1 Timote 6:10 - Nyanmien nde Ufle

¹⁰ Afin sika klôle'n ye o ti sa tete'n kwlaa i bo nion. Swran wié'm bé fa bé nyin blôô nun lélé bé lafi'a Nyanmien su kun, o man awlabôe'n wa kun bé kpô.

NYANMIƐN NDƐ'N 1998

¹⁰ Afin sika klolɛ'n yɛ ɔ ti sa tɛtɛ'n kwlaa i bo nin-ɔn. Sran wie'm be fa bé nyin bloli nun lele be lafi-man Nyanmiɛn su kun, ɔ man awlaboɛ'n ɔ'a kun be kpo.

1 Timote 6:10 ပူးပေါင်းရင်းမြစ်များ

Matthieu 13:22

Ye nduin'n bo awié'n toli nun'n, yele swran ng'o ti Nyanmien nde'n, sannge men'n nun ninngé'n i ngôkôe'n nin anyanbéun'n i klôle'n o tra Nyanmien nde'n, o man o yô'a kpa.

Matthieu 23:13

Amun mmla kléfue nin Pharisifue dunman klôfue mun, an yakô! Yele ke an ma'an swran'm bé atin ke bé fa bé wun man Nyanmien ke o sié bé. Amun bobo an fa'a amun wun ma'an Nyanmien ke o sié amun, ye bé nga bé waan béh yôh'n, an kpli'an bé su.

Matthieu 6:19

Nanh an sié amun awlen su ninngé'm bé wa, afin nvole nin annganblale bé satyi bé, ye awiéfue'm bé bu anuan'n bé wua asie'n su wa.

Marc 4:19

sannge men'n nun ninngé'n i ngôkôe'n, nin anyanbéun i klôle'n, nin bé nyin b'o blô ninngé wié'm bé su'n, o tra Nyanmien nde'n, o man o wloman.

Kolɔsfuɛ Mun 3:5

I so'n ti, anh wla amun asie'n su wa nzuen'n bé asé, bla nin bian kunndele, sa tete yôle, bé kônvi b'o so nyannzuen sa mun'n, bé nyin b'o blô liké'm bé su'n, bé nyin b'o yi'a liké'n b'o nin amuen sole'n ti kun'n.

1 Timote 3:3

Nanh mon o yô nzanbôefue nin utré klôfue, sannge mon o yô weteefue b'o kunnde'a ndengan, nanh mon o yô swran bo i nyin yi'a liké.

1 Timote 6:21

Swran wié'm bé bu bé wun ke bé si sa so'n, o man bé lafi'a Nyanmien su kpa kun. Nh yrah n nuan ke an nyan yé!

1 Timote 6:9

Sannge bé nga bé klô ke béh nyanh bé wun'n, lakafue'n laka bé. Ninngé ngbenngben bo bé kônvi so bé'n nin bé nyin b'o blô ninngé tete kpanngban b'o satyi swran b'o man bé agualie'n gua'a bé kpa'n, bé su'n, o katyi ke aya sa, bé to nun o tra bé.

2 Timote 3:2

Afin swran'm béh buh bé bobo bé wun akunndan, béh yôh sika klôfue, béh dih bé nuan, béh tuh bé wun, béh satyih Nyanmien wun, bé nyin su yi'a bé si nin bé nin mun bé su si'a yé, bé nyin su yi'a Nyanmien,

2 Timote 4:10

afin men'n nun ninngé bo Démas klô bé'n bé ti wa wanndi min a o Thessalonique. Crescens kusu wa o Galatie, Tite a o Dalmatie.

Tite 1:11

Sé i sofue mun ke bé yatyi bé nde so'm bé kanle. Bé klé liké ng'o ti'e i su'n, bé fa kunnde sika ng'o ti'e i kunndewle'n, o man bé bô awlô'n wié sékésékéséké.

Jacques 5:19

N niaan mun, an si ke, se amun nun swran wié yatyi atin kpa'n b'o fa'a nde nanwle'n su kun'n, nan swran wié klé i atin kpafue'n,

Jude 1:11

I sofue'm bé yakô! Afin bé fa atin kunngba nga Caïn faa su'n su wié. Ke o yô nan ba nyan sika'n, bé fa bé wun wlaa sa tete yôle'n nun ke Balaam lie'n sa. Ke bé yôô nyin kéklé ke Coré lie'n sa'n, ye bé mlinnion.

Sa nglô yile 18:13

ayré fannin bo bé fa gua bé liké diwa nun'n, blofue nzué, myrrhe (*f3*), encens (*f2*), du vin, ngô, kpaun nzuen, blé b'o ti ke awié sa'n, nannin, bua, nnenkpanngo, kakaklôlô bo bé le dya nnan'n, nin kanga.