2 Piɛr 2:13 - Nyanmien nde Ufle

¹³ Sa nga bé fa yô swran wié mun'n, i kunngba'n ye béh fah yô béo. Ke alie kô tyen'n, sa ng'o yô bé fe'n yele men dile'n, ke a wun bé'n, nyannzuen kun o. Ke amun nin bé yia alie'n su'n, amun nyin gua asé, bé satyi amun wun, bé gblegble sa nga bé yô'n o yô bé fe.

NYANMIƐN NDƐ'N 1998

¹³ Sa nga be fa yo sran wie mun'n, i kunngba'n yɛ be ´fa yo be-ɔ. Kɛ aliɛ ko cɛn'n, sa ng'ɔ yo be fɛ'n yɛlɛ mɛn dilɛ'n, kɛ a wun be'n, nyannzuɛn kun wɔ. Kɛ amun nin be yia aliɛ'n su'n, amún nyin gua ase, be saci amun wun, yɛ be gblɛgblɛ sa nga be yo'n ɔ yo be fɛ.

2 Piɛr 2:13 ပူးပေါင်းရင်းမြစ်များ

Rɔmfuɛ Mun 13:13

Man é yô sa bo bé ti nanwle'n ke é ô wia klénglé kpa'n nun sa. Man é yatyi nzanbôe'n, nin nzanbôe nyôlie'n, ye bé wun wannzô yôle'n, bla nin bian kunndele'n, wlaka bôle'n, utré'n, nin swran nyin tyile'n.

Efɛzfuɛ Mun 5:27

O yôé so nan ke Asonun'n beh i wun le'n, oh wunh ke o ti klaan, o ti yeiin, le fi nu'en i wun, i wun trale'n ti'a nyonnyonwa, o ti Nyanmien lie mlonmlon.

Filipfuɛ Mun 3:19

Bé agualie yele bé mlinle, bé Nyanmien'n yele bé ku'n. Liké nga swran yôo o gue i nyin asé'n ye bé fa di bé nuaan. Men'n nun ninngé'n ye o lô béo.

2 Timote 4:14

Alexandre b'o ti blale bôfue'n o yôô n te dan kpa. Sa ng'o yô min'n, Nyanmien Kpli kô tue i kale.

Jacques 5:5

An di amun klun liké, an di men'n, o man amuan yô ke nnen bo wa lô kpa bo i kunle a dyu sa.

1 Piɛr 4:4

Ke bé nga bé ti'a Christfue'n bé wun ke amun nin bé sa'an nun yô'a sa tete so'm bé kun'n, o bô bé nuan, bé kpe amun nzôwa.

2 Piɛr 2:15

Ba yatyi atin kpafue'n, ba mlin, bé fa atin nga Béor wa Balaam faa su'n su. Sika nga bé fa menniin sa te b'o yôli'n ti'n, o dyo i klun,

Sa nglô yile 18:6

Sa ng'o fa yôô amun'n, anh nian su yô i wié, anh yô i wunsu so kpe nnyon! Klôwa ng'o su nzan nun maan amun'n, anh su nsan nga i kéklé'n tre i lie'n kpa'n wié nun men.