2 Piɛr 1:3 - Nyanmien nde Ufle

³ Ke é si swran ng'o flee é ke é nyan nyrun, ye é yô sa ng'o ti kpa ke i bobo sa'n ti'n, o man é liké kwlaa nga b'o man é kwla fa é wun mantan Nyanmien titi'n i fanngan nun.

NYANMIƐN NDƐ'N 1998

³ Kɛ e si sran ng'ɔ flɛli ye kɛ e `nyan nyrun'n, bɔ e yo sa ng'ɔ ti kpa kɛ i bɔbɔ sa'n ti'n, like nga b'ɔ man e kwla fa é wun mantan Nyanmiɛn titi'n i fanngan nun'n, ɔ fɛ i kwlaa'n mannin e.

2 Piɛr 1:3 ပူးပေါင်းရင်းမြစ်များ

Matthieu 28:18

Jésus wunngéé bé wun le, o sé bé ke: Nyanmien maan min atin ke n sié nyanmien su lo nin asie'n su ninngé'n kwlaa.

Rɔmfuɛ Mun 8:32

Nyanmien bo wa sié'e i sa i Wa'n su, b'o fe mannin é kwlaa é ti'n, oh fah liké'n kwlaa uka su man é i klun-ufué su.

Rɔmfuɛ Mun 9:24

É b'o fleli yé'n, nanh é Juif mun é ngunmin ye o flee yéo, sannge bé nga bé ti'a Juif'n bé ô nun wié.

1 Korɛntfuɛ Mun 1:9

Nyanmien b'o flee amun ke amun nin i Wa Jésus-Christ b'o ti é Min'n an di anuanse'n, o ti nanwlefue.

2 Korɛntfuɛ Mun 12:9

Sannge o sé n ke, yé ng'o yô min'n oh dyuh min, afin ke n le'a wunmien'n, i nun ye o yi i wun nglô ke o ti kplio. O man n klun dyo n fuen bo n ti'n su nan Christ yi i dan'n nglô n ti.

Efɛzfuɛ Mun 4:1

I so'n ti, m bo é Min'n ti ye n ti bisuafue'n, n sre i kpa ke an bu flele nga Nyanmien flee amun'n i akunndan, nan an yô sa ng'o ti i nuan su'n.

Efɛzfuɛ Mun 4:4

Ke Nyanmien fle amun bo liké nga an fa amun wla gua su'n ti kun'n, i kunngba'n, wunnen'n ti kun, ye Nyanmien Wawe'n kusu ti kun.

Filipfuɛ Mun 3:8

Nanwle, ke m bu min Min Christ-Jésus i sile bo n sii'n liké kpa sakpa'n ti, o man m bu'a liké'n wié fi liké. I ti man yatyi liké'n kwlaa, ke o yô nan Christ a yô n liké kpa nan min nin i ya katyi swran wunmuan'n ti, m bu liké'n kwlaa ke wla sa. Swran kpa bo n ti'n, o fi'an m bobo min nzuen'n nun mmla'n i sufale'n ti, sannge o fin Christ su bo n lafi'n. Swran kpa yôle so'n fin Nyanmien, i su bo bé lafi'n ti.

Filipfuɛ Mun 4:8

Aniaan mun, min nde'n i atabô'n ye: man amun akunndan'n tran liké kwlaa ng'o ti kpa'n nin sa kwlaa bo swran yôo o ti kpa'n bé su, yele nde nanwle'n, nin liké nga bé bui liké kpa'n, nin liké ng'o ti i nuan su'n, nin sa ng'o ti a te mlonmlon'n, nin liké ng'o ti klaan'n, ye nde nga bé tio o dyo bé klun'n.

Kolɔsfuɛ Mun 1:16

Afin i ye Nyanmien man o yii ninngé'n kwlaa bo bé ô nyanmien su lo nin asie'n su wa muon, liké nga bé wun bé'n nin nga bé wu'an bé'n, bé nga bé ô bia su ô, bé nga bé sié swran mun ô, mmusu mun ô, kpenngben mun ô. Nyanmien man o yii ninngé'n kwlaa, i bobo ti ye o man o yii béo.

1 Tɛsalonikfuɛ Mun 2:12

afin é man amun afotue, é wla amun fanngan, é kan klé amun ke an yô sa ng'o ti Nyanmien b'o fle amun ke an di i famien'n wié nan an nyan nyrun ke i lie'n sa'n, i klun sa.

1 Tɛsalonikfuɛ Mun 4:7

Afin Nyanmien a fle'a é ke é yô sa tete, o flee é ke é yô i lie mlonmlon.

2 Tɛsalonikfuɛ Mun 2:14

Afin i so'n ti ye ke é kan dyasin fe'n kléé amun'n, o fleli amuon, nan nyrun nga é Min Jésus-Christ nyenh'n, amun dunman'n te nun wié.

1 Timote 4:8

Afin bé wun kpinngbinle'n o ti kpa, sannge bé wun bo bé fa mantan Nyanmien'n o ti kpa sa'n kwlaa nun tre, o man se bé yô so'n, bé si ke béh nyanh nguan ke é ô ye'n nin ble ng'o ba lo'n nun.

2 Timote 1:9

O déé é, o flee é ke é yô i swran, nanh ke é yô sa kpa ti ye o flee yéo, sannge é wun akunndan bo i bobo buli'n, nin yé bo i waan Christ-Jésus ti oh yôh yé'n tio.

Hébreu 1:3

I ye o man é wun Nyanmien b'o yi i wun nglô nyannyannyan nion, o fa Nyanmien Kpli'n i wafa kwlaa ng'o ti'n, i nuan nun nde'n ye man ninngé'n kwlaa ô leo. Ke o yôli bo swran'm bé wun sa'n wiéli'n, o kô traan Nyanmien Kpli b'o ti Wléngbi'n i fama su nyanmien su lo.

1 Piɛr 1:15

Nyanmien b'o fleli amun'n i nzuen'n nin klo swran lie'n ti'a kun, man amun nzuen lie'n kusu fe i lie'n sa'n kwlaa nun.

1 Piɛr 1:5

Nyanmien Kpli siéé i lo sié amun i su bo an lafi'n ti, oh nianh amun su lélé amunh nyanh amun ti, afin wa dun mmua sié i ke men'n i awiélie oh yih amun ti nyanle so'n i nglô.

1 Piɛr 2:21

I so yôle ti ye Nyanmien flee amuon, afin amun ti, Christ bobo wuun nyrennen. O yôli so ke an nian su nan an nanti i adyale lie'n su.

1 Piɛr 2:9

Sannge amun lie'n, an ti swran bo Nyanmien faa amun, an ti Famien Nyanmien'n i nyrun dyranfue, an ti Nyanmien nvlé'n nun swran, an ti i lie mlonmlon. O faa amun ke an yi i b'o flee amun ke an dyaô aôsin nun, an bla lika ng'o kpadya kpa'n nun'n i aye.

1 Piɛr 3:9

Se swran yô amun te'n, nanh an yôé wié, se bé kpe amun nzôwa'n, nanh an yi man bé, anh yra bé nguan, afin ke Nyanmien flee amun'n, o sé ke oh yrah amun nguan. Bé klee Nyanmien Nde'n nun ke:

1 Piɛr 5:10

Ke an wun nyrennen lé nnyon kun'n, Nyanmien Aklunyéfue Kpli'n b'o flee amun ke an nyan nyrun titi, swran wunmuan bo amun nin Christ a katyi'n ti'n, i bobo man amunh yôh swran kpa mlonmlon. Oh yôh man amunh dyranh kéklé, oh wlah amun fanngan, o man amun wun su usu'a amun.

2 Piɛr 1:10

Aniaan mun, i so'n ti, anh bu flele nin fale bo Nyanmien faa amun'n i akunndan kpa, nan anh dyran kéklé. Se an yô so'n, an su fonman mlonmlon.

2 Piɛr 1:2

Nyanmien nin é Min Jésus bo an si bé'n ti, bé man an nyan yé titi, ye man amun wun dyo amun fouun!

2 Piɛr 1:5

Liké bo é wa nyan bé so'n ti, ke an lafi Nyanmien su'n, anh yô liké kwlaa nga an kwle i yô'n man amun nzuen'n yô kpa. Ke amun nzuen'n yô kpa'n, anh kunnde ke amunh wunh sa'm bé wle.

2 Piɛr 1:6

Ke an wun sa'm bé wle'n, anh nian amun wun su. Ke an nian amun wun su'n, anh tra amun awlen. Ke an tra amun awlen'n, anh fa amun wun mantan Nyanmien.

2 Piɛr 1:8

Nanwle, se an nian sa so'm bé su bo an yô bé titi'n, ke an kunnde ke amunh sih é Min Jésus-Christ'n san amunh siih, afin an su tra'an le ngben, ye liké nga an yô'n oh yôh yé.

2 Piɛr 2:20

Afin swran nga bé si é Min Jésus-Christ é Défue'n, b'o man bé yatyi sa nga bé yôo bé satyi'n, se bé sa bé sin kô fa sa so'n katyi bé dyunman ékun'n, bé satyile kasien lie'n, oh yôh te tra klikli lie'n.

2 Piɛr 3:18

Ye bo é Min'n b'o ti é Défue'n yô amun'n ti, man bé wun ke amuan yô swran, amun nin i tran, nan amuan sii kpa. Ke o fin nde'n, man bé yi i aye tititi. Mon o yô so!