1 Timote 6:18 - Nyanmien nde Ufle

¹⁸ Sé bé ke bé yô sa ng'o ti kpa'n, bé yô swran yé, ye o ti anyanbéun kpa nion. Man bé yô aklunyé, bé tye swran liké.

NYANMIƐN NDƐ'N 1998

¹⁸ Se be kɛ be yo sa ng'ɔ ti kpa'n, yɛ be yo sran ye, i sɔ'n yɛ ɔ ti anyanbeun kpa nin-ɔn. Man be yo aklunye, yɛ be cɛ sran like.

1 Timote 6:18 ပူးပေါင်းရင်းမြစ်များ

Matthieu 5:42

Swran ng'o sre o liké'n fa men, ye swran ng'o klô ke o fe liké o sa nun'n, nanh katyi o sin sii.

JÉSUS-CHRIST I DYASIN FE'N BO LUC KLELI'N 12:21

Swran ng'o kunnde ninngé ke oh nyenh i wun, b'o le'a Nyanmien ninngé'm bé wié fi'n, ke o ti soo.

JÉSUS-CHRIST I DYASIN FE'N BO LUC KLELI'N 3:11

O sé bé ke: Man swran ng'o le trale nnyon'n, o man swran ng'o le'a wié'n, i kun, ye swran ng'o le liké diwa'n, o yô i so kusu.

Sa nga bé yôli'n 10:38

Nyanmien fe i Wawe'n maan Jésus b'o fin Nazareth'n, o tinniin, o ko lika'n kwlaa o yô swran'm bé kpa, o yô bé kwlaa bo asie usu'm bé si Satan'n klé bé yale'n bé dyuédyué, afin Nyanmien dyin i sin.

Sa nga bé yôli'n 11:29

Jésus sonnzonfue'n kwlaa bé bô yôô kun ke swran'n kwlakwla bé fa liké nga bé sa dyu su'n, bé fa kô man aniaan nga bé ô Judée lo'n man bé fa ti bé wun nyaan nun.

Sa nga bé yôli'n 9:36

Jésus sonnzonfue bla kun ô Joppé lo, bé flee Tabitha, Grec nun yele Dorcas, bo i bô yele wannzannin. O ti klun ufuéfue kpa ye o yô yalefue'm bé yé.

Rɔmfuɛ Mun 12:13

Anh ti amun niaan Christfue'm bé wun nyanman nun. Anh yô aklunyéfue.

Rɔmfuɛ Mun 12:8

ye swran nga b'o man o si swran'm bé afotue man'n, mon o man. Swran ng'o man swran liké'n, mon o tu i klun yô, ye nga kusu b'o dyran swran'm bé nyrun'n, mon o nian su kpa yô, ye nga bo i waa n oh yôh swran yé'n, mon o yô i klun-ufué su.

1 Korɛntfuɛ Mun 16:2

Ke o yô nan ba minnde'a ke n dyu lo nan ba bô ndo'n, monnen'n b'o ti lé motyue'n i tyen ba klikli'n i kwlaa nun, man amun kwlaa an yiyi sika nga amun sa dyu su'n sié.

2 Korɛntfuɛ Mun 8:12

Afin se swran kun bobo klun su i waan oh manh Nyanmien liké'n, liké nga i sa dyu su b'o fa men'n, o so nun, o mia'an swran ke o men liké b'o lemen'n.

2 Korɛntfuɛ Mun 8:9

Afin an si yé dan nga é Min Jésus-Christ yôli yé'n. I b'o ti anyanbéunfue'n o katyii i wun yalefue amun ti, nan i yale so'n nun an katyi anyanbéunfue.

Galasifuɛ Mun 6:10

O man se é nyen i wun aladyé'n, man é yô swran'n kwlaa bé yé, sannge man é dun mmua yô man é niaan nga é nin bé é lafi Christ su'n.

Efɛzfuɛ Mun 4:28

Swran ng'o wua'n, mon o yatyi, o di dyunman nan o nyen i nuan nun alie nan o nyan wié ti swran wié'm bé wun nyanman nun.

1 Timote 5:10

Man bé wun ke o yô swran'm bé yé, o nien i mma'm bé su kpa, o ti aklunyéfue, o wunnzin Nyanmien swran'm bé dya, o uka yalefue mun, o yô sa kpakpa'n kwlaa.

Tite 2:14

É ti o fe i wun mannin, nan oh yih é sa tete'n kwlaa nun, nan é katyi i sa ti swran bo é wun sa tete'n kwlaa wa wié, bo é tu é klun yô swran yé.

Tite 3:8

Nde nga n keen ye'n ti nanwle wéiin. N klô ke a dyran nde so'n su kpa nan bé nga bé lafi Nyanmien su'n, bé fa yé yôle'n katyi bé dyunman. I so yôle'n ti kpa, o yô swran'm bé wun sa yé.

Hébreu 13:16

Nanh an yatyi sa kpa nin swran yé yôle'n, afin i so liké'n ye bé yôo o dyo Nyanmien kluon.

Jacques 2:5

N niaan kpa mun, anh sié amun su! ?Nyanmien a fa'a men nga nun yalefue mun ke bé yô anyanbéunfue i su bo bé lafi'n ti nan bé di famien nga i waan bé nga bé klôé'n, bé di'n wié?

1 Piɛr 3:11

Mon o wla sa tete'n i asé, o yô sa kpa, Mon o nin swran'n kwlaa bé nuan se, man swran'm bé afien siésiéle'n katyi i dyunman,

1 Jean 3:17

?Se swran kun ti anyanbéunfue, b'o wun i niaan wié bo i sa a mian, b'o ti'e i wun nyanman nun'n, nzu ye o klé ke o klô Nyanmien nion?

3 Jean 1:11

N swran kpa, nanh nian sa te nga bé yô'n su, sannge nian sa kpa nga bé yô'n su. Swran ng'o yô sa kpa'n, o ti Nyanmien lie, swran ng'o yô sa te'n, o si'a Nyanmien.