2 Piɛr 2:14 - Nyanmien nde Ufle

¹⁴ Ke bé wun bla mun'n, bé kunndele akunndan ye bé buo, bé kônvi tu'a sa tete yôle'n su. Bé laka bé bo bé le'a awlen kpa'n. Bé nyin yi'a liké mlonmlon. Nyanmien man bé wun su dyo'a bé lé!

NYANMIƐN NDƐ'N 1998

¹⁴ Kɛ be wun bla mun'n, be kunndɛlɛ akunndan yɛ be bu-ɔ, be konvi tu-man sa tɛtɛ yolɛ'n su. Be laka be bɔ be lɛ-man anwlɛn kpa'n. Bé nyin yi-man like mlɔnmlɔn. Nyanmiɛn man be wun su jɔ-man be le!

2 Piɛr 2:14 ပူးပေါင်းရင်းမြစ်များ

Matthieu 12:34

?Onda mma mun, amun bo an ti swran te kpa'n, o yô se ye nde kpa kwla fin amun nuan fitéo? Afin nde kwlaa ng'o ô swran awlen'n nun'n ye o fité i nuaan.

Matthieu 23:14

[Amun mmla kléfue nin Pharisifue dunman klôfue mun, an yakô! Yele ke an dé angbôti mmla'm bé awlô'n, ye an kan nde tennden klé Nyanmien lélélé ke swran'm bé bu amun swran kpa. I so'n ti, amun fo tule lie'n o wa yô te kpa.]

Matthieu 25:41

I sin nh séh bé nga bé gua m be su'n ke: Amun bo n Si bôô amun sannzan'n, anh dyaô min wun le o anannganman sin bo bé tro maan mmusu'm bé si Satan nin i ange mun'n nun.

Matthieu 5:28

Sannge n lie'n, nh kanh klé amun ke, swran kwlaa ng'o wun bla kun b'o bu i kunndele akunndan'n, wuun wa kunnde bla so'n.

Marc 13:22

Afin bé bo bé ton bé wun suen ke bé ti Christ'n (*f1*), o nin bé bo bé ton bé wun suen ke bé ti Nyanmien nuan idyofue'n, bé wa dyaô, béh yih atre, béh yôh abônuan sa mun lélé ke bé fa laka bé bo Nyanmien faa bé'n, se béh kwlah nyan bé ô.

Jean 5:44

?Amun bo an klô ke amun wiéngu bô amun dunman'n, bo an klô'a ke Nyanmien b'o ti kunngba tye'n ye o bô amun dunman'n, oh yôh se ye amunh kwlah lafi i suo?

Rɔmfuɛ Mun 16:18

Afin swran wafa so mun, nanh Christ b'o ti é Min'n i dyunman ye bé dio. Bé bobo bé klun sa lie'n ye bé yôo. Bé kan nde fe, bé fa bé nuan laka bé nga bé nian wu'an sa wle'n.

1 Korɛntfuɛ Mun 11:19

afin san amun wun nun bubule so'n nun ye éh wunh swran nga bé ti kpa sakpa nion.

Efɛzfuɛ Mun 2:3

Laa é kwlaa é ti ke bé sa, liké nga klo swran kônvi soe'n, ye é kunndeo, liké kwlaa ng'o yô é fe bo é bu i akunndan'n, ye é yôo. Nzuen so'n bo bé wulii nin yé'n ti, san Nyanmien fah é wun ya ke o fa swran wié'm bé wun ya'n sa.

Efɛzfuɛ Mun 4:14

Ke o kô yô so'n, é ti'a ba kaan kun bo é fa atô nde kwlaa nga swran'm bé gble'n ti bé ken ke bé fa lakalaka swran mun'n su, b'o man é ko wa ko wa ke mméli bo aunngban'n fe ko wa ko wa'n sa.

Kolɔsfuɛ Mun 2:18

Nanh man swran b'o klô ke bé bu i aénvuefue'n, b'o kôtô ange'm bé bô, b'o fe i aôlia nun ninngé b'o wunnin bé'n di i nuan'n, o dé amun liké kpa nga an nyenniin'n. Swran so'n ke o bu liké nga o si'n i akunndan'n o tu i wun, i wun tule so'n ti ngben.

Jacques 1:8

O ti swran bo i akunndan'n ti nnyonnyon. I sa'n kwlaa nun o katyikatyi.

2 Piɛr 2:18

Bé idyo dandan ngben, bé fa ninngé nga klo swran nyin blô su'n laka bé nga bé nin bé wiéngu bo bé fa'a atin kpafue'n su'n bé su bu'n.

2 Piɛr 2:3

Bé nyin b'o blô ninngé'm bé su'n ti, béh kpeh bé ti nun kan nde mun, béh fah amun kunnde bé sika. Bé buu bé fo wa tye, san béh mlinh.

2 Piɛr 3:16

I fluwa kwlaa ng'o kle b'o kan liké so'n i nde'n, ke o kle i soo. I nun nde wié'm bé wle wunle ti kéklé, o man bé nga bé wu'an sa wle, bo bé le'a awlen'n, bé katyi nde so'n ke bé katyi Nyanmien Nde nga bé kleli'n wié sa. Ke bé yô so'n, o man béh mlinh.

1 Jean 2:16

Liké kwlaa nga bé yô bé men'n nun'n, bé nyin b'o blô ninngé'm bé su, nin akunndan nga bé fa bu ninngé nga bé wun bé'n bé su'n, nin bé wun tule'n i kwlaa so'n i wié fi fi'an é Si'n, sannge bé ti men'n nun nzuen.

Jude 1:11

I sofue'm bé yakô! Afin bé fa atin kunngba nga Caïn faa su'n su wié. Ke o yô nan ba nyan sika'n, bé fa bé wun wlaa sa tete yôle'n nun ke Balaam lie'n sa. Ke bé yôô nyin kéklé ke Coré lie'n sa'n, ye bé mlinnion.

Sa nglô yile 12:9

Bé kaan dragon srôésrôé dan so'n nin i ange'm bé bô gua bé asie'n su wa. I ye bé flee wuô lalaa, nin mmusu'm bé si, nin Satan nion, i ye o laka men wunmuan nunfue'm bé kwlaa nion.