2 Korɛntfuɛ Mun 11:3 - Nyanmien nde Ufle

³ Sre kun min ke bé wa satyi amun ti nun, o man an su fa'a amun wla'n kwlaa gue'e Christ su kun, ke wuô i gble'n ti o laka Ève b'o nyenniin'n sa.

NYANMIƐN NDƐ'N 1998

³ Srɛ kun min kɛ nan man be wa saci amún ti nun b'ɔ man an su fa-man amún wla'n kwlaa guɛ-mɛn i Krist su kun, ɔ ´yo kɛ kɛ wuo i gblɛ'n ti ɔ laka Ɛv b'ɔ nyɛnnin i'n sa .

2 Korɛntfuɛ Mun 11:3 ပူးပေါင်းရင်းမြစ်များ

Kolɔsfuɛ Mun 2:8

Anh sasa amun wun, nanh man swran fi fe i sa ng'o si'n nin sa ngben wié fa laka amun, o nyan amun. Sa so'm bé fin lalafue'm bé nzuen'n, nin ninngé nga é nannan'm bé klé'n, bé fi'an Christ.

Galasifuɛ Mun 1:6

O bô n nuan kpa ke, ke é sé ye'n, amuan katyi amun sin a si i bo yé bo Christ yôli amun'n, ti o fleli amun'n, amuan fa dyasin fe ufle su'n.

Efɛzfuɛ Mun 4:14

Ke o kô yô so'n, é ti'a ba kaan kun bo é fa atô nde kwlaa nga swran'm bé gble'n ti bé ken ke bé fa lakalaka swran mun'n su, b'o man é ko wa ko wa ke mméli bo aunngban'n fe ko wa ko wa'n sa.

Kolɔsfuɛ Mun 2:4

N ken i so nan swran fi a fe'e i nuan nun fe a laka'a amun.

1 Jean 4:1

N swran kpa mun, nanh an lafi bé nga bé sé ke bé idyo Nyanmien Wawe'n nuan'n, bé ngba su, anh sa bé nian, se bé idyo Nyanmien nuan sakpa ô, annze se liké wié ye bé idyo i nuan ô. Afin bé nga bé ton bé wun suen ke bé ti Nyanmien nuan idyofue'n, bé kpanngban kpa ba ba men'n nun.

1 Timote 2:14

ye nanh Adam ye bé leke io, sannge Ève b'o ti bla nion. Ke bé leke bo bé nyenniin'n, ye o yôli sa te nion.

Sa nglô yile 12:9

Bé kaan dragon srôésrôé dan so'n nin i ange'm bé bô gua bé asie'n su wa. I ye bé flee wuô lalaa, nin mmusu'm bé si, nin Satan nion, i ye o laka men wunmuan nunfue'm bé kwlaa nion.

Hébreu 13:9

Nanh an fa liké wafawafa nga bé klé amun b'o nin é lie'n ti'a kun'n su man an yatyi atin kpafue'n. Se é tra é awlen kpa yé bo Nyanmien yôô yé'n ti'n, o ti kpa. Nanh man é bu ke alie dile mmla'n bo é fa su'n o kwla yô é kpa, afin bé nga bé faa su'n, wa yô'a sa fi yé a ma'an bé.

Jean 8:44

Amun si'n yele mmusu'm bé si Satan'n, ye an klô ke amunh yôh amun si so'n i klun sa. Ke o fin i bôbôle nun'n, o ti swran kunfue, o di'a nanwle mlonmlon, afin o si'a nanwle'n. O bua atô, afin atô'n ti i nzuen, atô'n ti i dyunman, i ye o ti atô buafue'm bé si nion.

Galasifuɛ Mun 3:1

Galatiefue sinnglinfue mun! ?Amun bo bé kaan Jésus-Christ i wule nde'n wéiin klé amun b'o man o yô ke o yôli amun nyrun sa'n, wan ye o wa lakaa amuon?

2 Korɛntfuɛ Mun 1:12

Sa nga ti ye é di é nuan'n ye: é si é klun lo kpa ke nantile wafa nga é fa nanti men'n nun'n, é nanti i so kpa amun nyrun tra su. É nuan nun ti'a nnyonnyon, Nyanmien man é di nanwle. Nanh swran ti blé ngwlele bo é si'n ti ye man é yô soo, sannge Nyanmien ye o dyran é sin ye man é yô soo.

1 Jean 2:18

Ba kanngan mun, ya dyu men'n i bué nuan. An tii i ke Christ Kpofue'n oh bah. Christ kpofue kpanngban ba ba, o man é si ke ya dyu men'n i bué nuan.

2 Piɛr 3:17

Sannge amun bo an ti n swran kpa, bo an si so laa'n, anh nian amun wun, nan amuan su'a swran tete bo bé yô sa b'o ti'e i su'n bé su, nan amun ta a kpoman.

Galasifuɛ Mun 4:11

Se afe nga man fe amun ti lélélé'n o yô ngben'n, oh yôh n ya.

2 Korɛntfuɛ Mun 2:17

É ti'a ke swran wié'm bo bé yô Nyanmien nde'n ke bé nga bé yô ninngé sukusuku'n bé ate'n bé lie'n sa. Sannge ke Nyanmien sunmaan é, bo i nyin ta é, bo é nin Christ é ti swran wunmuan'n, o man é ken i nde'n nanwle su.

2 Piɛr 3:3

Man an si kpa ke, tyen wié lélé ke men'n oh koh i bué nuan'n, swran wié'm béh bah, béh yôh sa nga bé klun klô'n, béh dih amun to,

2 Timote 3:13

Sannge swran nga bé klun yô wi bo bé ti gblefue'n, bé sa te nga bé yô'n i te'n oh trah laa lie'n, béh lakah swran mun ye béh lakah bé bobo bé wun.

1 Tɛsalonikfuɛ Mun 3:5

I so'n ti, ke man kwla tra'a min awlen kun'n, n sunmaan Timothée ke o kô nian, se amun te lafi Christ su ô, se wiénuon Lakafue'n wa laka amun man é dyunman'n wa yô ngben ô.

Efɛzfuɛ Mun 6:24

Ye é Si Nyanmien man bé kwlaa nga bé klô é Min Jésus-Christ lélé gue i ti nin i bô'n bé nyan yé.

Galasifuɛ Mun 2:4

San bé nga bé ton bé wun suen ke bé ti é niaan'n, bé ye bé klô ke o yô soo. Bé wluu é nun blelelele ke béh kplah é nian é ti bo é bo é nin Christ-Jésus ya katyi swran wunmuan'n ya nyen'n ti, nan béh fah é wla kanga'n nun.

2 Korɛntfuɛ Mun 4:2

É wla liké nga bé yô nyannzuen ti bé fiafia su'n bé asé, é yô'a liké gblegble nun, é sannga'an Nyanmien nde'n, sannge ke é kan nde wéinwéin Nyanmien nyrun'n, o man swran'n kwlaa bé wun é wafa nga é ti'n.

Matthieu 24:24

Afin bé bo bé ton bé wun suen ke bé ti Christ'n, o nin bé bo bé ton bé wun suen ke bé ti Nyanmien nuan idyofue'n, bé wa dyaô, béh yih atre, béh yôh abônuan sa mun lélé ke bé fa laka bé bo Nyanmien faa bé'n bobo, se bé kwla nyan bé ô.

Jude 1:4

Afin swran wié mun bo bé srô'a Nyanmien'n ba'a wlu é nun blelele. Bé fa yé nga Nyanmien yôô bé'n kata bé nyin yô sa tete'n kwlaa, bé bu'a Jésus-Christ bo i kunngba ye o ti é Min'n nin é Liké Kléfue'n i liké fi. Swran so'm bé fo bule nde'n bé kle siéé le lalaa.

Tite 1:10

Afin swran kpanngban bé nyin ti kéklé, bé kan nde ngbenngben fa laka swran mun. Bé kpanngban lika bé fin Juif'm bo ba katyi Christfue'n bé nun.

1 Timote 1:3

Ke nh koh Macédoine'n, n séli o ke a ka Éphèse lo nan a tu swran wié'm bé fo ke, nanh man bé klé liké ufle,

Kolɔsfuɛ Mun 2:18

Nanh man swran b'o klô ke bé bu i aénvuefue'n, b'o kôtô ange'm bé bô, b'o fe i aôlia nun ninngé b'o wunnin bé'n di i nuan'n, o dé amun liké kpa nga an nyenniin'n. Swran so'n ke o bu liké nga o si'n i akunndan'n o tu i wun, i wun tule so'n ti ngben.

2 Korɛntfuɛ Mun 11:29

Se swran kun le'a wunmien'n, n kusu n wun ke n le'a wunmien. Se swran wié yô sa te'n, o yô n ya kpa.

Rɔmfuɛ Mun 12:8

ye swran nga b'o man o si swran'm bé afotue man'n, mon o man. Swran ng'o man swran liké'n, mon o tu i klun yô, ye nga kusu b'o dyran swran'm bé nyrun'n, mon o nian su kpa yô, ye nga bo i waa n oh yôh swran yé'n, mon o yô i klun-ufué su.

Sa nglô yile 20:2

O tra dragon (*f46*) bo bé flee wuô lalaa, nin mmusu'm bé si, nin Satan'n, o tyilii, o ka le lélé afue akpi.

2 Korɛntfuɛ Mun 11:20

An kplin su man bé fa amun katyi bé akua, bé fa amun di, bé di amun luflé, bé tu bé wun gua amun wun, bé kpatyi amun nyrun!

Efɛzfuɛ Mun 4:22

I so'n ti, anh wla amun nzuen laa b'o man an yô sa ng'o fataman'n i asé. I ti ye amun nyin blô ninngé'm bé su, an laka amun wun lélé an satyi nion.

Sa nglô yile 12:15

Wuô so'n man nzué ke nzué ba dan sa fin i nuan nun sôndyi suu bla'n su ke o fe wo.