2 Piɛr 2:10 - Nyanmien nde Ufle

¹⁰ Bé nga bé lie'n yôh te tra su'n, yele bé nga bé kônvi so sa tete'm bé yôle, bo bé bu'a Nyanmien liké fi'n. Bé yô sa nyin kéklé su, bé yô bé bobo bé klun sa. Bé srô'a nyanmien su lo swran nga bé le nyrun'n bé nzôwa kpele.

NYANMIƐN NDƐ'N 1998

¹⁰ Be nga be liɛ'n ´yo tɛ tra su'n yɛlɛ be nga be konvi sɔ sa tɛtɛ'm be yolɛ'n, bɔ be bu-man Nyanmiɛn i like fi'n. Be yo sa nyin kekle su, yɛ be yo be bɔbɔ be klun sa. Be sro-man nyanmiɛn su lɔ sran nga be lɛ nyrun'n be nzowa kpɛlɛ.

2 Piɛr 2:10 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 11:25

Ke o se i sin b'o dyu le'n, o wuun ke ba kuan nun, ba siésié i nun ninngé mun.

JÉSUS-CHRIST I DYASIN FE'N BO LUC KLELI'N 19:14

Sannge i nvléfue'm bé kpoe, ye bé yi swran wié mun su i su ke bé kô sé ke, bé klô'a ke i ye o sié béo.

Sa nga bé yôli'n 23:5

Ye Paul sé ke: N niaan mun, n si'a ke Nyanmien nyrun dyranfue dan nion, afin bé klee ke: «Nanh fa Nyanmien Kpli'n wua swran ng'o sié o nvlé'n.»

Rɔmfuɛ Mun 8:1

O man sien'n bé nga bé nin Christ-Jésus ba katyi swran wunmuan'n, bé wun sa lie'n wa wié.

1 Korɛntfuɛ Mun 6:9

?An si'a ke sa tete yôfue'm bé su yô'a men nga Nyanmien siéé'n i nunfue mlonmlon? Nanh an laka amun wun, afin bla annze bian kunndefue, nin amuen sofue, nin yasua b'o kunnde bla i yi bô annze bla b'o kunnde bian i wun bô'n, nin yasua b'o kunnde i wiéngu yasua'n,

2 Korɛntfuɛ Mun 10:3

Kannze é ti swran'n, ale nga é kun'n, é ku'en ke swran'm bé kun'n sa.

Efɛzfuɛ Mun 4:19

Bé si'a nyannzuen kun, wlaka'n wa kun bé kpô, bé katyi'a sa tete'm bé yôle mlonmlon.

Efɛzfuɛ Mun 5:5

Afin nanwle, swran kwlaa nga bé ti bla nin bian kunndefue'n, nin sa tete yôfue'n, nin bé nga bé nyin yi'a liké bo bé ti ke amuen sofue sa'n, bé nun wié fi su nya'an liké fi men nga Christ nin Nyanmien bé siéé'n nun lo.

Kolɔsfuɛ Mun 3:5

I so'n ti, anh wla amun asie'n su wa nzuen'n bé asé, bla nin bian kunndele, sa tete yôle, bé kônvi b'o so nyannzuen sa mun'n, bé nyin b'o blô liké'm bé su'n, bé nyin b'o yi'a liké'n b'o nin amuen sole'n ti kun'n.

1 Tɛsalonikfuɛ Mun 4:7

Afin Nyanmien a fle'a é ke é yô sa tete, o flee é ke é yô i lie mlonmlon.

2 Timote 3:2

Afin swran'm béh buh bé bobo bé wun akunndan, béh yôh sika klôfue, béh dih bé nuan, béh tuh bé wun, béh satyih Nyanmien wun, bé nyin su yi'a bé si nin bé nin mun bé su si'a yé, bé nyin su yi'a Nyanmien,

Tite 1:7

Man asonun sunianfue'n yô swran bo bé kwla satyi'e i wun kaan sa, afin o nian Nyanmien ninngé'm bé su. Nanh mon o yô swran b'o yô i bobo i klun sa, nin ya fafue, nin nzanbôefue, nin utré klôfue, nin swran b'o kunnde sika i wafa ng'o ti'e i su'n.

Hébreu 13:4

Man swran'n kwlaa bé bu adya'n i liké dan, ye bé bo ba dya bé wun'n, nanh man bé yô sa sukusuku. Afin Nyanmien nin bé nga bé kunnde bla annze bian'n, nin bé nga bé kunnde bla bé yi bô annze bian bé wun bô'n mun lee.

2 Piɛr 3:3

Man an si kpa ke, tyen wié lélé ke men'n oh koh i bué nuan'n, swran wié'm béh bah, béh yôh sa nga bé klun klô'n, béh dih amun to,

Jude 1:10

Sannge bé lie'n, liké nga bé wu'en i wle'n, bé ken i nde ke o ti'a kpa. Ye bé sa wle nga bé wuin'n, o ti ke blô nnen'm bé lie'n bo bé wu i nin bé'n sa. Sa nga bé wun bé wle so'n ye bé satyi béo.

Jude 1:16

Bé idyo bé kônviabô, bé fa sa'n kwlaa gua swran wié'm bé su, bé yô sa nga bé klun klô'n, bé di bé nuan, bé fa bé nuan nun fe kunnde liké swran'm bé sa nun.

Jude 1:18

Bé séé amun ke: Tyen wié lélé ke men'n oh koh i bué nuan'n, swran wié'm béh bah, béh dih amun to, Nyanmien bo bé srômen'n ti, béh yôh sa nga bé klun klô'n.

Jude 1:4

Afin swran wié mun bo bé srô'a Nyanmien'n ba'a wlu é nun blelele. Bé fa yé nga Nyanmien yôô bé'n kata bé nyin yô sa tete'n kwlaa, bé bu'a Jésus-Christ bo i kunngba ye o ti é Min'n nin é Liké Kléfue'n i liké fi. Swran so'm bé fo bule nde'n bé kle siéé le lalaa.