1 Timote 5:1 - Nyanmien nde Ufle

¹ Nanh idyo kpenngben mun, sannge tu bé fo amannien su, fa bé bu o si, bu gbanflen mun o niaan,

NYANMIƐN NDƐ'N 1998

¹ Nán ijɔ kpɛnngbɛn mun, sanngɛ tu be fɔ amanniɛn su, fa be bu ɔ́ si, bu gbanflɛn mun ɔ niaan,

1 Timote 5:1 ပူးပေါင်းရင်းမြစ်များ

Matthieu 23:8

Sannge amun lie'n, nanh an yô amun wun ke bé fle amun Nannan, afin amun sukpen b'o ti amun liké kléfue'n ti kunngba tye, ye amun kwlaa an ti niaan.

Sa nga bé yôli'n 14:23

Bé siésié bé asonun'm bé kpenngben. Ke bé kpe sre nun bo bé séé Nyanmien ke o dyran bé sin'n, bé fa bé wlaa é Min'n bo bé lafi i su'n, i sa nun.

Sa nga bé yôli'n 15:4

Ke bé dyuu Jérusalem lo'n, asonunfue'm bé nin bé bo Jésus sunmaan bé'n, bé nin kpenngben'm bé soo bé nun, nan ba kan sa kwlaa nga Nyanmien yô maan bé'n, ba klé bé.

Sa nga bé yôli'n 15:6

Bé bo Jésus sunmaan bé'n, bé nin kpenngben'm bé yiali ke béh dih nde so'n.

Sa nga bé yôli'n 20:17

Sannge ke é ô Milet le'n, Paul yii swran ke bé kô yia Éphèse asonun kpenngben mun.

Rɔmfuɛ Mun 13:7

Bé kale kwlaa ng'o ô amun su'n, anh tua man bé. Swran nga bé su l'impôt men'n, anh su men. Swran nga amun ninngé'm bé su sika'n ti i lie'n, anh yi men. Swran ng'o ti bo an srôé'n, anh srôé, ye ng'o ti bo an bui swran'n, anh bui swran.

Galasifuɛ Mun 6:1

Aniaan mun, se an wun ke amun niaan kun su yô sa wié b'o ti'a kpa'n, amun bo Nyanmien Wawe'n sié amun'n, anh klé i atin ng'o ti kpa'n amannien su. Sannge anh nian amun bobo amun wun nan amuan yô'a sa kunngba so'n wié.

1 Timote 5:17

Asonun kpenngben ng'o sié asonun'n kpa'n, se bé bui swran bé yô i mô dan'n, i yôwle suo. Sannge bé nga bé yô bé lie'n tra su'n, yele kpenngben ng'o di dyunman kpa o kan Nyanmien nde, o klé liké'n.

1 Timote 5:2

bu bla kpenngben mun o nin, bu talua mun o niaan sa'n kwlaa nun.

Tite 2:2

Sé yasua kpenngben'm bé ke bé bu akunndan, bé di nanwle, bé yô sa i nuan su, man bé dyran kéklé bé lafi Nyanmien su, bé klô Nyanmien nin swran, bé tra bé awlen.

Tite 2:6

Kan klé ngbanflen mun ke bé kusu bé yô sa i nuan su.

Jacques 3:17

Ngwlele b'o fin nyanmien su'n, se o ti swran'n, wuun éh séh ke, sa te kaan sa nu'en i wun. O klô'a ndengan, o ti wetee fue, bé nin i kwla kôkô yale, o si aunnvue dan, o yô sa kpa, o bu'a swran'n wié kpa tra'a wié, o klô'a dunman.

Jacques 5:14

Se amun nin wié wunnen yô i ya'n, mon o fle asonun kpenngben mun. Man bé gue i su ngô é Min'n i dunman nun, ye bé sre Nyanmien ke o yô i dyuédyué.

1 Piɛr 5:1

I so'n ti, m ma sre amun bo an ti asonun kpenngben'n amun liké kun. M bobo n ti asonun kpenngben ke amun sa, n kan Christ i nyrennen b'o wunniin'n i nde, ye anyrunnyan liké nga Nyanmien wa yi nglô'n, n dunman'n teh nun wié. Nh sreh amun,

2 Jean 1:1

Mmô, m bo n ti kpenngben'n, nh kleh fluwa nga ble o bo Nyanmien fali wo'n, nin o mma mun bo n klô amun sa kpa'n. Nanh min ngunmin ye n klô amun saa, bé kwlaa nga bé sii nde nanwle'n bé klô amun sa wié.

3 Jean 1:1

Gaïus bo a ti n swran kpa, bo n klô o sa kpan, m bo n ti kpenngben'n min ye n kle fluwa nga ble woo.

Sa nglô yile 4:4

Bia ablaon-nin-nnan ékun sin yia bia kun so'n, kpenngben ablaon-nin-nnan bé titi bia so'm bé su, trale ufué ô bé wun, sika klé ô bé ti.