1 Timote 5:17 - Nyanmien nde Ufle

¹⁷ Asonun kpenngben ng'o sié asonun'n kpa'n, se bé bui swran bé yô i mô dan'n, i yôwle suo. Sannge bé nga bé yô bé lie'n tra su'n, yele kpenngben ng'o di dyunman kpa o kan Nyanmien nde, o klé liké'n.

NYANMIƐN NDƐ'N 1998

¹⁷ Asɔnun kpɛnngbɛn nga be sie asɔnun'n i kpa'n, man be bu be sran yɛ be yo be mo dan. I li kpɛnngbɛn nga be di junman kpa bɔ be kan Nyanmiɛn ndɛ yɛ be kle like'n, man be mo yolɛ liɛ'n yo dan tra su.

1 Timote 5:17 ပူးပေါင်းရင်းမြစ်များ

Matthieu 24:25

Man dun mmua bô su a klé amun.

JÉSUS-CHRIST I DYASIN FE'N BO LUC KLELI'N 10:7

Anh siké awlô so'n nun, liké kwlaa nga bé dii le'n, anh di wié, afin dyunman difue'n i sa ka'a ngben. Nanh an tu ko awlô ufle nun.

JÉSUS-CHRIST I DYASIN FE'N BO LUC KLELI'N 12:42

Ye é Min'n sé ke: ?Wan ye o ti swran kpa b'o si liké su nian kpa, bo i min'n fe sié i minnien'm bé su ke o man bé alie tyen bo bé siéli'n su nion?

Jean 4:38

N sunmaan amun ke an kô kpe awié lika nga amuan di'a dyunman le'n. Swran wié mun ye bé dii dyunman so'n, ye an fee i nun liké nion.

Sa nga bé yôli'n 11:30

Bé yiyi bé fa maan Barnabas nin Saul ke bé fa kô man lo kpenngben mun.

Sa nga bé yôli'n 20:35

N yô i so n fa klé amun nan amun kusu an di dyunman so, nan an wuka bé bo bé le'a wunmien'n. Anh bu é Min Jésus bobo i nde b'o kannin'n i akunndan, o séé ke: Se a tye swran liké'n, o ti kpa tra ke bé tye o liké'n.

Sa nga bé yôli'n 28:10

Bé dii é nennen dan kpa, ke é tu é bô le éh koh'n, bé maan é liké ng'o kô mian yé'n.

Rɔmfuɛ Mun 12:8

ye swran nga b'o man o si swran'm bé afotue man'n, mon o man. Swran ng'o man swran liké'n, mon o tu i klun yô, ye nga kusu b'o dyran swran'm bé nyrun'n, mon o nian su kpa yô, ye nga bo i waa n oh yôh swran yé'n, mon o yô i klun-ufué su.

Rɔmfuɛ Mun 15:27

Bé bobo ye bé buu i akunndan ke bé yôo, ye se bé yôé so'n, o ti su, afin Juif mun ye man bé nga bé ti'a Juif'n bé tii Nyanmien nde'n ye bé faa suo. O man so bé kusu bé man Juif'm bé liké'n, ba bô'a aôsuan.

Rɔmfuɛ Mun 16:12

Nh yôh Mmô Tryphène nin Mmô Tryphose bo bé di dyunman man é Min'n, bé liké. Nh yôh Mmô Perside b'o ti é swran kpa'n, b'o dii dyunman kpa man é Min'n, i liké.

1 Korɛntfuɛ Mun 15:10

Sannge swran nga man yôé ye'n, yé bo Nyanmien yôô min'n ti ye man man yô soo. Yé so'n b'o yô min'n wa yô'a ngben, afin n dii dyunman dan tra bé ngba, nanh ke m bobo min ye n di dyunman so nion, sannge Nyanmien ye o dyran n si ye man n dii dyunman so nion.

1 Korɛntfuɛ Mun 16:16

man amun nyin yi swran nga bé ti ke bé sa'n o nin bé kwlaa nga bé nin bé mian bé nyin di dyunman kunngba'n.

1 Korɛntfuɛ Mun 3:9

Afin é nin Nyanmien ye é di dyunman nion. An ti ke Nyanmien i fié sa, ye an ti ke i sua b'o su kplan sa.

2 Korɛntfuɛ Mun 6:1

I so'n ti, é bo é nin Nyanmien é di dyunman kun'n, éh sreh amun, nanh man yé nga Nyanmien yôô amun'n o yô ngben,

Galasifuɛ Mun 6:6

Swran nga bé klé i Nyanmien nde'n, i liké kpakpa'n kwlaa ng'o le'n, man o men i liké kléfue'n wié.

Filipfuɛ Mun 2:16

ye an fa nde b'o man nguan'n klé bé. Se an yô so'n, Christ bale tyen'n nun nh nyanh komin, ye béh wunh ke n dyunman'n nin min afe'n wa yô'a ngben.

Filipfuɛ Mun 2:29

Anh so i nun amun klun-ufué su é Min'n ti. Ye anh bu swran nga bé ti ke i sa'n bé swran,

Filipfuɛ Mun 4:3

Ye o kusu bo a ti n wiéngu dyunman difue kpa'n, nh sreh o, uka bla so mun, afin bé nin min ye é kpli dyasin fe'n i wun nion, o nin Clément nin n wiéngu dyunman difue'n kwlaa ékun bo bé klee bé dunman nguan fluwa'n nun'n.

1 Timote 3:5

?Afin se swran kun sié i bobo i awlô'n su nian'n, oh yôh se ye oh kwlah nian Nyanmien i asonun'n suo?

1 Timote 4:10

É di dyunman é fe lélé, afin é fa é wla guee Anannganman Nyanmien b'o ti swran kwlaa bé Défue'n i su, sannge bé nga bé lafi i su'n, bé lie yele i bô'n.

1 Timote 4:14

Liké nga ke Nyanmien nuan idyofue'm bé kannin, bo kpenngben'm bé yiali bo bé fa bé sa fuo o su'n, Nyanmien fa moon o ke a yô'n, nanh kpa su.

1 Timote 4:16

Nion o bobo o wun su o nin o ninngé bo a klé'n su kpa, afin se a yô so tititi'n, ah déh o bobo nin bé nga bé ti o nde'n bé ti.

1 Timote 4:6

Se a ken i so klé aniaan mun'n, bo a fa Nyanmien i sulafile nde'n nin liké kpa nga bé kléé wo bo a fali su'n katyi ke wo alie sa'n, ah yôh Christ-Jésus i dyunman difue kpa.

1 Timote 5:19

Se bé kan asonun kpenngben wié wun nde klé wo'n, se w'a tié'e swran nnyon annze nsan bé nuan nun'n, nanh fa su.

1 Timote 5:3

Bu bla nga bé wun wuli bo bé le'a swran'n bé swran, nian bé lika.

2 Timote 2:6

Fié difue ng'o di dyunman fe'n ye o dun mmua nyan likéo.

2 Timote 4:2

se a nyan o ti ô, se a nya'an o ti ô, kan Nyanmien nde'n dyran su kpa klé bé man bé wun i wle. Swran ng'o yô sa'n idyoe, wla bé fanngan, tro o awlen kpa klé bé.

Hébreu 13:17

Man amun nyin yi amun kpenngben mun, anh bu bé swran. Bé nian amun su titi, afin bé wa kan bé dyunman'n i su nde klé Nyanmien. Anh yô sa nga b'o man bé klun dyo bé dyunman'n su'n. Se amuan yô'e i so bo bé ôtô'n, o man bé su kwla uka'a amun.

Hébreu 13:24

Nh yôh amun kpenngben nin Nyanmien swran'm bé kwlaa bé liké. Italiefue'm béh yôh amun liké.

Hébreu 13:7

Anh bu amun kpenngben bo laa bé kan Nyanmien nde kléé amun'n bé akunndan. Anh nian bé nzuen'n nin bé agualie'n, anh nian ke bé fa lafi Nyanmien su'n, anh lafi i su so wié.