1 Timote 5:10 - Nyanmien nde Ufle

¹⁰ Man bé wun ke o yô swran'm bé yé, o nien i mma'm bé su kpa, o ti aklunyéfue, o wunnzin Nyanmien swran'm bé dya, o uka yalefue mun, o yô sa kpakpa'n kwlaa.

NYANMIƐN NDƐ'N 1998

¹⁰ Man be wun kɛ ɔ yo sran'm be ye, yɛ ɔ niɛn i mma'm be su kpa, man be wun kɛ ɔ ti aklunyefuɛ, yɛ ɔ wunnzin Nyanmiɛn sran'm bé ja, man be wun ekun kɛ ɔ uka yalɛfuɛ mun, yɛ ɔ yo sa kpakpa'n kwlaa.

1 Timote 5:10 ပူးပေါင်းရင်းမြစ်များ

Matthieu 25:17

I kunngba'n nga bé meen i talent nnyon'n o nyaan nnyon uka su.

Matthieu 5:16

I kunngba nion, anh yô ke kannin sa swran'm bé nyrun, man bé wun amun nyôlie kpa'n nan bé manman amun Si b'o ô nyanmien su lo'n.

JÉSUS-CHRIST I DYASIN FE'N BO LUC KLELI'N 7:38

Bla so'n fa blofue nzué albâtre (*f18*) se kun bali, o dyran Jésus dya wun le, o sun, i nyinmuen'n gue i dya'n su, o fe i ti ndre'n nunnun, o kôtô tre i dya'n, ye o fa blofue nzué so'n gue i dya wun.

JÉSUS-CHRIST I DYASIN FE'N BO LUC KLELI'N 7:44

I sin o kpee i nyin bla'n wun lo, o sé Simon ke: ?A wun bla nga? Ke n wluu wo awlô wa'n, a ma'an min nzué ke n fa wunnzin n dya, sannge bla nga o fe i nyinmuen'n gua n dya'n su, ye o fe i ti ndre'n nunnunnin.

Sa nga bé yôli'n 10:22

Bé sé i ke: Nyanmien i ange kun séé Corneille sôndya ya sukpen'n b'o ô Césarée lo'n ke o fle o, nan a bla, a wa kan nde wié kléé. O ti swran nanwlefue b'o srô Nyanmien, Juif nvlé'n kwlaa nun bé bô i dunman kpa.

Sa nga bé yôli'n 22:12

Bian kun ô klo so'n su, bé fle i Ananias, o srô Nyanmien kpa, o fa mmla'n su, Juif kwlaa nga bé ô le'n bé bô i dunman kpa.

Sa nga bé yôli'n 6:3

I so'n ti, nnya mun, anh kpa amun nun swran nsô bo bé bô bé dunman kpa, bo Nyanmien Wawe'n sié bé, bo bé si ngwlele kpa'n, man é fa dyunman so'n man bé.

Sa nga bé yôli'n 9:36

Jésus sonnzonfue bla kun ô Joppé lo, bé flee Tabitha, Grec nun yele Dorcas, bo i bô yele wannzannin. O ti klun ufuéfue kpa ye o yô yalefue'm bé yé.

Sa nga bé yôli'n 9:39

Pierre a sisi'e i bô, o nin bé oli. Ke o dyuu lo'n, bé fe oo nglô sua'n nun lo. Angbôti mmla'm bé kwlaa bé bee i wun le, bé fa trale nin trale dandan nga Dorcas wuu bé ke i nyin te ô su'n, klélii, wuun bé sun.

Rɔmfuɛ Mun 12:13

Anh ti amun niaan Christfue'm bé wun nyanman nun. Anh yô aklunyéfue.

Efɛzfuɛ Mun 2:10

Afin é ti i sa nuan liké, ke é nin Christ-Jésus é yôô swran wunmuan'n, Nyanmien bô é ufle nan é yô nyôlie kpakpa ng'o dun mmua sié é ke é yô'n.

Kolɔsfuɛ Mun 1:10

I so'n nun, amun nyôlie'n manh é Min'n i komin su, ye sa kwlaa nga amunh yôh'n, oh dyoh i klun, ye amunh yôh sa kpakpa'n kwlaa, ye sile nga an si Nyanmien'n, oh yôh dan.

1 Timote 2:10

sannge man bé yô swran yé, afin bla nga bé srô Nyanmien'n, se bé yô soo o ti kpa.

1 Timote 3:2

Sannge i so swran lie'n, mon o yô swran bo bé kwla satyi'e i wun kaan sa, bo i yi ti kun, b'o nien i wun su kpa, b'o si ngwlele, b'o yô sa i nuen su, b'o ti aklunyéfue, b'o si liké klé.

1 Timote 3:7

Mon o yô swran bo bé nga bé ti'a Christfue'n bé bô i dunman kpa nan ba ke'en i wun nde, nan wa to'a aya nga mmusu'm bé si Satan'n suali'n nun.

1 Timote 5:16

Se Christfue bla wié le angbôti bla i awlô'n nun'n, men i bobo nian bé lika, nan asonun'n wa kwla nian bé nga bé le'a swran'n bé lika, nanh man o yatyi bé asonun'n sa nun.

1 Timote 5:25

Ya sa kpa nga kusu bo swran wié'm bé yô'n bé wuin, nga kusu bo ba ka'a le ba wunmen'n, o su ka'a bui bô, san béh wuinh.

1 Timote 6:18

Sé bé ke bé yô sa ng'o ti kpa'n, bé yô swran yé, ye o ti anyanbéun kpa nion. Man bé yô aklunyé, bé tye swran liké.

2 Timote 1:5

N wla ô o Nyanmien su bo a lafii kpa'n su, o nannan Loïs nin o nin Eunice bé ye bé dun mmua lafii i su soo. Ye n si ke a lafi i su so wié kusu.

2 Timote 2:21

O man swran ng'o yi i wun sa te so'm bé yôle nun'n, oh yôh ke talié klaan bo bé fa di bé tyen'n sa, oh katyih i Min'n lie, oh yôh i wun sa yé, oh kwlah fa yô liké kwlaa ng'o ti kpa'n.

2 Timote 3:15

Ke o fin o ba kaan nun'n, a si Nyanmien Nde nga bé kleli'n, ye man a si ngwlele b'o man se bé lafi Christ su'n bé nyan bé ti nion.

2 Timote 3:17

nan Nyanmien swran'n nyan liké b'o kwla fa di dyunman kwlaa ng'o ti kpa'n.

Tite 2:14

É ti o fe i wun mannin, nan oh yih é sa tete'n kwlaa nun, nan é katyi i sa ti swran bo é wun sa tete'n kwlaa wa wié, bo é tu é klun yô swran yé.

Tite 2:7

Sa'n kwlaa nun o bobo yô sa ng'o ti kpa'n, man bé nian o lie'n su yô. Liké nga a klé'n, kléé kpa, nanh fa yô aôwi.

Tite 3:1

Kpen bé wla ke bé bu bé nga bé sié bé'n nin bé nga bé dyran bé dya nun'n bé swran, man bé nyin yi bé, sa kpa kwlaa nga bé sé bé ke bé yô'n, man bé yô.

Tite 3:14

Klé é minnien'm bé kusu ke bé di dyunman klaan nan ba nyan liké nga bé sa mien i wun'n, nanh man bé bubu bé sa nin bé dya tran su.

Tite 3:8

Nde nga n keen ye'n ti nanwle wéiin. N klô ke a dyran nde so'n su kpa nan bé nga bé lafi Nyanmien su'n, bé fa yé yôle'n katyi bé dyunman. I so yôle'n ti kpa, o yô swran'm bé wun sa yé.

Hébreu 10:24

Man é bu é wiéngu'm bé akunndan é wla bé fanngan nan bé klô bé wun, bé yô swran yé.

Hébreu 13:2

Swran ng'o tô amun'n, anh sikéé, afin swran wié'm bé yôô so bé siké ange mun, ba si'a nun.

Hébreu 13:21

o man amun fanngan sa'n kwlaa nun nan an yô i klun sa. Jésus-Christ ti, mon o fa é yô liké ng'o klô'n. Man é la Christ asé tititi! Mon o yô so!

1 Piɛr 2:12

Anh yô sa ng'o ti kpa'n bé nga bé ti'a Christfue'n bé nyrun, nan se bé satyi amun dunman ke an ti sa te yôfue'n, bé wun sa kpa nga an yô bé'n, nan tyen nga Nyanmien ba'n, béh menmenh.

1 Piɛr 4:9

Swran ng'o tô amun'n, anh sikéé, nanh an idyo amun kônviabô.

3 Jean 1:12

Swran'n kwlaa bé bô Démétrius dunman kpa, kannze swran a kenmen bobo'n, bé wun ke o ti nanwlefue. É kusu é bô i dunman kpa, ye a si ke i nde nga é kan'n ti nanwle.