2 Piɛr 2:4 - Nyanmien nde Ufle

⁴ Afin Nyanmien a yatyi'a ange'm bo bé yôô i sa'n bé le, o kan bé bô guee nyrennen lika'n nun, bé tyi bé sié bé aôsin'n nun lo ke bé tran le lélé mon o fa dyu dyole dile tyen.

NYANMIƐN NDƐ'N 1998

⁴ Afin Nyanmiɛn a yaci-man anz'm bɔ be yoli i sa'n be lɛ, ɔ kan be bo guɛli i nyrɛnnɛn lika'n nun, yɛ be cili be sieli be aosin'n nun lɔ kɛ be `tran lɛ lele man ɔ fa ju jɔlɛ dilɛ cɛn'n.

2 Piɛr 2:4 ပူးပေါင်းရင်းမြစ်များ

Matthieu 25:41

I sin nh séh bé nga bé gua m be su'n ke: Amun bo n Si bôô amun sannzan'n, anh dyaô min wun le o anannganman sin bo bé tro maan mmusu'm bé si Satan nin i ange mun'n nun.

Matthieu 8:29

Bé kpan use i ke: ?Nyanmien Wa Yasua, nzu nde ye o ô é nin wo yé afieon? ?A baa ke a wa dun mmua klé é nyrennen, nan é nyrennen kléle ble'n wa dyu?

Marc 5:7

o kpan kéklé kpa ke: ?Jésus, Nyanmien Kpli bo liké fi nu'en i sin'n i Wa, nzu nde ye o ô min nin wo yé afieon? Nh sreh o, nian Nyanmien'n ti, nanh klé n yale.

JÉSUS-CHRIST I DYASIN FE'N BO LUC KLELI'N 10:18

O sé bé ke: N wuun Satan (*f6*) o fin nyanmien su lo ke nyanmien b'o kpa sin'n sa, o toli.

JÉSUS-CHRIST I DYASIN FE'N BO LUC KLELI'N 8:31

Ye bé sre Jésus kpa ke nanh man o kan bé gua kunman bo bé si'e i bô'n nun.

Jean 8:44

Amun si'n yele mmusu'm bé si Satan'n, ye an klô ke amunh yôh amun si so'n i klun sa. Ke o fin i bôbôle nun'n, o ti swran kunfue, o di'a nanwle mlonmlon, afin o si'a nanwle'n. O bua atô, afin atô'n ti i nzuen, atô'n ti i dyunman, i ye o ti atô buafue'm bé si nion.

Rɔmfuɛ Mun 11:21

afin se Nyanmien a yatyi'a Juif'm bo bé ti ke olive i sama kpa sa'n bé le'n, o su yatyi'a Juif'm bo bé ti ke olive i sama kpa sa'n bé le'n, o su yatyi'a o le kusu.

Rɔmfuɛ Mun 8:32

Nyanmien bo wa sié'e i sa i Wa'n su, b'o fe mannin é kwlaa é ti'n, oh fah liké'n kwlaa uka su man é i klun-ufué su.

2 Piɛr 2:11

Ange mun bobo bo bé ti tinwa tra swran so mun'n, bo bé kwla yô sa kéklééklé tra bé'n, bé ka'an nyanmien su lo swran so'm bé wun nde klé'a é Min'n!

2 Piɛr 2:5

Laa men lie'n, Nyanmien a yatyi'e le, o man nzué'n toli o yii dan kpa, nan wa kun swran tete nga bé ô men'n nun'n bé kwlaa. Sannge o déé Noé b'o bô sa nga bé yôo o ti su'n i ndôlô'n, o nin swran nsô ékun.

2 Piɛr 2:9

O man é si ke é Min'n kwla dé bé nga bé srôé bo sa to bé su'n. Ye o si bé nga bé yô sa te'n bé siéwle nan dyole dile tyen'n nun, wa bu bé fo.

1 Jean 3:8

Swran ng'o yô sa te'n, o ti mmusu'm bé si Satan'n i lie, afin ke o fin i bôbôle nun'n, mmusu'm bé si Satan'n ti sa te yôfue. Nyanmien Wa'n baa sa nga mmusu'm bé si Satan'n yô'n i nuan nnya bule.

Jude 1:13

Bé ti ke dyénvié'n b'o bô gbuugbuu'n sa, bé nyannzuen sa nga bé yô'n ti ke i nyin su nglô'n sa. Bé ti ke nzraama b'o tu ko'n sa, lika nga Nyanmien fa siéé bé ke bé tran nun tititi'n, yele aôsin tritritri kpa'n.

Jude 1:6

Ye nh kanh klé amun ékun ke, ange nga ba tra'an dyunman nga Nyanmien sié bé su'n i su, bo bé yatyi bé lika'n, Nyanmien tyi bé guaa aôsin tuun kpa'n nun, o su nyanndyi'a bé mlonmlon, nan se i dyole dile tyen dan'n dyuo wa di bé nde'n.

Sa nglô yile 20:10

Bé tôô mmusu'm bé si Satan b'o lakalaka bé'n yii sin dan nin soufre (*f26*), bo nnen dan'n nin swran ng'o ton i wun suen ke o ti Nyanmien nuan idyofue'n bé ô lo'n, nun. Béh wunh bé nyrun wia nun nin kongue tititi.