1 Timote 4:7 - Nyanmien nde Ufle

⁷ Sannge nanh fa nde b'o ti'a Nyanmien lie b'o ti ke bla ôké'm bé nde sa'n bé su. Mion o nyin mantan Nyanmien kpa.

NYANMIƐN NDƐ'N 1998

⁷ Sanngɛ nán fa ndɛ b'ɔ ti-man Nyanmiɛn liɛ b'ɔ ti kɛ bla oke ndɛ sa'm bé su. Mian ɔ́ nyin mantan Nyanmiɛn kpa.

1 Timote 4:7 ပူးပေါင်းရင်းမြစ်များ

Sa nga bé yôli'n 24:16

I so'n ti ye man n kusu, m mian min nyin ke min awlen'n nun yô wéiin titi Nyanmien nin swran'm bé nyrun nion.

1 Timote 1:4

nanh man bé fa bé wla gua ngôwa nin bé nannannannan'm bé ôsu finwle b'o wié'a mlonmlon'n b'o kpe sae'n bé su. Sa so'm bé uka'a swran ke o lafi Nyanmien su o yô sa ng'o ti i klun sa'n.

1 Timote 1:9

Afin é si ke, nanh bé nga bé ti swran kpa'n bé ti ye bé siéé mmla nion. Sannge bé sié maan bé nga bé ti'a kpa'n, nin nyin kékléfue, nin bé bo bé srô'a Nyanmien'n, nin sa te yôfue, nin bé bo bé nyin yi'a Nyanmien bo bé bu i ninngé'm bé finfin'n, nin bé bo bé kun bé si nin bé nin'n, nin swran kunfue,

1 Timote 2:10

sannge man bé yô swran yé, afin bla nga bé srô Nyanmien'n, se bé yô soo o ti kpa.

1 Timote 3:16

Nanwle, é kwlaa é si ke, ke o yôli bo é yô Nyanmien lie'n, o ti abônuan dan, swran wu'en i wle. O yô i wun swran o yii i wun nglô, Nyanmien Wawe'n klé ke o ti swran kpa, Ange'm bé wunniin, Bé ken i nde nvlé'm bé nun, Bé lafii i su men wunmuan'n nun, Bé yôô i kuaa, bé yô i mô nyanmien su lo.

1 Timote 4:8

Afin bé wun kpinngbinle'n o ti kpa, sannge bé wun bo bé fa mantan Nyanmien'n o ti kpa sa'n kwlaa nun tre, o man se bé yô so'n, bé si ke béh nyanh nguan ke é ô ye'n nin ble ng'o ba lo'n nun.

1 Timote 6:11

Sannge o bo a ti Nyanmien i swran'n, nanh fo o wun wle ninngé so'm bé yôle nun. Mion o nyin yô sa ng'o ti kpa'n, fo o wun mantan Nyanmien, lafi i su, klô Nyanmien nin swran, tro o awlen, yô weteefue.

1 Timote 6:20

Timothée, fa sa nga bé kan kléé wo'n su kpa. Nanh sié o su nde ngbenngben b'o nin Nyanmien nde'n ti'a kun'n, nin akplôwa nga bé bo bé bu bé wun ke bé si sa'n bé si'n bé su.

1 Timote 6:3

Se swran wié klé liké ufle, b'o fa'a é Min Jésus-Christ i nde nanwle'n o nin Nyanmien i sule wafa nga o klé é ke é sui'n su'n,

1 Timote 6:5

O man swran nga bé wu'an sa wle, bo bé si'a nanwle'n kun'n, bé si akplôwa o le'a bô buwle. Bé bu ke Nyanmien sule'n man bé nyan bé wun.

2 Timote 2:16

Nanh fo o wun wla nde ngbenngben b'o nin Nyanmien nde'n ti'a kun'n bé nun, afin bé nga bé yô so'n, bé fa'a bé wun manta'an Nyanmien lélé bé nin i bu.

2 Timote 2:23

Sannge nanh fo o wun wla sinnzin akplôwa sile b'o yô'a sa fi yé'n nun, afin a si ke akplôwa'n i bô agualie yele utré.

2 Timote 3:12

Swran kwlaa nga i waan o nin Christ-Jésus béh katyih swran wunmuan oh yôh Nyanmien klun sa'n, san béh kléh i yale.

2 Timote 3:5

béh yôh bé wun ke bé srô Nyanmien sa, sannge bé su lafi'e i su ke o kwla sa yô. Nanh fo o wun mantan swran so mun.

2 Timote 4:4

Bé su sié'a bé su nanwle'n su kun, béh siéh bé su nde nga bé ti ke ngôwa sa'n bé su.

Tite 1:14

nan ba lafi'a Juif'm bé nde b'o ti ke ngôwa sa'n su, ye ba yô'a sa nga swran nga ba yatyi nde nanwle'n bé sé bé ke bé yô'n ti.

Tite 2:12

Yé so b'o yôô yé'n, é yô sa ng'o ti i nuan su'n, nin sa ng'o ti kpa'n, ye é srô Nyanmien.

Tite 3:9

Sannge nanh fo o wun wla sinnzin akplôwa sile'n, nin bé nannannannan'm bé ôsu finwle i kunndele'n, nin utré, nin mmla'n su akplôwa sile'n bé nun. Bé ti liké ngben b'o yô'a sa fi yé.

Hébreu 5:14

Sannge alie'n ti bé nga ba yô swran bo bé kunnde sa ng'o ti kpa'n nin te'n bé ngbatyie lélé ba si i kpa'n bé lie.