1 Timote 6:9 - Nyanmien nde Ufle

⁹ Sannge bé nga bé klô ke béh nyanh bé wun'n, lakafue'n laka bé. Ninngé ngbenngben bo bé kônvi so bé'n nin bé nyin b'o blô ninngé tete kpanngban b'o satyi swran b'o man bé agualie'n gua'a bé kpa'n, bé su'n, o katyi ke aya sa, bé to nun o tra bé.

NYANMIƐN NDƐ'N 1998

⁹ Sanngɛ be nga be klo kɛ be ´nyan bé wun'n, lakafuɛ'n ´laka be. Ninnge ngbɛn-ngbɛn bɔ be konvi sɔ be'n nin bé nyin b'ɔ blo ninnge tɛtɛ kpanngban b'ɔ saci sran b'ɔ man be agualiɛ'n ɔ gua-man be kpa be wu'n, be ´kaci kɛ aya sa, be ´tɔ nun ɔ ´tra be.

1 Timote 6:9 ပူးပေါင်းရင်းမြစ်များ

Matthieu 13:22

Ye nduin'n bo awié'n toli nun'n, yele swran ng'o ti Nyanmien nde'n, sannge men'n nun ninngé'n i ngôkôe'n nin anyanbéun'n i klôle'n o tra Nyanmien nde'n, o man o yô'a kpa.

Matthieu 19:22

Ke gbanflen'n tii nde so'n, o yô i ya, o dyaô oli, yele ke o ti anyanbéunfue dan.

Matthieu 26:15

o usa bé ke: ?Se n fe man amun'n, nzu ye amunh manh mion? Nan bé nen a su ke béh menh i dyete ufué ablasan.

Matthieu 6:19

Nanh an sié amun awlen su ninngé'm bé wa, afin nvole nin annganblale bé satyi bé, ye awiéfue'm bé bu anuan'n bé wua asie'n su wa.

Marc 4:19

sannge men'n nun ninngé'n i ngôkôe'n, nin anyanbéun i klôle'n, nin bé nyin b'o blô ninngé wié'm bé su'n, o tra Nyanmien nde'n, o man o wloman.

JÉSUS-CHRIST I DYASIN FE'N BO LUC KLELI'N 12:21

Swran ng'o kunnde ninngé ke oh nyenh i wun, b'o le'a Nyanmien ninngé'm bé wié fi'n, ke o ti soo.

JÉSUS-CHRIST I DYASIN FE'N BO LUC KLELI'N 21:35

Afin tyen so'n o wa fu swran'n kwlaa bo bé ô men wunmuan'n nun'n bé nun ke aya sa.

Sa nga bé yôli'n 8:20

Ye Pierre sé i ke: Man a nin o sika'n bé o nyrennen lika'n nun lo, yele ke a bui ke a kwla fa sika tô Nyanmien liké b'o fa tye'n.

Efɛzfuɛ Mun 4:22

I so'n ti, anh wla amun nzuen laa b'o man an yô sa ng'o fataman'n i asé. I ti ye amun nyin blô ninngé'm bé su, an laka amun wun lélé an satyi nion.

1 Timote 1:9

Afin é si ke, nanh bé nga bé ti swran kpa'n bé ti ye bé siéé mmla nion. Sannge bé sié maan bé nga bé ti'a kpa'n, nin nyin kékléfue, nin bé bo bé srô'a Nyanmien'n, nin sa te yôfue, nin bé bo bé nyin yi'a Nyanmien bo bé bu i ninngé'm bé finfin'n, nin bé bo bé kun bé si nin bé nin'n, nin swran kunfue,

1 Timote 3:7

Mon o yô swran bo bé nga bé ti'a Christfue'n bé bô i dunman kpa nan ba ke'en i wun nde, nan wa to'a aya nga mmusu'm bé si Satan'n suali'n nun.

1 Timote 6:10

Afin sika klôle'n ye o ti sa tete'n kwlaa i bo nion. Swran wié'm bé fa bé nyin blôô nun lélé bé lafi'a Nyanmien su kun, o man awlabôe'n wa kun bé kpô.

1 Timote 6:17

Kan klé ble nga é ô nun ye'n i nun anyanbéunfue'm bé ke, nanh man bé di tutré, nanh man bé fa bé wla gue bé anyanbéun b'o su ka'a le'n su, sannge bé fa gue Nyanmien b'o man é liké kwlaa b'o man é klun dyo'n i su.

2 Timote 2:26

O man bé nyin tih, béh flôh aya nga mmusu'm bé si Satan suali b'o traa bé b'o man bé yô i klun sa'n nun.

Tite 2:12

Yé so b'o yôô yé'n, é yô sa ng'o ti i nuan su'n, nin sa ng'o ti kpa'n, ye é srô Nyanmien.

2 Piɛr 2:3

Bé nyin b'o blô ninngé'm bé su'n ti, béh kpeh bé ti nun kan nde mun, béh fah amun kunnde bé sika. Bé buu bé fo wa tye, san béh mlinh.

Jude 1:11

I sofue'm bé yakô! Afin bé fa atin kunngba nga Caïn faa su'n su wié. Ke o yô nan ba nyan sika'n, bé fa bé wun wlaa sa tete yôle'n nun ke Balaam lie'n sa. Ke bé yôô nyin kéklé ke Coré lie'n sa'n, ye bé mlinnion.