a bu be fɔ.

2 Piɛr 2:9 ပူးပေါင်းရင်းမြစ်များ

Matthieu 10:15

Nanwle, dyole dile tyen'n nun Sodome nin Gomorrhefue'm bé nyrennen lie'n oh yôh soso tra klo so'm bé lie'n.

Matthieu 6:13

Nanh yatyi é le man Lakafue'n laka é, sannge kpla é wun. [Afin a ti kpli, a sié liké'n kwlaa, ye manmanle'n ti o lie tititi. Mon o yô so.]

Rɔmfuɛ Mun 2:5

Amun nyin kéklé'n nin sa nga an yôli bo an yatyi'e i yôle'n, Nyanmien bu sié, o man oh fah amun wun ya kpa tyen nga i ya'n dyaô, bo éh wunh ke o di dyole nanwle su'n,

1 Korɛntfuɛ Mun 10:13

Sa kwlaa ng'o to amun su'n, nanh amun ngunmin ye o to amun suo. É kwla fa é wla'n kwlaa gue Nyanmien su, afin o kpli'an su ke sa ng'o so'an amun nun'n o to amun su. I so'n ti, se sa to amun su'n, o man o son amun nun, yele ke o yô sa nga b'o man an kwla fité nun'n.

2 Timote 3:12

Swran kwlaa nga i waan o nin Christ-Jésus béh katyih swran wunmuan oh yôh Nyanmien klun sa'n, san béh kléh i yale.

Tite 2:14

É ti o fe i wun mannin, nan oh yih é sa tete'n kwlaa nun, nan é katyi i sa ti swran bo é wun sa tete'n kwlaa wa wié, bo é tu é klun yô swran yé.

2 Piɛr 2:4

Afin Nyanmien a yatyi'a ange'm bo bé yôô i sa'n bé le, o kan bé bô guee nyrennen lika'n nun, bé tyi bé sié bé aôsin'n nun lo ke bé tran le lélé mon o fa dyu dyole dile tyen.

2 Piɛr 3:7

Nyanmien kunngba'n ye o séé ékun ke, man bé sié nyanmien su lo'n nin asie nga bé ô le nde'n bé le, nan sin di bé. Béh siéh bé le lélé fa dyu tyen nga béh buh swran nga bé srô'a Nyanmien'n bé fo, bo béh satyih bé'n.

Jude 1:6

Ye nh kanh klé amun ékun ke, ange nga ba tra'an dyunman nga Nyanmien sié bé su'n i su, bo bé yatyi bé lika'n, Nyanmien tyi bé guaa aôsin tuun kpa'n nun, o su nyanndyi'a bé mlonmlon, nan se i dyole dile tyen dan'n dyuo wa di bé nde'n.

Sa nglô yile 3:10

An fa nde bo n kan kléé amun ke an tra amun awlen'n su. O man ke sa kéklé toh men wunmuan'n su swran'n kwlaa bé sa nianle'n ti'n, n kusu nh sasah amun.