2 Piɛr 1:5 - Nyanmien nde Ufle

⁵ Liké bo é wa nyan bé so'n ti, ke an lafi Nyanmien su'n, anh yô liké kwlaa nga an kwle i yô'n man amun nzuen'n yô kpa. Ke amun nzuen'n yô kpa'n, anh kunnde ke amunh wunh sa'm bé wle.

NYANMIƐN NDƐ'N 1998

⁵ Like bɔ e wa nyan be sɔ'n ti, kɛ an lafi Nyanmiɛn su'n, an `yo like nga an kwlɛ i yo'n i kwlaa, man amun nzuɛn'n yo kpa. Kɛ amun nzuɛn'n kɔ yo kpa'n, an `kunndɛ kɛ amun ´wun sa'm be wlɛ.

2 Piɛr 1:5 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 16:26

Ye kusu sa ng'o ti sa so'n i nun kéklé'n, bé kpee kunman dan kpa é nin amun é afien, nan se swran nga i waan oh finh é wun wa ko amun wun lo'n, wa kwla oman, ye swran nga i waan oh finh amun wun lo ba é wun wa'n, wa kwla kpemen'n ti.

JÉSUS-CHRIST I DYASIN FE'N BO LUC KLELI'N 24:21

É lafi i su ke i ye o wa dé Israël muon, sannge ke bé yôé sa so'n, i lé nsan ye.

Jean 6:27

Nanh an di dyunman alie b'o satyi'n ti, sannge anh di dyunman alie ng'o satyiman b'o man swran nyan anannganman nguan'n ti. Alie so'n, m bo n katyii Swran'n min ye nh fah man amuon, afin min ye n ti swran bo é Si Nyanmien klé wéiin ke o dyin n sion.

1 Korɛntfuɛ Mun 14:20

Aniaan mun, nanh an bu akunndan ke bakan sa, anh bu kpenngben akunndan, sannge anh yô ke ba nonman b'o si'a gble kpe'n sa.

Efɛzfuɛ Mun 5:17

I so'n ti, nanh an yô sinnglinfue, sannge anh mian amun nyin ke amunh sih liké nga é Min'n klô ke an yô'n.

Filipfuɛ Mun 1:9

Ye n sre i ke an klô i nin swran mun kpa ye an si ngwlele, an wun sa'm bé wle kpa wéiin.

Filipfuɛ Mun 2:12

I so'n ti, n swran kpa mun, ke n wô amun wun lo bo amun nyin fa yi min titi'n, sien'n kannze n nu'an lo'n, man amun nyin yi min kpa tra laa'n. Ke o kô yô nan amuan nyan amun ti mlonmlon'n, anh mian amun nyin di dyunman kpa.

Filipfuɛ Mun 4:8

Aniaan mun, min nde'n i atabô'n ye: man amun akunndan'n tran liké kwlaa ng'o ti kpa'n nin sa kwlaa bo swran yôo o ti kpa'n bé su, yele nde nanwle'n, nin liké nga bé bui liké kpa'n, nin liké ng'o ti i nuan su'n, nin sa ng'o ti a te mlonmlon'n, nin liké ng'o ti klaan'n, ye nde nga bé tio o dyo bé klun'n.

Kolɔsfuɛ Mun 1:9

I so'n ti, é kusu ke o fin tyen nga é tii amun nde bo bé kan'n, é sre Nyanmien titi ke o nian amun su. É sre i ke o man an si ngwlele, an wun sa nga i Wawe'n klé amun'n i wle, nan an si i klun sa'n kpa.

Kolɔsfuɛ Mun 2:3

O ti ke betro sa, i nun ye Nyanmien fe i ngwlele'n nin sa wle wunle'n kwlaa fialio.

Hébreu 11:6

Afin se bé lafi'e i su'n, i klun dyo'a bé wun mlonmlon. O man swran nga i waan oh feh i wun mantan Nyanmien'n, mon o lafi su ke o ô le, ye bé nga bé kunndee'n, oh yih i wun klé bé.

Hébreu 12:15

Anh nian amun wun kpa, nanh man yé nga Nyanmien yô swran'n o tô fuan swran fi nan klunwi'n i ôlui'n wa fefeman, wa satyi'a amun nan wa sa'a swran kpanngban'n ti.

Hébreu 6:11

Sannge é klô ke amun kwlakwla an mian amun nyin yô ke an yôé laa'n sa gue i ti nin i bô, ye amunh nyanh liké kwlaa nga amun wla ô su ke amunh nyenh nion.

1 Piɛr 3:7

Nnya mun, ke an si ke amun yi'm bé wunmien'n dyu'a amun lie'n nun'n, amun nin bé tran kpa. Anh bu bé swran, afin yé nga Nyanmien yô amun b'o man amunh nyanh nguan'n, o yô bé wié. Se an yô'a so'n, amun nin Nyanmien su kwla kôkô'a yale wafa ng'o ti su'n.

2 Piɛr 1:10

Aniaan mun, i so'n ti, anh bu flele nin fale bo Nyanmien faa amun'n i akunndan kpa, nan anh dyran kéklé. Se an yô so'n, an su fonman mlonmlon.

2 Piɛr 1:11

I so'n nun ye é Min Jésus-Christ b'o ti é Défue'n, oh soh amun nun kpa, ye oh fah amun wle i swran ng'o sié bé titi'n bé nuon.

2 Piɛr 3:14

N swran kpa mun, i so'n ti, ke éh minndeh tyen so'n, anh yô liké kwlaa nga an kwla yô'n nan o wun ke an ti swran kpa bo sa kaan sa nu'an amun wun, nan amun nin i amun nuan a se.

2 Piɛr 3:18

Ye bo é Min'n b'o ti é Défue'n yô amun'n ti, man bé wun ke amuan yô swran, amun nin i tran, nan amuan sii kpa. Ke o fin nde'n, man bé yi i aye tititi. Mon o yô so!