2 Piɛr 1:7 - Nyanmien nde Ufle

⁷ Ke an mantan Nyanmien'n, anh yô amun niaan'm bé kpa. Ke an yô bé kpa'n, anh klô swran.

NYANMIƐN NDƐ'N 1998

⁷ Kɛ an mantan Nyanmiɛn'n, an `yo amun niaan'm be kpa. Kɛ an yo be kpa'n, an `klo sran.

2 Piɛr 1:7 ပူးပေါင်းရင်းမြစ်များ

Rɔmfuɛ Mun 12:10

Anh klô amun wun kpa ke swran nin i niaan sa, anh bu amun wiéngu swran.

Galasifuɛ Mun 6:10

O man se é nyen i wun aladyé'n, man é yô swran'n kwlaa bé yé, sannge man é dun mmua yô man é niaan nga é nin bé é lafi Christ su'n.

Kolɔsfuɛ Mun 3:14

Ye sa ng'o ti tyinndyin tre i ngba b'o man i kwlaa so'n kwla yô yé'n yele ke an klô amun wiéngu.

1 Tɛsalonikfuɛ Mun 3:12

Man é Min'n man an klô amun wiéngu nin swran'n kwlaa dan kpa tra laa'n, ke é kusu é fa klô amun'n sa!

1 Tɛsalonikfuɛ Mun 5:15

Anh nian amun wun kpa, se swran yô amun te'n, nanh an yô i wié, sannge man kpa nga an fa yô amun wiéngu'n nin swran'n kwlaa'n o katyi amun nzuen.

Hébreu 13:1

Anh klô amun wun kpa ke swran nin i niaan sa tititi.

1 Piɛr 1:22

Ke an faa nde nanwle'n su, bo amun wun sa'n wiéli'n, o man an klô'a amun niaan Christfue mun amun nuan bui su. I so'n ti, anh klô amun wun kpa, anh tu amun klun yô sa ng'o klé ke an klô amun wun'n.

1 Piɛr 2:17

Anh bu swran'n kwlaa bé swran, anh klô amun niaan Christfue mun, man amun nyin yi Nyanmien, anh bu famien'n i swran.

1 Piɛr 3:8

Min nde'n i atabô'n ye, man amun akunndan'n yô kun, anh wun amun wiéngu aunnvue, anh klôé ke amun niaan sa, anh si i aunnvue, anh yô amun wun aénvue.

1 Jean 3:14

É si ke ya nyan é ti wié'n sa nun, ya nyan nguan, yele ke é klô é niaan mun. Swran ng'o klô'a swran'n, wuun o te ô wié'n sa nun.

1 Jean 3:16

Anh nian sa nga b'o man é si liké nga bé flee swran klôle'n, yele ke é ti, Christ fe i wun mannin. É kusu é niaan'm bé ti, man é fa é wun man.

1 Jean 4:21

Anh nian nde nga Christ kan kléé yé'n, i waan, swran ng'o klô Nyanmien'n mon o klô i niaan kusu.