2 Piɛr 1:16 - Nyanmien nde Ufle

¹⁶ Nanwle, ke éh kanh é Min Jésus-Christ i bale, nin i kwlale b'o kwla'n i nde klé amun'n, o ti'a ke ngôwa bo bé fa bé ti nun ngwlele fa di'n sa, ye é di kléé amuon. Sannge é bobo é wunnin i nyrun ng'o le'n nin é nyinma.

NYANMIƐN NDƐ'N 1998

¹⁶ Nanwlɛ, kɛ e ´kan e Min Jésus-Krist i balɛ'n, nin i kwlalɛ b'ɔ kwla'n i ndɛ kle amun'n, ɔ ti-man kɛ ngua bɔ be fa bé ti nun ngwlɛlɛ fa di'n, yɛ e di kleli amun-ɔn. Sanngɛ e bɔbɔ e wunnin i nyrun ng'ɔ lɛ i'n nin e nyinma.

2 Piɛr 1:16 ပူးပေါင်းရင်းမြစ်များ

Matthieu 16:27

M bo n katyii Swran'n min nin n Si ange mun éh bah i dunman nun béh wunh ke i nyrun ti nyannyan o yô srô, ye ke swran kun i nyôlie'n ti dyu'n mh menh i nuan liké.

Matthieu 16:28

Nanwle, bé nga bé ô wa ye'n, nanh bé ngba ye wié'n kunh bé, nan ba wun ke m bo n katyii Swran'n n su ba, m ma di n famien nion.

Matthieu 17:1

Ke o dii lé nsien'n, Jésus faa Pierre nin Jacques ye i niaan bian Jean, nan ba o bé ngunmin ôka nglônglô kun su.

Matthieu 24:27

Afin ke nyanmien'n kpasin wia afilie lo o kpadya lélé dyu wia atolie lo'n, ke m bo n katyii Swran'm m bale'n oh yôh soo.

Matthieu 24:3

O kô traan asé Olive Ôka'n su. Ye i sonnzonfue'm bé bee i wun le, bé use blele ke: ?Ble ônin ye sa so'm bé yôo, ye nzu ye o ti o bale'n nin men'n i awiélie'n i nzolie nion? Klé é.

Matthieu 28:18

Jésus wunngéé bé wun le, o sé bé ke: Nyanmien maan min atin ke n sié nyanmien su lo nin asie'n su ninngé'n kwlaa.

Marc 13:26

I sin béh wunh m bo n katyii Swran'n ke n wô nyanmien blé'n su n su ba. Mh bah yasua su, min nyrun nyannyan o yô srô.

Marc 14:62

Ye Jésus sé i ke: Een, yele min. Amun wa wun m bo n katyii Swran'n ke n ti Nyanmien Kpli'n i fama su, ye amunh wunh min n wô nyanmien blé'n su n su ba.

JÉSUS-CHRIST I DYASIN FE'N BO LUC KLELI'N 1:2

Ke sa so'n yôh'n, swran nga bé wuun nun'n, bé fa Nyanmien nde kanle'n katyi bé dyunman, bé kan klé yé. Nde so'n ye bé kleli nion.

JÉSUS-CHRIST I DYASIN FE'N BO LUC KLELI'N 9:43

O man bé kwlaa bé wun ke Nyanmien'n ti kpli sakpa. Ke liké kwlaa ng'o yô'n o bô bé nuan'n, o sé i sonnzonfue'm bé ke:

Jean 1:14

Nde so'n katyii i wun swran, o nin é wa trannin, o ti aklunyéfue nin nanwlefue. É nieen i anyrunnyan'n, o ti anyrunnyan bo se Ba b'o ti kunngba'n i Si meon o ti su.

Jean 17:2

Afin a faa swran'n kwlaa wle i sa nun ke o sié bé nan o man bé kwlaa nga a fa bé menniin'n bé anannganman nguan.

Rɔmfuɛ Mun 1:4

ye i tyenle bo Nyanmien Wawe'n tyenniin'n o ti sa kéklé b'o yôli, o man bé si ke o ti i Wa sakpa. O ti é Min Jésus-Christ.

1 Korɛntfuɛ Mun 1:17

Nanh swran'm bé baptême yôle ti ye Christ sunmaan mion, Nyanmien nde kanle ti ye o sunmaan mion. Nde so'n i kanle'n, nanh ke n si ngwlele n si idyo tio. Se o ti so ti'n, wuun Christ waka'n su wule'n oh yôh ngben.

1 Korɛntfuɛ Mun 1:23

Sannge é lie'n, Christ bo bé bôbôlii waka'n su, bo i nde kanle'n ti Juif'm bé ngasi'n, b'o ti bé bo bé ti'a Juif'n bé nyrun sinnzin nde'n, i nde ye é kaan.

1 Korɛntfuɛ Mun 1:7

I so'n ti, ke amunh minndeh é Min Jésus-Christ i wun nglô yile tyen'n, Nyanmien i ninngé b'o fa man swran mun'n i wié fi su mia'an amun.

1 Korɛntfuɛ Mun 2:1

Aniaan mun, i nun'n bo n woo amun wun lo'n, nanh ke idyole bo n si idyo, annze ngwlele bo n si ti ye n kan sa nga Nyanmien fiee swran'm bé nyrun'n klé amuon.

1 Korɛntfuɛ Mun 2:4

N idyole'n nin Nyanmien nde bo n ken i lo'n, o ti'a ngwlele nde bo se swran tio o fa suo, sannge o ti nde b'o yi Nyanmien Wawe'n nin i kwlale'n nglô.

1 Korɛntfuɛ Mun 5:4

Se an yia é Min Jésus dunman nun'n, n dyin amun sin,

2 Korɛntfuɛ Mun 2:17

É ti'a ke swran wié'm bo bé yô Nyanmien nde'n ke bé nga bé yô ninngé sukusuku'n bé ate'n bé lie'n sa. Sannge ke Nyanmien sunmaan é, bo i nyin ta é, bo é nin Christ é ti swran wunmuan'n, o man é ken i nde'n nanwle su.

2 Korɛntfuɛ Mun 4:2

É wla liké nga bé yô nyannzuen ti bé fiafia su'n bé asé, é yô'a liké gblegble nun, é sannga'an Nyanmien nde'n, sannge ke é kan nde wéinwéin Nyanmien nyrun'n, o man swran'n kwlaa bé wun é wafa nga é ti'n.

Efɛzfuɛ Mun 4:14

Ke o kô yô so'n, é ti'a ba kaan kun bo é fa atô nde kwlaa nga swran'm bé gble'n ti bé ken ke bé fa lakalaka swran mun'n su, b'o man é ko wa ko wa ke mméli bo aunngban'n fe ko wa ko wa'n sa.

Filipfuɛ Mun 3:21

O wa fa é wunnen b'o ti'a liké fi'n o yô man oh katyih ke i wunnen b'o fa oo lika ng'o le nyrun lo'n nun'n sa. I kwlale b'o fa sié liké'n kwlaa'n ye oh fah katyi io.

1 Tɛsalonikfuɛ Mun 2:19

?Se é Min Jésus bah bo éh dyrenh i nyrun'n, nzu su ye éh fah é wla guaa? ?Nzu ye man é klun dyooh? Nzu ye o klé ke é kwlali bo éh fah di é nuaan? ?Nanh amuon?

2 Tɛsalonikfuɛ Mun 2:9

Satan (*f6*) ye oh tinh bian b'o di'a mmla'n su so'n ye oh baah, o man o wa yô sa kéklééklé'n kwlaa, oh yih atre, oh yôh abônuan sa gble nun.

1 Timote 1:4

nanh man bé fa bé wla gua ngôwa nin bé nannannannan'm bé ôsu finwle b'o wié'a mlonmlon'n b'o kpe sae'n bé su. Sa so'm bé uka'a swran ke o lafi Nyanmien su o yô sa ng'o ti i klun sa'n.

1 Timote 4:7

Sannge nanh fa nde b'o ti'a Nyanmien lie b'o ti ke bla ôké'm bé nde sa'n bé su. Mion o nyin mantan Nyanmien kpa.

Tite 1:14

nan ba lafi'a Juif'm bé nde b'o ti ke ngôwa sa'n su, ye ba yô'a sa nga swran nga ba yatyi nde nanwle'n bé sé bé ke bé yô'n ti.

2 Piɛr 2:3

Bé nyin b'o blô ninngé'm bé su'n ti, béh kpeh bé ti nun kan nde mun, béh fah amun kunnde bé sika. Bé buu bé fo wa tye, san béh mlinh.

1 Jean 4:14

É wun ke é Si sunmeen i Wa'n men'n nun ke o wa dé swran'm bé ti, ye man é kaan.

Jude 1:14

Ye Hénoch b'o ti Adam i ôsuôsu'n i nsô su'n, o kaan sa ng'o wa to bé su'n i nde, o sé ke: N wuun é Min'n nin i ange akpiakpi kpanngban kpa bé bali,

Sa nglô yile 1:7

Anh nian, o nin nyanmien blé'n bé su ba! Swran'n kwlaa béh wuinh, ye bé nga bé woo i tyua'n, béh wuinh wié. I ti, asie'n su nvlénvlé'n kwlaa béh bôh auyé. Oh yôh so sakpa! Mon o yô so!