1 Timote 6:4 - Nyanmien nde Ufle

⁴ o tu i wun, o si'a liké fi. Nde'm bé akplôwa sile'n o nin liké'm bé su utré dile'n o katyi i wun ke tukpatye sa. I kwlaa so'n ye man swran'm bé nyin tyi swran, bé di utré, bé kpe bé wun nzôwa, bé bu swran'n wié sa te yôfue nion.

NYANMIƐN NDƐ'N 1998

⁴ wuun i sɔfuɛ'n wun tufuɛ-ɔ yɛ ɔ si-man like fi. Ndɛ'm be akplowa silɛ'n ɔ nin like'm be su utre dilɛ'n be kaci kɛ tukpacɛ yɛ ɔ wo i su sa. I kwlaa sɔ'n yɛ man sran'm bé nyin ci sran b'ɔ man be di utre yɛ be kpɛ bé wun nzowa, b'ɔ man be bu sran'n wie sa tɛ yofuɛ nin-ɔn.

1 Timote 6:4 ပူးပေါင်းရင်းမြစ်များ

Sa nga bé yôli'n 15:2

Ke Paul nin Barnabas bé kpalô bé nuan, bo bé nin bé sii akplôwa dan'n, i sin bé bu akunndan bé waan, Paul nin Barnabas nin bé nun wié mun bé o Jérusalem, bé bo Jésus sunmaan bé'n bé nin kpenngben'm bé dyasu, bé kô kan nde so'n.

Sa nga bé yôli'n 18:15

Sannge se an sii akplôwa nde wié su ô, dunman wié su ô, amun bobo amun mmla wié su ô, o ti amun bobo amun nde. N klô'a ke m bua nde so'n nun.

Sa nga bé yôli'n 8:9

Bian kun ô klo so'n su, bé flee Simon, o yi atre o bô Samariefue'm bé nuan, o yô i wun swran dan.

Rɔmfuɛ Mun 12:16

Man amun nuan se. Nanh an bu akunndan dandan, se bé sé amun ke an di dyunman b'o ti'a dyunman kpa'n, anh di. Nanh an bu amun wun ngwlelefue.

Rɔmfuɛ Mun 13:13

Man é yô sa bo bé ti nanwle'n ke é ô wia klénglé kpa'n nun sa. Man é yatyi nzanbôe'n, nin nzanbôe nyôlie'n, ye bé wun wannzô yôle'n, bla nin bian kunndele'n, wlaka bôle'n, utré'n, nin swran nyin tyile'n.

Rɔmfuɛ Mun 14:1

Swran nga ke o lafii Christ su'n o nian wu'an sa ng'o yôo o ti su'n i wle'n, anh bui amun niaan, nanh amun nin i si akplôwa.

Rɔmfuɛ Mun 2:8

Bé nga kusu bo bé bu bé bobo bé wun akunndan, bo bé bu'a swran ufle akunndan, bo bé fa'a nanwle nde'n su, bo sa te'n ye bé klôé'n, oh fah bé wun ya dan i awlen bo bé fite'n ti.

1 Korɛntfuɛ Mun 11:16

Nde nga n ken ye'n, se swran nga i waan oh sih i akplôwa'n, mon o si ke é nin Nyanmien i asonunfue mun é le'e i wafa ufle bo é yôo.

1 Korɛntfuɛ Mun 11:18

afin n tii i ke, ke an yia asonun'n nun'n, an bubu nun, ye m bu i ke oh yôh so,

1 Korɛntfuɛ Mun 3:18

Nanh man swran fi leke i wun, swran ng'o bu i wun ke o si sa'n, mon o yô i wun sinnglinfue, nan wa katyi ngwlelefue.

1 Korɛntfuɛ Mun 3:3

afin an te yô ke swran b'o ti'a Christfue sa. ?Ke amun nyin tyi amun wiéngu bo utré ô amun afien'n, an ti'a ke swran b'o ti'a Christfue sa? ?Ye nanh sa nga klo swran yô'n ye an yôo?

2 Korɛntfuɛ Mun 11:20

An kplin su man bé fa amun katyi bé akua, bé fa amun di, bé di amun luflé, bé tu bé wun gua amun wun, bé kpatyi amun nyrun!

Galasifuɛ Mun 5:15

Sannge se an kaka amun wun bo an titi amun wiéngu sa bui'n, anh nian amun wun kpa, nanh amun wiéngu satyi amun.

Galasifuɛ Mun 5:26

Nanh man é kunnde dunman, nanh man é yô sa b'o kun é wiéngu ya, nanh man é fa é nyin tyi é wiéngu.

Galasifuɛ Mun 6:3

Se swran kun bu i wun ke o ti swran dan b'o ti'a so'n, wuun wa leke i bobo wun.

Filipfuɛ Mun 1:15

Nanwle, bé nun wié'm bé nyin b'o tyi min'n nin akplôwa sile'n ti ye bé kan Christ nde nion, sannge wié'm bé akunndan bo bé fa kan'n ti kpa.

Filipfuɛ Mun 2:14

Liké kwlaa nga amunh yôh'n, nanh an idyo amun kônviabô, nanh an katyi amun nuan,

Filipfuɛ Mun 2:3

Nanh an bu amun bobo amun wun akunndan yô liké fi, nanh an kunnde amun dunman, nanh an tu amun wun, sannge anh bu swran wié'm bé swran tra amun bobo.

Kolɔsfuɛ Mun 2:18

Nanh man swran b'o klô ke bé bu i aénvuefue'n, b'o kôtô ange'm bé bô, b'o fe i aôlia nun ninngé b'o wunnin bé'n di i nuan'n, o dé amun liké kpa nga an nyenniin'n. Swran so'n ke o bu liké nga o si'n i akunndan'n o tu i wun, i wun tule so'n ti ngben.

2 Tɛsalonikfuɛ Mun 2:4

Oh kpoh liké kwlaa nga swran'm bé bu bé Nyanmien lie'n nin liké kwlaa nga swran'm bé kôtô bé bô bé so bé'n, oh feh i ti kplakpla bé lélé o kô tran Nyanmien sua dan'n nun, oh séh ke i bobo ye o ti Nyanmien nion.

1 Timote 1:4

nanh man bé fa bé wla gua ngôwa nin bé nannannannan'm bé ôsu finwle b'o wié'a mlonmlon'n b'o kpe sae'n bé su. Sa so'm bé uka'a swran ke o lafi Nyanmien su o yô sa ng'o ti i klun sa'n.

1 Timote 1:7

Bé klô ke béh yôh mmla'n i kléfue, sannge bé wu'an nde nga bé bobo bé kan'n nin liké nga bé dyran su ke o ti nanwle sakpa'n bé wle.

1 Timote 3:6

Nanh mon o yô swran b'o fe i wun man Nyanmien o nian tyeman, se o yô so'n, o tyeman nan wa tu i wun, nan fo bule kunngba nga bé buu mmusu'm bé si Satan'n ba bu i wié.

2 Timote 2:14

Kan nde nga klé bé kwlaa, kan flan nun. Nyanmien Kpli ti o lalôfue, sre bé kpa ke bé yatyi nde'm bé su utré dile'n b'o yô'a liké fi yé'n, o sanngan bé nga bé ti'n bé akunndan.

2 Timote 2:23

Sannge nanh fo o wun wla sinnzin akplôwa sile b'o yô'a sa fi yé'n nun, afin a si ke akplôwa'n i bô agualie yele utré.

2 Timote 3:4

béh yih bé dyanvue mun man, béh yôh liké bé su bué i akunndan, béh dih tutré, béh klôh men dile'n tra Nyanmien,

Tite 3:9

Sannge nanh fo o wun wla sinnzin akplôwa sile'n, nin bé nannannannan'm bé ôsu finwle i kunndele'n, nin utré, nin mmla'n su akplôwa sile'n bé nun. Bé ti liké ngben b'o yô'a sa fi yé.

Jacques 1:19

N niaan kpa mun, anh bu nde nga akunndan! Man swran'n kwlakwla bé sié bé su bé tié nde nga bé kan'n kpa, nanh man swran fi kan nde ndende, nanh man bé fa ya ndende.

2 Piɛr 2:12

Sannge swran so'm bé yô sa ke blô nnen bo bé wu'an sa wle, bo bé wu bé ke bé tra bé bé kun bé'n bé lie'n sa, ye liké nga bé wu'en i wle'n, bé ken i nde ke o ti'a kpa. Béh wuh ke blô nnen'm bé lie'n sa.

2 Piɛr 2:18

Bé idyo dandan ngben, bé fa ninngé nga klo swran nyin blô su'n laka bé nga bé nin bé wiéngu bo bé fa'a atin kpafue'n su'n bé su bu'n.

Jude 1:10

Sannge bé lie'n, liké nga bé wu'en i wle'n, bé ken i nde ke o ti'a kpa. Ye bé sa wle nga bé wuin'n, o ti ke blô nnen'm bé lie'n bo bé wu i nin bé'n sa. Sa nga bé wun bé wle so'n ye bé satyi béo.

Jude 1:16

Bé idyo bé kônviabô, bé fa sa'n kwlaa gua swran wié'm bé su, bé yô sa nga bé klun klô'n, bé di bé nuan, bé fa bé nuan nun fe kunnde liké swran'm bé sa nun.

Sa nglô yile 3:17

An sé ke an ti anyanbéunfue, amuan nyan amun wun, liké fi mia'an amun. An si'a ke an ti nyrennenfue, an yô annvo, an ti yalefue, an ti anyansifue, amun wun kplen.