2 Korɛntfuɛ Mun 4:2 - Nyanmien nde Ufle

² É wla liké nga bé yô nyannzuen ti bé fiafia su'n bé asé, é yô'a liké gblegble nun, é sannga'an Nyanmien nde'n, sannge ke é kan nde wéinwéin Nyanmien nyrun'n, o man swran'n kwlaa bé wun é wafa nga é ti'n.

NYANMIƐN NDƐ'N 1998

² E wla like nga be yo nyannzuɛn ti be fiafia su'm be ase, e yo-man like gblɛgblɛ nun, yɛ e sanngan-man Nyanmiɛn ndɛ'n, sanngɛ kɛ e kan ndɛ weinwein Nyanmiɛn nyrun'n, ɔ man sran'm be kwlaa be wun e wafa nga e ti'n.

2 Korɛntfuɛ Mun 4:2 ပူးပေါင်းရင်းမြစ်များ

Rɔmfuɛ Mun 1:16

Dyasin fe'n ti nyannzuen ku'an min, afin i ye Nyanmien Kpli fa dé swran kwlaa nga bé lafi i su muon, Juif mun ye bé ti kliklio, i sin bé nga mun.

Rɔmfuɛ Mun 6:21

?Sa nga an yôô bé laa bo sien'n bé yô amun nyannzuen'n, nzu liké ye an nyen i nuon? Sa so'm bé agualie'n yele wié.

1 Korɛntfuɛ Mun 4:5

I so'n ti, nanh an dun mmua di swran fi dyole nan é Min'n wa ba, i ye sa kwlaa ng'o ô nvialie nun bo bé wunmen'n, o man béh wunh io, ye akunndan kwlaa ng'o ô swran klun'n, oh yih i nglô. Ke o kô yô so'n, liké nga swran kun yôli'n, Nyanmien yôh i mô.

2 Korɛntfuɛ Mun 1:12

Sa nga ti ye é di é nuan'n ye: é si é klun lo kpa ke nantile wafa nga é fa nanti men'n nun'n, é nanti i so kpa amun nyrun tra su. É nuan nun ti'a nnyonnyon, Nyanmien man é di nanwle. Nanh swran ti blé ngwlele bo é si'n ti ye man é yô soo, sannge Nyanmien ye o dyran é sin ye man é yô soo.

2 Korɛntfuɛ Mun 11:3

Sre kun min ke bé wa satyi amun ti nun, o man an su fa'a amun wla'n kwlaa gue'e Christ su kun, ke wuô i gble'n ti o laka Ève b'o nyenniin'n sa.

2 Korɛntfuɛ Mun 11:6

Kannze n si'a idyo kpa'n, sannge sa wle wunle lie'n, n wun i wle, afin titi sa kwlaa bo n kan'n, an wun bé wle.

2 Korɛntfuɛ Mun 2:17

É ti'a ke swran wié'm bo bé yô Nyanmien nde'n ke bé nga bé yô ninngé sukusuku'n bé ate'n bé lie'n sa. Sannge ke Nyanmien sunmaan é, bo i nyin ta é, bo é nin Christ é ti swran wunmuan'n, o man é ken i nde'n nanwle su.

2 Korɛntfuɛ Mun 5:11

Ke é si ke é Min'n yô srô'n, é kan nde wéiin klé swran mun nan bé katyi. Nyanmien si é kpa, ye é bu i ke amun kusu an si min kpa.

2 Korɛntfuɛ Mun 6:8

Tyen'n wié bé bu é swran, tyen'n wié bé gua é nyin asé, tyen'n wié bé bô é dunman te, tyen'n wié bé bô é dunman kpa. Bé bu é gblefue, sannge é di nanwle,

2 Korɛntfuɛ Mun 7:14

N fa amun di n nuan kléé Tite, ye an kusu amuan gua'a min nyin asé. Ke nde kwlaa nga n kan kléé amun'n ti nanwle'n, i kunngba'n n nuan bo n fa amun di klélii'n i kusu ti nanwle.

Efɛzfuɛ Mun 4:14

Ke o kô yô so'n, é ti'a ba kaan kun bo é fa atô nde kwlaa nga swran'm bé gble'n ti bé ken ke bé fa lakalaka swran mun'n su, b'o man é ko wa ko wa ke mméli bo aunngban'n fe ko wa ko wa'n sa.

Efɛzfuɛ Mun 5:12

Afin sa nga swran so'm bé fia yô'n, i kanle'n yô nyannzuen.