2 Piɛr 2:3 - Nyanmien nde Ufle

³ Bé nyin b'o blô ninngé'm bé su'n ti, béh kpeh bé ti nun kan nde mun, béh fah amun kunnde bé sika. Bé buu bé fo wa tye, san béh mlinh.

NYANMIƐN NDƐ'N 1998

³ Bé nyin b'ɔ blo ninnge'm bé su'n ti, be ´kpɛ bé ti nun kan ndɛ mun, yɛ be ´fa amun kunndɛ be sika su. Be buli be fɔ ɔ'a cɛ, san be ´mlin.

2 Piɛr 2:3 ပူးပေါင်းရင်းမြစ်များ

Matthieu 23:14

[Amun mmla kléfue nin Pharisifue dunman klôfue mun, an yakô! Yele ke an dé angbôti mmla'm bé awlô'n, ye an kan nde tennden klé Nyanmien lélélé ke swran'm bé bu amun swran kpa. I so'n ti, amun fo tule lie'n o wa yô te kpa.]

JÉSUS-CHRIST I DYASIN FE'N BO LUC KLELI'N 18:8

Tyetye, oh dyranh bé sin di bé dyole so'n ndende kpa. ?Sannge ke m bo n katyii Swran'n m ba'n, nh wunh swran bo bé lafi n su asie'n su wa?

JÉSUS-CHRIST I DYASIN FE'N BO LUC KLELI'N 20:20

O man bé sese, bé sunmaan swran ke bé kô kple nian, bé yô bé wun ke swran nanwlefue sa, nan bé fe man kpenngben'n.

JÉSUS-CHRIST I DYASIN FE'N BO LUC KLELI'N 22:47

Ke i nuan te ô nde'n su'n, béh niaanh… swran mun ye bé ba ye'n. Bian nga bé flee Judas b'o ti i sonnzonfue blu-nin-nnyon'n bé nun kun'n, o dun mmua bé nyrun. O wunngéé Jésus wun le tô i sa yi i komin.

Jean 2:16

Ye o sé ôkunmômô ate yôfue'm bé ke: Anh yi ninngé nga'm bé wa! Nanh an fan Si i sua'n katyi aata diwle.

Rɔmfuɛ Mun 16:18

Afin swran wafa so mun, nanh Christ b'o ti é Min'n i dyunman ye bé dio. Bé bobo bé klun sa lie'n ye bé yôo. Bé kan nde fe, bé fa bé nuan laka bé nga bé nian wu'an sa wle'n.

2 Korɛntfuɛ Mun 2:17

É ti'a ke swran wié'm bo bé yô Nyanmien nde'n ke bé nga bé yô ninngé sukusuku'n bé ate'n bé lie'n sa. Sannge ke Nyanmien sunmaan é, bo i nyin ta é, bo é nin Christ é ti swran wunmuan'n, o man é ken i nde'n nanwle su.

1 Tɛsalonikfuɛ Mun 2:5

Amun bobo an si ke é nian ka'an nde gble nun annze nde b'o klé ke é nyin blô amun ninngé'm bé su'n, nian klé'a amun lé. Nyanmien ye o ti é lalôfueo.

1 Tɛsalonikfuɛ Mun 5:3

Ke swran'm bé sé ke: Ya nyan é ti, ya di aladyé'n, kpekuun nyrennen dan kpa toh bé su ke wunnzefue i ba wule aklunya'n to i su'n sa, o su tô fua'an bé lé.

1 Timote 3:3

Nanh mon o yô nzanbôefue nin utré klôfue, sannge mon o yô weteefue b'o kunnde'a ndengan, nanh mon o yô swran bo i nyin yi'a liké.

1 Timote 3:8

Asonunfue'm bé lika nianfue'm bé kusu, man bé yô swran nanwlefue bo bé nuan nun ti'a nnyonnyon, nanh man bé yô nzan nonfue dan, nanh man bé kunnde sika i wafa ng'o ti'e i su'n,

1 Timote 6:5

O man swran nga bé wu'an sa wle, bo bé si'a nanwle'n kun'n, bé si akplôwa o le'a bô buwle. Bé bu ke Nyanmien sule'n man bé nyan bé wun.

Tite 1:11

Sé i sofue mun ke bé yatyi bé nde so'm bé kanle. Bé klé liké ng'o ti'e i su'n, bé fa kunnde sika ng'o ti'e i kunndewle'n, o man bé bô awlô'n wié sékésékéséké.

Tite 1:7

Man asonun sunianfue'n yô swran bo bé kwla satyi'e i wun kaan sa, afin o nian Nyanmien ninngé'm bé su. Nanh mon o yô swran b'o yô i bobo i klun sa, nin ya fafue, nin nzanbôefue, nin utré klôfue, nin swran b'o kunnde sika i wafa ng'o ti'e i su'n.

1 Piɛr 2:8

O ti yebue b'o kpla swran'm bé dya, Yebue dan kun bo swran'm bé fin asé su.» Bé dya'n kplelii, yele ke ba fa'a Nyanmien nde'n su, afin ke Nyanmien'n siéli bé lie'n soo.

1 Piɛr 5:2

anh nian Nyanmien i bua fa b'o fa bé maan amun'n bé lika. Nanh an yôé mianle su, anh yôé ke Nyanmien klô ke an yô'n sa. Nanh an yôé ke amun wa nyan liké ti, sannge anh tu amun klun yô.

2 Piɛr 1:16

Nanwle, ke éh kanh é Min Jésus-Christ i bale, nin i kwlale b'o kwla'n i nde klé amun'n, o ti'a ke ngôwa bo bé fa bé ti nun ngwlele fa di'n sa, ye é di kléé amuon. Sannge é bobo é wunnin i nyrun ng'o le'n nin é nyinma.

2 Piɛr 2:1

Ke bé nga bé ton bé wun suen ke bé ti Nyanmien nuan idyofue'n bé traan swran'm bé nun'n, bé nga bé ton bé wun suen ke bé ti liké kléfue'n ke bé wa tran amun nun soo. Béh kléh amun liké nga bé ti atô, b'o satyi swran'n gble nun. Ke bé bu'a bé Min'n b'o kpo bé ti'n liké kun'n, o man béh kah le mlin.

2 Piɛr 2:9

O man é si ke é Min'n kwla dé bé nga bé srôé bo sa to bé su'n. Ye o si bé nga bé yô sa te'n bé siéwle nan dyole dile tyen'n nun, wa bu bé fo.

Jude 1:11

I sofue'm bé yakô! Afin bé fa atin kunngba nga Caïn faa su'n su wié. Ke o yô nan ba nyan sika'n, bé fa bé wun wlaa sa tete yôle'n nun ke Balaam lie'n sa. Ke bé yôô nyin kéklé ke Coré lie'n sa'n, ye bé mlinnion.

Jude 1:15

ke bé fa swran'n kwlaa bla bé dyasu, nan bé fa bé nga bé srô'a Nyanmien'n bé sa nga bé yôli'n i nuan liké man bé. Afin sa te yôfue so'm bo bé srô'a Nyanmien'n, bé yô Nyanmien sa, bé ken i wun nde tete.

Jude 1:16

Bé idyo bé kônviabô, bé fa sa'n kwlaa gua swran wié'm bé su, bé yô sa nga bé klun klô'n, bé di bé nuan, bé fa bé nuan nun fe kunnde liké swran'm bé sa nun.

Jude 1:4

Afin swran wié mun bo bé srô'a Nyanmien'n ba'a wlu é nun blelele. Bé fa yé nga Nyanmien yôô bé'n kata bé nyin yô sa tete'n kwlaa, bé bu'a Jésus-Christ bo i kunngba ye o ti é Min'n nin é Liké Kléfue'n i liké fi. Swran so'm bé fo bule nde'n bé kle siéé le lalaa.

Jude 1:7

I kunngba'n, Sodome, nin Gomorrhe, nin kloklo nga bé mantanmantan bé le'n, bé ti ke ange so'm bé sa. Bé fa bé wun wlaa téklé bôle'n nun, ye yasua'm bé kunnde bé wiéngu yasua. I nuan liké nga bé nyenniin'n yele nyrennen nga bé wuin sin b'o nuanman mlonmlon'n nun'n. Nyanmien yô i so nan swran'n kwlaa bé fa tu bé wun fo.