1 Timote 6:20 - Nyanmien nde Ufle

²⁰ Timothée, fa sa nga bé kan kléé wo'n su kpa. Nanh sié o su nde ngbenngben b'o nin Nyanmien nde'n ti'a kun'n, nin akplôwa nga bé bo bé bu bé wun ke bé si sa'n bé si'n bé su.

NYANMIƐN NDƐ'N 1998

²⁰ Timote, n sran kpa, fa sa nga be kan kleli wɔ'n su kpa. Ndɛ ngbɛn-ngbɛn b'ɔ nin Nyanmiɛn ndɛ'n ti-man kun'n, nin akplowa nga be bɔ be bu bé wun kɛ be si sa'n be si'n, nán sie ɔ su bé su.

1 Timote 6:20 ပူးပေါင်းရင်းမြစ်များ

Sa nga bé yôli'n 16:1

Paul oo lélé dyuu Derbe nin Lystre. O wuun Jésus sonnzonfue kun Lystre lo, bé flee Timothée. O ti Juif bla kun b'o lafi Jésus su'n i wa, i si'n ti Grec.

Sa nga bé yôli'n 17:18

Fluwa sifue dandan wié'm bo bé fle bé épicurefue nin stoïquefue'n bé nin Paul kaan nde. Bé wié'm bé sé ke: ?Fiaifue nga i wannze? Ye wié'm bé sé ke: O su kan nvlé wié'm bé amuen nde. Sa ti bo bé ken i so'n yele ke o kan Jésus nde nin swran'm bé tyenle nde.

Sa nga bé yôli'n 17:21

Yele ke Athènesfue'm bé nin aôfue bo bé tran le'n, bé yô'a liké fi, san nde nga ba dyu su'n bé tiéle nin bé kanle.

Rɔmfuɛ Mun 1:22

Bé bu bé wun ngwlelefue, o man bé katyii sinnglinfue.

Rɔmfuɛ Mun 3:2

Liké'n kwlaa nun nga bé nyen'n tra swran wié'm bé lie'n. Afin bé ye Nyanmien fe i nde'n maan béo.

1 Korɛntfuɛ Mun 2:6

Sannge ngwlele nde ye é kan klé swran bo bé nyin a ti muon. Ngwlele so'n fi'an é ble su, nin é wléngbi mun bo bé ble lie'n o wa wié'n.

1 Korɛntfuɛ Mun 3:19

Afin swran'm bé ngwlele'n bo bé waan bé sii'n, o ti sinnzin Nyanmien nyrun. Afin bé klee ke: «Ngwlelefue'm bé bobo bé gble bo bé kpe'n ye Nyanmien fa tra béo.»

Kolɔsfuɛ Mun 2:18

Nanh man swran b'o klô ke bé bu i aénvuefue'n, b'o kôtô ange'm bé bô, b'o fe i aôlia nun ninngé b'o wunnin bé'n di i nuan'n, o dé amun liké kpa nga an nyenniin'n. Swran so'n ke o bu liké nga o si'n i akunndan'n o tu i wun, i wun tule so'n ti ngben.

Kolɔsfuɛ Mun 2:8

Anh sasa amun wun, nanh man swran fi fe i sa ng'o si'n nin sa ngben wié fa laka amun, o nyan amun. Sa so'm bé fin lalafue'm bé nzuen'n, nin ninngé nga é nannan'm bé klé'n, bé fi'an Christ.

2 Tɛsalonikfuɛ Mun 1:4

Ye é fa amun di é nuan Nyanmien i asonun'm bé nun, afin yale kwlaa nga bé klé amun'n nin nyrennen nga an wuin'n, i kwlaa so'n nun, an tra amun awlen an lafi Christ su.

2 Tɛsalonikfuɛ Mun 2:15

I so'n ti, aniaan mun, anh dyran kéklé, ye liké nga é kléé amun'n, se é ken é nuan nun ô, se é klee fluwa nun ô, anh fa su.

1 Timote 1:11

Ke bé klee Nyanmien Kpli bo bé bô i dunman fe titi'n i dyasin fe'n b'o fa wla n sa nun'n nun soo.

1 Timote 1:2

nh kleh fluwa nga ble o Timothée. A ti n wa sakpa, afin min ye man a lafii Christ suo. Man é Si Nyanmien nin é Min Christ-Jésus bé man a nyan yé, man bé si wo aunnvue, ye man o wun dyo o fouun.

1 Timote 1:4

nanh man bé fa bé wla gua ngôwa nin bé nannannannan'm bé ôsu finwle b'o wié'a mlonmlon'n b'o kpe sae'n bé su. Sa so'm bé uka'a swran ke o lafi Nyanmien su o yô sa ng'o ti i klun sa'n.

1 Timote 1:6

Swran wié'm ba yatyi ninngé so'm bé yôle, ba fa bé wun a wle nde ngbenngben'm bé kanle nun.

1 Timote 1:9

Afin é si ke, nanh bé nga bé ti swran kpa'n bé ti ye bé siéé mmla nion. Sannge bé sié maan bé nga bé ti'a kpa'n, nin nyin kékléfue, nin bé bo bé srô'a Nyanmien'n, nin sa te yôfue, nin bé bo bé nyin yi'a Nyanmien bo bé bu i ninngé'm bé finfin'n, nin bé bo bé kun bé si nin bé nin'n, nin swran kunfue,

1 Timote 4:7

Sannge nanh fa nde b'o ti'a Nyanmien lie b'o ti ke bla ôké'm bé nde sa'n bé su. Mion o nyin mantan Nyanmien kpa.

1 Timote 6:11

Sannge o bo a ti Nyanmien i swran'n, nanh fo o wun wle ninngé so'm bé yôle nun. Mion o nyin yô sa ng'o ti kpa'n, fo o wun mantan Nyanmien, lafi i su, klô Nyanmien nin swran, tro o awlen, yô weteefue.

1 Timote 6:14

Liké nga o séé o ke a yô'n, nian su yôé sese, nan tyen nga é Min Christ-Jésus yih i wun nglô'n, ba kputu'a o.

2 Timote 2:1

I so'n ti, o lie'n, n wa, yé nga ké nin Christ-Jésus é katyii swran wunmuan'n o yôô yé'n ti, dyran kéklé.

2 Timote 2:16

Nanh fo o wun wla nde ngbenngben b'o nin Nyanmien nde'n ti'a kun'n bé nun, afin bé nga bé yô so'n, bé fa'a bé wun manta'an Nyanmien lélé bé nin i bu.

Tite 1:14

nan ba lafi'a Juif'm bé nde b'o ti ke ngôwa sa'n su, ye ba yô'a sa nga swran nga ba yatyi nde nanwle'n bé sé bé ke bé yô'n ti.

Tite 1:4

O man nh kleh fluwa nga ble o Tite bo a ti n wa sakpa'n, yele ke é nnyon'n Nyanmien kunngba'n su ye é lafio. Man é Si Nyanmien nin é Défue Christ-Jésus be man a nyan yé, ye man o wun dyo o fouun!

Tite 1:9

Mon o yô swran b'o lafi nde nanwle nga bé klélii'n su kpa, nan nde nanwle b'o klé'n ti, o kwla tu bé fo, ye o klé bé nga bé kpalô i nde'n ke bé si ke ba fon.

Tite 3:9

Sannge nanh fo o wun wla sinnzin akplôwa sile'n, nin bé nannannannan'm bé ôsu finwle i kunndele'n, nin utré, nin mmla'n su akplôwa sile'n bé nun. Bé ti liké ngben b'o yô'a sa fi yé.

Sa nglô yile 3:3

I so'n ti, anh bu nde nga bé kan kléé amun, bo an fa su'n i akunndan, anh fa su, anh katyi amun nzuen'n. Se amuan tinngéman'n, m ma fu amun nun ke awiéfue sa, an su si'a do nga mh bah'n.