2 Piɛr 1:8 - Nyanmien nde Ufle

⁸ Nanwle, se an nian sa so'm bé su bo an yô bé titi'n, ke an kunnde ke amunh sih é Min Jésus-Christ'n san amunh siih, afin an su tra'an le ngben, ye liké nga an yô'n oh yôh yé.

NYANMIƐN NDƐ'N 1998

⁸ Nanwlɛ, sɛ an nian sa sɔ'm be su bɔ an yo be titi'n, kɛ an kunndɛ kɛ amun ´si e Min Jésus-Krist, san amun ´si i, afin an su tran-man lɛ ngbɛn, yɛ like nga an yo'n ɔ ´yo ye.

2 Piɛr 1:8 ပူးပေါင်းရင်းမြစ်များ

Matthieu 13:22

Ye nduin'n bo awié'n toli nun'n, yele swran ng'o ti Nyanmien nde'n, sannge men'n nun ninngé'n i ngôkôe'n nin anyanbéun'n i klôle'n o tra Nyanmien nde'n, o man o yô'a kpa.

Matthieu 20:3

O fité nglemun wia nun, o wuun swran wié mun ékun, bé gua gua'n su bé le'a dyunman.

Matthieu 20:6

O fité nnosua nun ékun, o wuun wié mun bo bé gua le bé le'a dyunman, nan wa usa bé ke: ?Nzu ti ye ke alie tyen lalaa'n an gua wa bo an di'a dyunman?

Matthieu 25:26

I min'n sé i ke: A ti swran te, a ti fuenfue, a sé ke, lika nga man gua'a awié le'n, n kpe awié le, ye n isa awié bo nanh min ye m bôli'n.

Jean 15:2

N sama kwlaa ng'o suman'n, o kpe, ye ng'o su'n, o kpekpe su nan o yô kpa ye o su tra laa lie'n.

Jean 17:3

Ke bé sé ke béh nyanh anannganman nguan'n, i bô yele ke béh sih o bo o kunngba tye ye a ti Nyanmien'n nin Jésus-Christ bo a sunmenniin'n.

Jean 5:42

N si amun n si ke an klô'a Nyanmien.

Rɔmfuɛ Mun 12:11

Nanh an yô fuen, sannge anh yô kékléfue. Anh yô swran wakawakafue. Anh di é Min'n i dyunman'n kpa.

1 Korɛntfuɛ Mun 15:58

I so'n ti, n niaan kpa mun, anh dyran kéklé, nanh amun wun usu amun, anh di é Min'n i dyunman'n kpa o amun nyrun tititi. Man an si kpa ke liké nga é yô man é Min'n, o su ka'a ngben.

2 Korɛntfuɛ Mun 13:5

Amun bobo anh bu amun klun lo nian se an lafi Christ su sakpa ô. Se an yô i so'n, nan se an wun ke an nu'an bé bo ba lafi'a Christ su'n bé nun wié'n, amunh wunh i wle ke Christ nin amun ye o wôo.

2 Korɛntfuɛ Mun 8:2

Sa ng'o toli lofue'm bé su'n o man bé wuun nyrennen kpa. Bé ti yalefue, sannge bé klun b'o dyo dan'n ti, bé yô aklunyé kpa.

2 Korɛntfuɛ Mun 8:7

Liké kpakpa'n kwlaa ti a sin a yia amun, an lafi Christ su kpa, an si idyo, an wun sa wle, an le awlen sa'n kwlaa nun, an klô é dan. N klô ke an yô aklunyéfue dan kusu.

2 Korɛntfuɛ Mun 9:14

Ye aklunyé dan nga Nyanmien man an yô'n ti béh buh amun akunndan kpa, ye béh yrah bé nuan ke Nyanmien dyran amun sin.

Filipfuɛ Mun 1:9

Ye n sre i ke an klô i nin swran mun kpa ye an si ngwlele, an wun sa'm bé wle kpa wéiin.

Filipfuɛ Mun 2:5

Anh bu akunndan kunngba nga Christ-Jésus buli'n wié.

Filipfuɛ Mun 3:8

Nanwle, ke m bu min Min Christ-Jésus i sile bo n sii'n liké kpa sakpa'n ti, o man m bu'a liké'n wié fi liké. I ti man yatyi liké'n kwlaa, ke o yô nan Christ a yô n liké kpa nan min nin i ya katyi swran wunmuan'n ti, m bu liké'n kwlaa ke wla sa. Swran kpa bo n ti'n, o fi'an m bobo min nzuen'n nun mmla'n i sufale'n ti, sannge o fin Christ su bo n lafi'n. Swran kpa yôle so'n fin Nyanmien, i su bo bé lafi'n ti.

Kolɔsfuɛ Mun 1:10

I so'n nun, amun nyôlie'n manh é Min'n i komin su, ye sa kwlaa nga amunh yôh'n, oh dyoh i klun, ye amunh yôh sa kpakpa'n kwlaa, ye sile nga an si Nyanmien'n, oh yôh dan.

Kolɔsfuɛ Mun 2:7

o man i ti an dyran kéklé ke sua bo bé wle i bô asé kpa'n sa. Anh lafi i su kpa ke bé kléli amun'n sa, anh le i asé tititi.

Kolɔsfuɛ Mun 3:16

Man Christ nde b'o ti amun liké kpa'n tran amun klun. Anh kan klé amun wiéngu, ngwlele kwlaa nga an sii'n anh fa tu amun wun fo. Anh tu amun klun tô psaume nin Nyanmien manmanle dyué nin asonun dyué'n menmen, anh le i asé.

1 Tɛsalonikfuɛ Mun 3:12

Man é Min'n man an klô amun wiéngu nin swran'n kwlaa dan kpa tra laa'n, ke é kusu é fa klô amun'n sa!

1 Tɛsalonikfuɛ Mun 4:1

Aniaan mun, min nde'n i atabô'n ye: sa nga an yôo o yô Nyanmien fe'n, é kléli amun, an fali su an yô, sannge swran wunmuan bo é nin é Min Jésus ti'n ti, éh sreh amun ye éh kanh klé amun kpa ke an yô i so tra laa'n.

2 Tɛsalonikfuɛ Mun 1:3

Aniaan mun, anh lafi Christ su kpa tra laa'n, klôle nga amun kwlaa an fa klô amun wun'n ti dan tra laa'n, o man amun ti o fata ke é la Nyanmien asé titi, se é yôé soo o ti su.

1 Timote 5:13

Ke o kô yô so'n, bé yô'a liké fi, bé wlanwlan awlô'm bé nun, ye ng'o ti te tra su'n, bé idyo fiaii, nde ng'o ti'a bé nde'n nin nde ng'o fataman'n ye bé kaan.

Tite 3:14

Klé é minnien'm bé kusu ke bé di dyunman klaan nan ba nyan liké nga bé sa mien i wun'n, nanh man bé bubu bé sa nin bé dya tran su.

Filemɔn 1:6

Nh sreh Nyanmien ke anuanse bo Christ bo é lafii su'n ti é di'n, o man a wun liké kpakpa kwlaa ng'o ti é lie swran wunmuan bo é nin Christ ya katyi'n ti'n i wle kpa wéiin.

Hébreu 6:12

É klô'a ke an yô nveefue, sannge an nian bé nga bé lafi Nyanmien su, bé tra bé awlen b'o man bé nyan liké nga i waan oh fah man bé'n, bé lie'n su yô.

2 Piɛr 1:2

Nyanmien nin é Min Jésus bo an si bé'n ti, bé man an nyan yé titi, ye man amun wun dyo amun fouun!

2 Piɛr 1:3

Ke é si swran ng'o flee é ke é nyan nyrun, ye é yô sa ng'o ti kpa ke i bobo sa'n ti'n, o man é liké kwlaa nga b'o man é kwla fa é wun mantan Nyanmien titi'n i fanngan nun.

2 Piɛr 2:20

Afin swran nga bé si é Min Jésus-Christ é Défue'n, b'o man bé yatyi sa nga bé yôo bé satyi'n, se bé sa bé sin kô fa sa so'n katyi bé dyunman ékun'n, bé satyile kasien lie'n, oh yôh te tra klikli lie'n.

2 Piɛr 3:18

Ye bo é Min'n b'o ti é Défue'n yô amun'n ti, man bé wun ke amuan yô swran, amun nin i tran, nan amuan sii kpa. Ke o fin nde'n, man bé yi i aye tititi. Mon o yô so!