2 Piɛr 2:2 - Nyanmien nde Ufle

² Swran kpanngban béh suh bé su bé sa tete yôle so'm bé nun. Bé ti, béh kanh atin kpafue'n i wun nde.

NYANMIƐN NDƐ'N 1998

² Sran kpanngban be ´su bé su bé sa tɛtɛ yolɛ sɔ'm be nun. Be ti, be ´kan atin kpafuɛ'n i wun ndɛ tɛ.

2 Piɛr 2:2 ပူးပေါင်းရင်းမြစ်များ

Matthieu 22:16

Bé sunmaan bé sonnzonfue nin Hérodefue mun Jésus wun lo, bé wa sé i ke: Ndya, é si ke a di nanwle, a klé swran mun Nyanmien atin'n nanwle nun. A srô'a swran fi, afin a nia'an swran nyrun.

Matthieu 24:24

Afin bé bo bé ton bé wun suen ke bé ti Christ'n, o nin bé bo bé ton bé wun suen ke bé ti Nyanmien nuan idyofue'n, bé wa dyaô, béh yih atre, béh yôh abônuan sa mun lélé ke bé fa laka bé bo Nyanmien faa bé'n bobo, se bé kwla nyan bé ô.

Matthieu 7:14

Sannge anuan nin atin nga bé sin nun bé nyan nguan'n bé ti kaan, ye bé nga bé kunnde bé wuin'n, ba sonman.

Marc 12:14

Bé wa séé i ke: Ndya, é si ke a di nanwle, a srô'a swran fi, afin a nia'an swran nyrun, ye a klé swran mun Nyanmien atin'n nanwle nun. ?É su l'impôt man César? ?É su, annze nanh man é su?

Marc 13:22

Afin bé bo bé ton bé wun suen ke bé ti Christ'n (*f1*), o nin bé bo bé ton bé wun suen ke bé ti Nyanmien nuan idyofue'n, bé wa dyaô, béh yih atre, béh yôh abônuan sa mun lélé ke bé fa laka bé bo Nyanmien faa bé'n, se béh kwlah nyan bé ô.

Jean 14:6

Jésus sé i ke: Min ye n ti atin nin nanwle nin nguan nion. Swran nga wa si'an min nun'n, o dyu'a é Si wun lo.

Sa nga bé yôli'n 13:10

o sé ke: Asie usu'm bé si Satan wa, gble'n nin ndrunmun'n wa kun o kpô! Liké kwlaa ng'o ti kpa'n a klômen. ?A yatyi'a é Min Nyanmien'n i nde nanwle'n i nun atô buale'n?

Sa nga bé yôli'n 14:2

Sannge Juif nga bé kaa le bo ba fa'a bé nde'n su'n, bé satyi é niaan'm bé wun, ye bé wlawlaa bé bo bé ti'a Juif'n ke bé yô bé tete.

Sa nga bé yôli'n 16:17

O su é nin Paul é su, o kpan sé ke: Minnien nga'm bé ti Nyanmien Kpli bo liké fi nu'en i sin'n i swran mun bé su kan sa nga bé yô nan ba nyan bé ti'n i nde klé amun.

Sa nga bé yôli'n 18:26

O kan nde yakpa su Nyanmien sua'n nun. Ke Priscille nin Aquilas bé tili'n, bé fe oo bé awlô lo bé klé i Nyanmien nde'n wéinwéin kpa.

Sa nga bé yôli'n 19:9

Sannge bé wié'm bé yôô nyin kéklé, bé fa'a su, ye bé ken nzra'n nun ke é Min'n i nde'n o ti'a nde bo bé fa suo. Ye Paul dyaôô bé wun le, o fa asonunfue mun oo bé ngunmin, o klé bé liké tyen kwlaa Tyrannus i école sua'n nun.

Sa nga bé yôli'n 22:4

Swran nga bé fa nde nga su'n, n klé bé yale lélé n kun wié, ye n tyi bé nun wié, yasua ô, bla ô, n wla bé bisua.

Sa nga bé yôli'n 24:14

Nh kenh i nanwle wéiin klé o, n su n nannan'm bé Nyanmien'n i wafa nga bé flee ke ngbatyie'n, nde kwlaa nga bé klee mmla'n nin Nyanmien nuan idyofue'm bé nde'n nun'n, n fa su.

Rɔmfuɛ Mun 2:24

Afin bé klelii ke: «Amun Juif mun amun ti, bé bo bé ti'a Juif'n bé satyi Nyanmien dunman.»

1 Timote 5:14

I so'n ti, man bé nga bé te yô talua'n bé dya bian, bé wu ba, bé nian bé awlô'n su, nan é kpofue'm bé kwla satyi a é wun.

Tite 2:5

bé yô sa i nuan su, nanh man bé yô sa sukusuku, man bé yô awlô bla kpa, man bé yô klun-ufuéfue, nanh man bé fa bé nyin wlawla bé wun mun, man bé bu bé swran, nan swran fi a sé'a ke Nyanmien nde'n ti'a kpa.

Tite 2:8

Kan nde ng'o ti kpa'n nan swran fi a sé'a ke nde nga a kan'n ti te, nan o kpofue'm bé nyin gua asé, afin bé su wu'an é wun nde fi kanman.

1 Piɛr 2:12

Anh yô sa ng'o ti kpa'n bé nga bé ti'a Christfue'n bé nyrun, nan se bé satyi amun dunman ke an ti sa te yôfue'n, bé wun sa kpa nga an yô bé'n, nan tyen nga Nyanmien ba'n, béh menmenh.

2 Piɛr 2:12

Sannge swran so'm bé yô sa ke blô nnen bo bé wu'an sa wle, bo bé wu bé ke bé tra bé bé kun bé'n bé lie'n sa, ye liké nga bé wu'en i wle'n, bé ken i nde ke o ti'a kpa. Béh wuh ke blô nnen'm bé lie'n sa.

2 Piɛr 2:15

Ba yatyi atin kpafue'n, ba mlin, bé fa atin nga Béor wa Balaam faa su'n su. Sika nga bé fa menniin sa te b'o yôli'n ti'n, o dyo i klun,

2 Piɛr 2:18

Bé idyo dandan ngben, bé fa ninngé nga klo swran nyin blô su'n laka bé nga bé nin bé wiéngu bo bé fa'a atin kpafue'n su'n bé su bu'n.

2 Piɛr 2:21

Se ba wu'an atin ng'o ti kpa'n, o ti kpa tre ke bé wunniin, bo bé yatyi Nyanmien mmla'n b'o fa maan bé'n.

2 Piɛr 2:7

Sannge o déli Lot b'o ti swran kpa'n, bo sa tete nga swran'm bé yô'n yô i ya'n.

Jude 1:10

Sannge bé lie'n, liké nga bé wu'en i wle'n, bé ken i nde ke o ti'a kpa. Ye bé sa wle nga bé wuin'n, o ti ke blô nnen'm bé lie'n bo bé wu i nin bé'n sa. Sa nga bé wun bé wle so'n ye bé satyi béo.

Jude 1:15

ke bé fa swran'n kwlaa bla bé dyasu, nan bé fa bé nga bé srô'a Nyanmien'n bé sa nga bé yôli'n i nuan liké man bé. Afin sa te yôfue so'm bo bé srô'a Nyanmien'n, bé yô Nyanmien sa, bé ken i wun nde tete.

Jude 1:4

Afin swran wié mun bo bé srô'a Nyanmien'n ba'a wlu é nun blelele. Bé fa yé nga Nyanmien yôô bé'n kata bé nyin yô sa tete'n kwlaa, bé bu'a Jésus-Christ bo i kunngba ye o ti é Min'n nin é Liké Kléfue'n i liké fi. Swran so'm bé fo bule nde'n bé kle siéé le lalaa.

Jude 1:7

I kunngba'n, Sodome, nin Gomorrhe, nin kloklo nga bé mantanmantan bé le'n, bé ti ke ange so'm bé sa. Bé fa bé wun wlaa téklé bôle'n nun, ye yasua'm bé kunnde bé wiéngu yasua. I nuan liké nga bé nyenniin'n yele nyrennen nga bé wuin sin b'o nuanman mlonmlon'n nun'n. Nyanmien yô i so nan swran'n kwlaa bé fa tu bé wun fo.

Sa nglô yile 12:9

Bé kaan dragon srôésrôé dan so'n nin i ange'm bé bô gua bé asie'n su wa. I ye bé flee wuô lalaa, nin mmusu'm bé si, nin Satan nion, i ye o laka men wunmuan nunfue'm bé kwlaa nion.

Sa nglô yile 13:14

O fa ayre nga bé man o yi bé nnen klikli lie'n i nyrun le'n, laka asie'n sufue mun. O sé bé ke bé yô nnen bo bé bô i kaka b'o dyasôli'n, i wunsu.

Sa nglô yile 13:8

Bé kwlaa nga bé ô men'n nun, bo ke bé bô men'n i bô'n, ba kle'a bé dunman Bua Gbanflen bo bé kunniin'n i nguan fluwa'n nun'n, béh kôtôh i bô.