2 Korɛntfuɛ Mun 3:3 - Nyanmien nde Ufle

³ Bé wun ke an ti fluwa bo Christ kle fa sunmaan é. Wa fa'a crayon a klemen yebue paplapa wié su, sannge o fa Anannganman Nyanmien Wawe'n ye o fa klee swran'm bé awlen'n nuon.

NYANMIƐN NDƐ'N 1998

³ Be wun kɛ an ti fluwa bɔ Krist klɛ fa sunmannin ye. W'a fa-man kleyɔn a klɛ-mɛn i yɛbuɛ paplapa wie su, sanngɛ ɔ fa Nyanmiɛn b'ɔ lafi-man'n i Wawɛ'n yɛ ɔ fa klɛli i sran'm be anwlɛn'n nun-ɔn .

2 Korɛntfuɛ Mun 3:3 ပူးပေါင်းရင်းမြစ်များ

Matthieu 16:16

Simon Pierre sé ke: A ti Christ, Anannganman Nyanmien'n i Wa.

1 Korɛntfuɛ Mun 3:5

Anh nian: ?Apollos ti nzu? ?M Paul kusu n ti nzu? É ti dyunman difue bo é nde bo é kannin'n ti ye an lafii Jésus suo.

2 Korɛntfuɛ Mun 3:6

I kunngba'n ye man é kwla di sa ufle nga i waan oh yôh man swran'n i dyunman nion. O ti'a mmla bo bé klelio, sannge o ti Nyanmien Wawe'n lie. Afin mmla nga bé kleli'n o man swran wu, sannge Nyanmien Wawe'n lie'n o man swran nyan nguan.

2 Korɛntfuɛ Mun 3:7

Mmla nga bé kleklee yebue'n su'n o man swran wu, sannge i nun nga Nyanmien fah man'n, bé wuun i bobo nyannyannyan. O ti liké b'o wié, sannge o man Moïse nyrun'n yô nyannyannyan lélélé o man Israëlfue'm bé kwla nie'en i nyrun tye'a su. Se i bale'n nun o yô so'n,

2 Korɛntfuɛ Mun 6:16

?Bé kwla fa sua kun yô Nyanmien nin amuen'm bé sua? Afin é ti Anannganman Nyanmien'n i sua, afin Nyanmien bobo waan: «Min nin bé éh tranh, éh sanh nun, Nh yôh bé Nyanmien, ye bé kusu béh yôh n swran.»

1 Tɛsalonikfuɛ Mun 1:9

Ke é oo amun wun lo'n, nun sole nga an fa soo yé'n, swran'n kwlaa bé ken i nde. Bé sé ke an yatyii amuen mun, an fa amun wun maan Anannganman Nyanmien Kpli b'o ti nanwlefue'n,

Hébreu 10:16

«É Min'n sé ke: Nian sa nga n waan, Tyen wié lélé nh yôh man bé'n ye: M man min mmla'n tranh bé awlen'n nun, Ye nh fah kle bé akunndan'n nun.»

Hébreu 8:10

É Min'n sé ke: Nian sa nga n waan tyen wié lélé nh yôh Man Israël ôsufue mun'n ye: M man min mmla'n tranh bé klun, Ye nh fah kle bé awlen'n nun. Nh yôh bé Nyanmien, Ye bé kusu béh yôh n swran

Hébreu 9:14

Se o ti so'n, Christ kwla fe i mmôdya lie'n kusu yô liké b'o tra wun asô bôle'n fatifati! Ke o ti aôlia nun swran b'o ti anannganman'n ti'n, o fe i bobo bo fien kaan nu'en i wun'n maan Nyanmien. O man liké nga bé yô'a liké fi yé bo é yô bé man é klun titi yé'n, oh wiéh nan é kwla su Anannganman Nyanmien'n!

Sa nglô yile 2:1

Nian nde nga n klô ke a kle kô man Éphèse asonun'n i ange'n ye: M bo nzraama nsô'n wô n sa fama'n nun, bo n nantinanti sika okwle kannin nsô bo bé dyindyin le'n bé afien'n, n sé ke yiô:

Sa nglô yile 2:12

Nian nde nga n klô a kle kô man Pergame asonun'n i ange'n ye: M bo kaka nnana kpa'n wô n sa nun'n, n sé ke yiô:

Sa nglô yile 2:18

Nian nde nga n klô ke a kle kô man Thyatire asonun'n i ange'n ye: M bo n ti Nyanmien Wa, bo n nyinma'n so ke sin sa, bo n dya'm bé ti ke aaba bo ba kpite i wun'n sa'n, n sé ke yiô:

Sa nglô yile 2:8

Nian nde nga n klô ke a kle kô man Smyrne asonun'n i ange'n ye: M bo n ti liké'n kwlaa i klikli nin i awiélie'n, bo n wuli, n tyennin'n, n sé ke yiô:

Sa nglô yile 3:1

Nian nde nga n klô ke a kle kô man Sardes asonun'n i ange'n ye: M bo n le Nyanmien i Wawe'n nsô'n, bo nzraama nsô'n wô n sa nun'n, n sé ke yiô: N si amun nyôlie'n, swran'm bé sé ke amun nyin ô su, sannge amuan wu.

Sa nglô yile 3:14

Nian nde nga n klô ke a kle kô man Laodicée asonun'n i ange'n ye: M bo bé fle min Mon-o-yô-so'n, bo n kan nde nanwle, bo bé kwla fa bé wla gua n su'n, bo min ye Nyanmien man n yii liké'n kwlaa'n, n sé ke yiô:

Sa nglô yile 3:22

Swran ng'o si fa sié'n, mon o tié nde nga Nyanmien Wawe'n kan klé asonun mun'n!

Sa nglô yile 3:7

Nian nde nga n klô ke a kle kô man Philadelphie asonun'n i ange'n ye: M bo n ti Nyanmien lie, bo n ti nanwlefue, bo David la clé'n wô n sa nun, bo n nyin anuaan swran kwla tikéman, ye se n tikéo swran kwla nyinman'n, n sé ke yiô: